尚上下夏 - 養生雞煲火鍋 (已結業)

疫情下日日放工就返屋企食住家飯，食足三星期食到口淡淡，知道出名食雞煲的  做緊外賣自取8折，諗都唔諗就落order啦🤪收到菜單花多眼亂，太多選擇，用咗D時間先揀到以下美食～惹味食煲：雞脾(半份)(小辣)- 手切頂級安格斯(小)- 手打蟹子蝦滑- 手打香蕉墨魚丸- 糖心皮蛋豆腐- 爆炸魚籽球據知雞煲是即叫即炒，落單時店員會mark清楚自取日期時間方便預備，我到店準備好兩袋以保溫袋打包好的美食等我了! 一拎比錢走人！極方便~雞煲好夠味，所以我就冇另加湯底，只到超市買雞湯，再加些小朋友啱食的，一頓超豐富的家中雞煲火鍋就成形啦~- 先講雞煲: 爸爸放工未入屋已聞到香味，可想而知有幾吸引~ 太想食麻辣雞煲，我竟忘了悠姐都要食，今次真係辣到佢跳舞， 一邊飲水一邊勁話要食，不停講好好味：雞髀肉，好軟嫩、非常入味，越食越辣越好味，真係好過癮。- 再講其他配料：激讚爆炸魚籽球..入口即爆的芝士加蟹子，好味到震呀！必試item!!安格斯牛肉好新鮮，打邊爐點可以無靚牛架！手打蟹子蝦滑有水準，手打香蕉墨魚丸夠哂特別，墨魚丸內藏香蕉，入口彈牙美味，還有我最愛的糖心皮蛋豆腐，鮮甜好味，為這個晚餐錦上添花~

最近肺炎疫症嚴重, 大家都避免外出食飯, 特別圍埋一齊打邊爐就更加少。但天氣凍, 還是很想食雞煲火鍋, 從朋友口中得知平時食開果間尚上下夏, 推出了外賣, 自取滿$500仲有七折優惠! 一於今晚放工買返屋企同家人share!尚上下夏門外仲擺放消毒用品派送, 非常貼心~ 憑單係2星期內堂食, 仲有9折tim!雞煲落order即整, 而且有保溫袋放著。返到屋企開餐, 將整盤雞煲倒落鍋中翻熱就食得!連醬料都有妥善包好, 拎到返屋企都冇倒瀉。今次揀左【雞脾(半份)】HK$159自選辣度, 揀左小辣, 雞煲滾起熱辣辣香噴噴; 雞脾肉份量都幾多, 而且已被去骨, 啖啖肉, 肉質都幾滑, 醃得入味, 辣辣地好惹味, 特別係豬皮, 索左d汁, 又爽~ 個汁濃郁, 食完雞煲加滾水就開始打邊爐喇!!!【手切頂級安格斯(小)】HK$159色澤新鮮嫩紅, 陣陣牛味, 肉質鮮嫩【蝦膠釀鮮冬菇】HK$76冬菇厚厚的, 釀左鮮甜彈牙蝦膠, 一咬落去, 雙重口感, 冬菇更散返著天然菇菌味 【手打香蕉墨魚丸】HK$99要推介一下手打丸類, 墨魚丸非常彈牙, 有墨魚碎粒, 中心有少少香蕉蓉, 多一份滿甜果香。仲外賣左一碟

父親節一家人去咗試下依間火鍋店，之前經過見到佢個裝修幾特色，好有香港地道既味道, 個名又改得咁鬼馬。佢依度有雞煲火鍋或者就咁打邊爐，今次我地就無揀雞煲，揀咗鴛鴦湯底打邊爐。店內既裝修好有香港特色。一坐底店員就放底咗依個醬料盆俾我地，好齊全。湯底分別揀咗瑤柱群翅雞湯同養生藥膳湯，啱哂一家大細。兩個湯底都好足料，香濃好味道，真係一個俾人飲既湯咁。今日父親節我地一於食豪啲，叫咗依個最頂級既手切極品靚牛，一定滿足到一班牛魔王喇，睇顏色同花紋就知一定好食喇。打邊爐除咗牛肉之外，仲有海鮮都唔少得，依個係海龍王拼盤，裡面有大虎蝦，鮑魚，帶子皇，蟶子皇，花膠，珊瑚蚌，桂花蚌同花甲，我地叫既係4人用既，啲份量都好夠，同新鮮。依度啲手打肉丸都值得一試，尤其係依個手打香蕉墨魚丸，第二度試唔到，香蕉味既墨魚丸真係好特別。我地仲叫咗其他好多野食，每樣都無令人失望。想打邊爐依間尚上下夏係一個好選擇，下次我會試埋佢個雞煲帶幾好味先得。