天府川菜

营业中

休息中

最近試左依間新川菜餐廳，品嚐了他們的泡椒鱔魚、燒椒雞、手撕雞涼麵和乾煸四季豆，真的是一頓美味的盛宴。 泡椒鱔魚是我最喜歡的一道菜。 鱔魚肉質鮮嫩，搭配上酸辣的泡椒味道，口感非常好。 燒椒雞也很不錯，雞肉口感鮮嫩，辣椒和花椒的香味讓人回味無窮。 手撕雞涼麵也是一道非常特別的菜餚，麵條口感勁道，搭配上手撕雞肉和各種調味料，味道非常棒。 最後，乾煸四季豆也是一道非常好吃的小菜，四季豆炒得香脆，搭配上辣椒和蒜頭的味道，真是美味無比。 總體來說，感覺這家川菜館的菜餚味道非常地道，口感也很棒，絕對有家的味道。 如果你喜歡吃辣的川菜，絕對推介這間餐廳。

天后依間川菜乾淨企理、座位闊落，午市套餐抵食仲免加一，菜式可以自選辣度，辣癮一到一於試試～夏天熱辣辣最啱食涼麵－手撕雞雞肉好嫩唔係好嚡嘅雞胸位，麵條唔會黏埋一餅，同花椒油、青瓜絲、口水雞肉拌勻後口感豐富，香口惹味。紅燒牛肉係厚切嘅滷水牛𦟌，睇落好實但咬落腍身帶啲膠質，紅薯粉有嚼勁，湯底甜甜地建議至少嗌小辣會濃味啲。紅油抄手嘅辣油香氣十足，雲吞皮好滑溜，係肉餡比較細粒。第一次食紅糖糍粑，有啲似炸年糕，外脆內煙韌，沾上黃豆粉同紅糖糖漿，香甜軟糯好滋味，一定要趁熱食！又點會諗到食川菜會有珍奶飲🤪 港式奶茶茶底配珍珠，幾特別又可以解下辣。

星期日放假相約咗朋友嚟天后食晏，之前經過清風街已經睇中咗呢間「天府川菜」😙。我貪佢有得食辣之餘，仲有好多其他菜式。以川菜館來講，佢環境算相當乾淨整齊👍，因為店內無好大陣食辣嘅味，四周圍亦唔油。再者，呢度冷氣充足，我哋坐得好舒服。餐廳原來連週末都有賣午市套餐，平均六十幾蚊就有交易，仲送埋飲品添。另外，亦可以用優惠價加配小食。咁嘅價錢就已經可以食到正宗川菜，確係超抵🈹！本身諗住剩係嗌午餐，但喺老闆娘強烈推介招牌菜嘅情況下，我哋最終乜都食咗啲😜，成餐超豐富，飽到晚餐都唔使食。韭香牛肉($148)，哇哇哇，佢同餐牌圖片一樣，全部都係蔥💚。其實我超驚食蔥，但朋友相反，好鬼鍾意，我唯有捨命陪君子。由於係放湯，所以啲蔥唔會痴住啲牛肉。牛肉係用上鮮牛片🐮，肉味濃郁，厚薄適中，有好多片。湯底係唔辣的，佢出奇地無我想像中嘅臭青味，反而仲有啲青香😳，莫非呢個係令我接受食蔥嘅轉捩點？底部墊咗唔少大豆芽菜，適合索湯，亦好脆口。手撕雞涼麵($68)，涼麵好大碗，麵同餸都好多🍜。辣度有得揀，我只係揀咗微辣，但估唔到隻辣都幾勁，完全唔食得辣的話就一定要走辣。麵條清爽，條條分明，放耐咗都唔會漿成一餅。啲汁集中喺底，所以

清風街美食選擇都唔少架，行經見到呢間川菜館，設計簡潔，內部明亮，坐位地方大😙酸菜桂花魚 (例牌) ($268)- 酸菜桂花魚真心好驚艷，首先一上檯就好有visual上嘅震撼，金黃油香嘅湯底、雪白薄身嘅魚片，視覺、嗅覺上勁有衝擊，已經令人食指大大動😆- 份量方面都係冇得彈，魚片同酸菜都好足料，食得好滿足👍🏻- 味道更加係水準之作，小辣辣度好perfect，麻香惹味，辣得過癮，而且酸嘅程度控制得宜，更加突出魚片嘅鮮嫩😄- 最最最加分嘅係魚肉嘅質感，極級嫩滑，一入口唔小心就會sir入喉嚨咁嘅程度嘅滑，簡直係味蕾上嘅享受😝手撕雞涼麵 ($68)- 手撕雞涼麵都好唔錯，份量足料大碗，手撕雞調味香口，鍾意佢鹹香微辣嘅醬，仲有豐富爽口嘅配料，有青瓜同香菜，將成個麵風味倍增😆凍珍珠奶茶 (+$3)- 珍珠奶茶🧋叫咗少冰少甜，入口順滑，茶底係港式奶茶底，香濃唔澀，珍珠Q軟有嚼勁，甜甜地又凍凍地，啱晒同麻辣川菜一齊食🥰可樂 ($15)- 可樂更加唔使講，係my fave beverage list 嘅top 3之一，冰凍透心涼，碳酸超級解膩，配咩都咁好飲😎酸菜魚嚟講算係我係食過咁多間嘅top3之一，真心好