心夜來潮 (已搬遷) 新店位置

早前同友人去了位於旺角的心夜來潮食飯, 一見到個名就覺得好特別, 原來這間店是食潮州食品.打開餐牌, 款式不算好多選擇, 但好多款式都好吸引, 有些比較小食添..點了招牌牛雜鍋, 正宗汕頭手打牛肉丸, 手工捻面猴和擂茶.店員先奉上招牌牛雜鍋.這個牛雜鍋連火爐一齊上枱, 所以一邊食, 一邊仍保持熱辣辣.牛雜夠腍身, 而且好入味, 有帶點惹味. 原來當中有秘製醬汁, 而蘿蔔吸收晒牛雜和醬汁的精華, 唔怪得咁好食.也可以加錢配菜.接着是正宗汕頭手打牛肉丸.這個牛肉丸尚算幾大粒, 牛肉味也可以. 入口夠彈牙, 不知不覺會食晒成碗.手工捻面猴個名好特別, 原來是指隨意整出麵片, 所以每塊也大小不一.入口煙煙靭靭,而且配料也好豐富, 有肉碎, 乾魷魚, 蝦米, 冬菇和菜脯, 混入麵片一齊食, 口感十足.我沒有叫飲品, 反而試了擂茶. 原來這是迎客茶.茶裡混入了花生米, 芝麻和炒米.這是我首次飲擂茶, 感覺幾特別, 因為茶是咸咸地, 而且飲的時候會同時食到花生米, 芝麻和炒米, 口感豐富.經過這次來這裡食飯, 對於潮州的小食或款式多咗認識, 原來不只打冷.

Chewy 手工捻面猴👍另外，仲叫左個牛雜煲仔（$8x)加菜一開始覺得個煲麻麻地，又細D菜又黃（有舊口），吾新鮮但當個煲滾開後，肉汁的香氣就出來了，原來個汁底係秘製而成的！（如果您吾係重口味，就要配個飯一齊食啦，當然我都建議配飯，吾好浪費d汁！）Actually I come for the Chaoshan vegetable tea and salted urchin with rice, but don't wanna hv rice tonight, so will back for them!Btw don't order 一碟碟既牛雜🙊 要叫就叫一煲煲既！

看到Instagram上廣傳的一間小店，不禁有點好奇想一試。你大可以質疑每日有數十數百家餐廳的食物照片，我何解只對它有興趣？係咪去左食野就寫篇鱔稿出黎扮？　　那我會回答：「沒什麼，只是難得看到有中菜，對我胃口的。」而非偽文青咖啡店或是富貴高級食府，不是抄來抄去集各家之大成的食肆。菜式亦是特色的地方菜，不單是潮汕菜，還不局限於打冷。看到其他食客所吃的並非碟碟滷水冷菜，而是碗碗冒著白煙的熱食。若是喜歡吃這樣的，總覺得發掘到清泉了吧？　　店外架設數張枱櫈，小店也有大排檔的露天風情。只是因為這附近像是商廈，照理應該不能佔用這些範圍。問過老闆，原來店方跟大廈業團談好細節，晚上約七時後就可以開檔，直至早上，避免上下班時段。這正合此店，店面小不能招呼太多客人。而且作為營業至凌晨三時的深宵食堂，做宵夜時段俾食客悠悠閒閒吹吹水。　　餐牌好像全店只有兩三份，而一般給客人的就是這張小小的傳單。傳單？點夠位放食物選擇先？淨文字？非也，圖文並茂，只是新開業試水溫，店方提供十數款菜式。雖然沒有太多款式，但讓人感覺是重質，不重量，款款充滿潮汕氣。　　環境不算十分闊落，剛剛好不太擠的感覺。周邊清潔整理，也許是因為才新

琴日係旺角行去大角咀，經過天橋底，見到有間野叫心夜來潮，招牌幾特別，唔知咩來，行過去八卦下，店主話係食潮汕野，新開幾日現時試業中,我初頭以為打冷鹵水，但睇完Menu發覺除左汕頭手打牛肉丸聽過之外，其它菜式都有好新奇聽都未聽過，膽粗粗一於試試啦。平時係街邊d小食檔食開一串串既牛雜,今次品嘗下第一次用煲裝住既牛雜.賣相幾好,顏色偏淺無街邊牛雜咁深色.感覺比較乾淨.擺係台緊係相機食先,但未食之前已經聞到香味比d熱力逼緊出來.對我來講由於菜式比較陌生,店主好熱情咁我係地隔離一路介紹,話呢個牛雜鍋本身係鄉下餐廳已經係馳名菜式,食客慕名而來.所以將醬汁秘方轉移過來香港.醬汁用十七種香料十幾道工序煮成.牛雜炆得好入味,口感唔錯,試一啖醬汁香而不鹹,我食得出有咖喱,五香粉呢d香料味,其他就估唔到,睇下下次食家估唔估到.剛開始食既時候味道適中,但煲野一路滾一路食,味道越來越香濃,就好似平時食雞煲咁.要點上自制既辣醬,中間仲有舊腐乳.乜腐乳唔係點羊腩架咩?牛雜都得?但試過又出奇地夾.個名好搞笑,未食睇落似狗仔粉果類,連個名都有個動物呢度有馬騮人地有狗仔.我都唔知點解要咁叫.我食得出係刀削麵既粉質,但d粉唔