樂園 (已搬遷) 新店位置

尖沙咀既樓上cafe大部份都係連鎖式，朋友話想搵間特別啲既，誤打誤撞就搵到呢間～餐廳選址方便，就喺正isquare對面既大廈，但始終都係小本經營，所以空間唔算話好大，亦無想像中咁光鮮，氣氛偏向居家既感覺。叫得樂園當然有佢既原因，牆身既壁畫都係啲Q版塗鴉，桌上亦放左糖果，幾適合一家大細黎用膳。呢度既西餐價錢偏高，用料當然唔差，鵝肝、豬肋骨、燒春雞、黑松露等一應俱全，基本上你諗到既都有；黎得呢度當然要試下佢地推介既廚師發板啦～廚師發板賣相值回票價，好似法國菜咁精美，仲可以自定字句，岩哂節日慶祝店員建議既次序係先食左熟食，以布冧清一清肉類既肥膩，再食冷盤。帶子都算大隻，以牛油煎香，但檸檬味唔太出。牛柳粒火候岩岩好，肉質鮮嫩，一咬即化，旁邊有黑椒汁同蒜片自行加減。鵝肝多士炸得好鬆脆，唔會太乾身，鵝肝肥厚，乾爽不油，但個人中意油香重啲既鵝肝多啲。煙三文魚味道中規中矩，無咩特別，但份量夠多、夠大塊。虎蝦唔記得影！蝦肉結實唔散，唔係急凍蝦，煎得好香口鮮味。法國野都係精緻但唔飽肚，正值發育時期當然要再嗌啲飽肚野黎填飽個肚意大利黑松露吞拿魚比薩Pizza底批厚身，批邊好香脆，好似食梗餅乾咁；餡料豐富，落

3.24是我家小姐生辰是也。「11歲」年紀不大也不小，找到適合餐廳去慶祝真的不容易，最終我找到了這個「樂園」，它給了我們一家一個開心無限的晚上。開場白講完，入正題～食物，環境，服務。是晚我們order的:1. 廚師發板👈有讚無彈👍👍2. 炭燒虎蝦蕃茄汁扁意粉3. 流心芝士蛋👈香港首創，店長推介👍👍👍4. 日式雞軟骨豬肉棒餃子5. 醬爆雞翼6. 雜丸燴(流心芝士丸，黑椒牛丸，龍蝦丸)7. 我係曲奇大王👍👍8. 我愛金莎👍👍9. 玫瑰蜜棗茶10. 苿莉花綠茶餐廳送的「怪獸雪糕」😲🍨份量勁到O左咀食物質素喜出望外有驚喜，雖然係樓上小店，但水準可媲美高級餐廳🎖環境: 舒適，優雅，整潔，有兩隻可愛貓咪招呼客人🤗，很多款式不同的board games😍服務: 店員有禮貌，和藹可親，廚房團隊有姿勢有實際👏

今年2月22日，或許大家在慶祝元宵佳節。知道嗎？那天還是猫の日喔！(日文發音中，「2」跟貓貓叫聲「nya」相像。)在這可愛的日子，姊妹選的樓上cafe，居然有貓貓主場呢～剛進店，立即被胖胖的貓咪吸引著，燃起貓奴之魂。毛色深淺相間的皇牌貓店員，不時巡視業務，卻不會打擾進食。這晚更客串暖場，跟食客玩遊戲和被集郵。好不容易，才回過神點餐。我係曲奇大王 ($88, 跟餐+$60)常說圖片只供參考，這杯的外型卻比餐牌上的更突出。原塊Oreo及整球朱古力雪冰，遠遠超越闊身的凍飲杯身。別只顧相機食先，要小心豐富的僭建物，溶化時會令冰沙滿瀉。下層朱古力沙冰濃度適中，跟鄰桌點的金莎那款近似，若換上Oreo沙冰會更好。黑松露香煎帶子刺身意大利飯 ($188)外層稍微煎香的帶子，成雙成對，每粒接近1.5cm厚。黑松露疑似只有上面的那堆，其實香氣早被半硬的飯粒吸收了。可惜的是，醬汁有點不足。小食拼盤 ($178/3款)由介乎$78-88的多款小食，自選升級組成。合拼後更划算，件數不減。超過1cm厚的芝士焗有機大傘菇，根本可以當扒切。橫切面說明一切，傘菇juicy，芝士灑得慷慨。明太子泡菜釀雞翼，fusion了

出街食飯最怕急住食急住走，限時食完還檯，一食完侍應很快將檯面清理乾淨，好似要趕你走咁...撞岩坐近門口/窗邊，出面等緊位就望到實+無限怨念，坐多陣個心都好似唔安樂咁...唯有揀間樓上cafe就可以慢慢食、傾到夠。Happyland就係iSquare對面，非常就腳~ 座位都夠闊，唔使迫。仲有可愛貓咪做親善大使呢~~ 另有提供多款card game/遊戲比客人玩。先點了杯「我係曲奇大王」 ，即是oreo朱古力沙冰，唔太甜，朱古力味幾濃，飲完透心涼呢~戀之花煙三文魚沙律我好鐘意食煙三文魚，配上新鮮沙律菜加醋汁，good!香草牛油焗特大帆立貝未食已經聞到牛油香，帆立貝又夠大隻，食落啖啖肉，而且焗的時間控制得剛剛好，不太老太韌!炭燒虎蝦蕃茄汁扁意粉蝦肉好結實爽口，食不出雪藏味。意粉不會煮得太硬，加入了不少新鮮蕃茄，茄汁夠濃入味~厚燒美國安格斯肉眼扒肉眼扒的質素不錯，很有牛肉香，熟度掌握得好，既不韌又不會太生而血淋淋，肉汗都鎖在扒中，肉質細嫩又很juicy呢~ 正呀~~ 烤焗西班牙黑毛豬肋骨配洋蔥汁難得豬扒不"鞋"又沒有由被"拿"鬆， 很有口感，洋蔥汁也很配呢~怪獸雪糕食到飽但都要食甜品，這個巨型