品香樓中西風味餐廳

营业中

休息中

多年前、因為女兒在附近返學、都去食過午餐或下午茶、都覺得唔錯。昨天晚上同朋友在附近活動、於是諗起品香樓。我哋6點去到，見到個場好冷清，心諗點解？原來我哋太早到、6:30 pm 陸續入座、爆满加埋門口排隊等。食物品質👍👍👍👍👍⋯手撕雞（要預早訂）正呀，又有驚喜👏🏻👏🏻👏🏻蒜蓉蝦蒸糯米飯👍👍🏻👍🏻枝竹牛仔骨煲👍👍👍🏻椒鹽九肚魚脆香👍🏻👍🏻👍🏻XO 醬炒腸粉👍🏻👍🏻👍🏻懷舊又好好味😋

Farewell 同事食局，收工山長水遠塊南山村食晚飯，自然畢業之後都冇黎過，今年可以重拾到當年味道，好懷念。同事一早book位，預訂埋招牌菜：手撕雞我第一次食，原來係凍食，肉身好滑，而且撕得幼條，配招沙薑汁食更開胃🤤大家食剩雞骨。蝦多士，多士好脆好香口，蝦又大大隻，加上滿滿芝麻塊炸，又香又滑口，唔泡點醬都好好味，咬落口又唔會標多餘油，正！火焰牛柳粒，呢款又係長青招牌菜，有火燃燒牛柳，但牛柳粒分量略為少，汁太多，唔及當年火喉。（冇相😭）南乳炸雞翼，皮脆、肉香，送酒一流👍🏻特登叫碟清炒菜心平均一下咁多油膩食物😬

長假期來到石硤尾應該算係老店之一，想OpenRice睇過啲相都幾靚仔，所以決定去試試。訂了晚上六點半，問老闆有冇停車場，佢話屋村可以拍停車場不過沒有免費泊車。停車場入口就是在石硤尾的警署對面，原來平台就是按二字層，下次可以拍那層就不用坐電梯了。我哋差唔多七點鐘先去到餐廳，冷氣非常勁好有舊式冰室嘅感覺，攞咗台之後立刻點菜。見到個餐牌基本上好多野都想試，但係我哋得三大一細，最後點左五樣。手撕雞基本上係必點，我哋冇訂到不過餐廳都安排一份給我們，不錯。雞肉已經拆開還有剩下嘅雞骨殼，味道較濃不過個人口味比較清淡所以覺得可以淡少少。分量唔算大不過四個人算叫做夠食。粟米斑塊有邊個會抗拒呢，上菜嘅時候魚塊仲係好脆，個汁打得好好也不會太鹹，唯一嘅挑剔就係粟米粒唔夠。送飯是選，小朋友亦好鍾意食。藍雨豬手唔使多講，皮夠脆，送酒一流。由於骨多所以用亦都唔太多，鍾意"選"骨嘅朋友要點來試試。粉絲什菜煲其實都冇乜嘢好需要講，不過佢嘅餡真係好新鮮。由於上次同太子嗰間生炒糯米飯名店嗌左交，所以之後都冇再去過。見到依間餐廳有生炒糯米飯立即點來試試，味道不錯，唯一失望嘅地方就係炒得唔夠乾身，油偏多。其實之後仲加左兩個外賣

講起南山村一定會諗起品香樓。雖然食過好多次，不過寫食評都係第一次。有訂位，但如果多人都要等下。。。品香樓既食物仍然保持水準，價錢都好合理。手撕雞通常訂位個時就要訂埋，如果唔係食唔到。好滑好香芝麻味，入面仲比埋雞腎個啲！最出名既凍朱古力，一定要叫。有濃濃朱古力味，舊忌廉勁吸引，對於女仔黎講太邪惡啦。其實凍好立克都值得一試。炸豬手，必食，骨膠原重，皮脆又唔油膩。加埋南乳醬好正。鍋貼芝麻蝦，炸得岩岩好，入面啲蝦膠夠哂彈牙，芝麻好香，配埋甜酸醬食一流。生炒糯米飯，賣相唔錯，入面有臘肉臘腸個啲，花生都算脆。走既時候，當然要到出面既小食檔攤，食雞蛋仔同格仔餅。

以前中學成日黎食lunch,估唔到依家出名到好多唔係呢區住gei朋友親戚都要暮名黎食。每次黎都最好book 位，如果唔係都要等好耐下。同埋book位順便訂埋隻手撕雞，係品香樓招排菜，唔訂定就唔一定有，成日都賣晒。不過係多人先叫得，因為一定要成隻嗌，冇得半隻/例牌，少人就未必食得晒喇。佢係好滑好香芝麻味，入面仲比埋雞心個d👍🏻另外好值得試gei就係呢到gei飲品，朱古力/阿華田沙冰都係必飲，超級濃郁朱古力再加cream係面，成杯勁rich勁邪惡。

雖然已訂位，都要等一等，不過唔介意，因為故地重遊，醉翁之意不在酒，趁機可周圍行一行。入坐後點菜，菜上得不慢，熱既菜色夠熱，凍既亦夠凍。我地5個人，當中1個人細食，叫了:風沙雞翼: 味道唔錯，夠入味，惹味得來係皮脆，入口可感受到有幾咁熱氣!蜜桃沙拉骨: 個汁果味濃，好似用左罐頭汁，肉就大少適中，只係肉味略嫌「削」左少少，個皮就LOK LOK脆。整體而言也是不俗。手撕雞: 汁味道唔太濃，總算味道夠---我指D調味，肉就始終不鮮(唔怪師傅...本地已難找到十足的「肉有肉味」...)。經典朱古力: 朱古力味濃，加CREAM當然很滑，整體係好味... 後果是女生大叫「好肥呀 」XD... ORDER佢全為懷舊!整體而言，3,5知己，食感情，此處一帶人情味濃，應該還會再來。

晚餐一行10人黎到呢間喺石埉尾南山邨既品香樓,以前讀書成日食, 今日再戰由於晚市有訂位, 所以一黎到雖然人頭踴踴但都有位,我地預訂左佢既招牌菜手撕雞,其實真係幾好味既, 雞肉雞皮夠滑,撕得好幼細,上面鋪左厚厚既黑芝麻調味,而配以沙薑汁食, 不錯另外,我地仲點左灼牛肉,口水雞,薑葱炒豬頸肉,九肚魚,等我特別鍾意食芝士琶琵豆腐,蜜桃沙拉骨 同南乳豬手芝士琶琵豆腐 芝士味好香濃, 豆腐出面炸得好脆,食落去入面有熱辣辣既豆腐香, 而豆腐入面比較有咬口, 配以芝士醬十分好味南乳豬手,南乳味做得好香濃,豬手皮比較脆,而皮下面充滿骨膠原,係鍾意食有咬口既豬手人仕必點之選蜜桃沙拉骨 排骨比較長身肉質因為近骨所以比較有彈性同少脂肪,個汁有蜜桃汁同沙律醬,十分MATCH ,令到油炸過既排骨食落有清新既感覺總括黎講,食物中上,價錢正常,環境一般,但可以一試,晚市要訂位, 某D食物好似手撕雞要預早訂!

同一班同事都講左成兩個星期，等到頸到長埋， 尋日終於食到。唔講咁多，去圖 其實另外仲叫左炸豬手同琵琶豆腐，掛住食唔記得影 呢度既野食的確好食夾抵食，但唯一要批評下既係埋環境勁嘈，嘈到我地都要鬧交咁大聲講野

朋友介紹話好食 所以去試試看又真係無介紹錯 真係值得推介同埋真係好好味啊!!賽磅蟹!!真係好滑同埋好熱啊撈飯食真係好正啊!!糖醋魚 整得好脆好香啊汁的味道岩岩好酸酸甜甜 幾開胃的～～～唔太記得叫咩名不過都炸得好脆同埋真係一炸完就上所以真係好熱 好味手撕雞!! 好多肉啊整得好好味同埋都幾大隻下一定要試哩個!!野飲一定要叫凍豬古力真係出奇地好飲d cream又好味喎!!正正正正正!!!

要不是朋友介紹, 也不知有此店.除要訂枱外, 還要預訂手撕雞...原隻雞按次序排好, 還有全副內臟; 肉質嫩滑配以沙薑醬...味道不錯炸得夠脆, 蝦有蝦膏, 肉質夠爽; 值得推介這個比較特別, 出面較少食到. 豬手皮炸得外脆內軟, 但必需配以其南乳醬汁才好吃..值得試一次...沒有什麼特別,沒有什麼醬汁伴隨...很香口, 又不太囪, 再配以醬汁, 味道不錯見很多人推介, 所以試試...其實只勝於有忌簾, 朱古力味道實屬一般, 太多粉狀同不夠滑身

以前在讀書的時候，只是試過幾次在這間餐廳吃過幾次午飯而已，覺得很不錯吃，不愧是不少城大學生喜歡聚集的餐廳。中菜吃過不少，不過這一間蠻令人驚喜的，好像有一點中西合壁的feel 這一天，有一個家庭聚會，所以大家都決定了選品香樓。一行人，差不多7點就到了，當天剛上品香樓外面滿滿排了很多人。所以大家要去吃的時候，記得要前幾天/一天要預約由於我們有預約，所以一去到的時候，等了5分鐘就可以進去吃了。這裡的菜單還有菜式招牌排行榜，很貼心吧~讓第1次去的朋友可以很快的選擇到這間餐廳裡好吃的，比較受歡迎的菜。這次我們點了手撕雞(要在訂位的時候，順便下訂!!)，生汁龍鳳球，南乳炸豬手，菜心，黃金蝦，賽螃蟹，明太子炒飯。招牌手撕雞鮮嫰的雞肉上，舖滿了黑芝麻，看起來非常可口呀一上的時候，大家都爭相的吃一吃，果然雞肉非常嫰，而且充滿了芝麻油的香味!!(還有雞本來的雞油香)一整個停不了口的吃呀~~這個手撕雞附上了一個醬汁，不過我覺得不點醬汁吃，那個雞本來也醃製過了，有鹽味，也是非常好吃的! 如果雞肉還能多點就好啦XDD生汁龍鳳球我本來還不知道什麼是龍鳳球，在上桌的時候，好像沙拉骨喔!後來才知道裡面原來是龍脷柳，這

今次第2次黎, 原因記掛住佢既手撕雞....手撕雞一定要訂先有, 所以book 位時順便訂埋去到已經見到唔少人等位, 好彩book左位即刻有得入, yeah一家人食飯, 因為多人, 我地叫左好多野手撕雞 -- keep到水準, 麻油味香, 雞肉滑...好快掃清光沙拉骨 -- 排骨炸到十分香脆, 但唔油膩, 好乾身, 加埋沙律醬...正三絲炒公仔麵 -- 好有獲氣, 味道岩岩好, 麵唔會一pat pat....炒公仔麵聽落好容易, 其實好難, 能炒到如此水準真係相當唔錯南乳炸豬手 -- 又係炸到好乾身, 掂, 但豬手太少筋, 反而勁多骨, 無咩食椒鹽九肚魚 -- 全餐最唔掂, 魚肉太淋, 但皮又唔脆...唔好食黃金蝦 -- 蛋黃岩岩好包住蝦殼, 而且又炸得夠脆, 可以連殼食埋都得明太子炒飯 -- 炒到一粒粒, 有少少甜味, 又夠獲氣, 唔錯薑汁芥蘭 -- 芥蘭超甜, 可惜無乜薑汁味椒絲炒通菜 -- 淡味左少少, 還可以啦皮蛋莞茜湯 -- 足料, 似平時屋企滾既湯凍朱古力 -- 如果佢隻可可粉更濃味,會仲好9個人食左7百幾, 真係好抵食, 每人一百都唔駛, 而且有呢個水準, 正正係呢度排長

由讀完書之後, 品香樓 就一直成為舊同學聚會 既其中一個指定"飯堂"後來, 又慢慢成為"朋友"聚會既其中一個指定點再後來, 有時屋企大時大節, 有人生日 又會指定呢度此無他, "平．靚．正" 是也 !今日又介紹一班台灣來的朋友食飯,總係覺得, 朋友千里迢迢來香港旅遊, 應該花 d 心思, 帶人地去 d 一般 "旅遊書" 搵唔到既食點將心比己, 我地去其他地方旅遊, 都想試下 d 地道風味野 品香樓自然是我心目中其中一間介紹地點由於朋友一早定好日期時間, 那就非常好, 我兩星期前打定電話去訂座那就不怕"撲個空", 失望而回啦當日我地一行六人都在預定時間早十分鐘到達, 等候安排入座不消十五分鐘, 已經入座了, 由於台灣朋友未來過, 亦全程讓我們發版由於一直都有幫趁既關係, 咁我亦有既定既菜單在心中 手撕雞呢個已經係"必點"菜式, 我係刻位既時候已經"order"定唔係講笑, 如果唔係真係有機會"向隅" 架呢個手撕雞, 同市面上既手撕雞有些不同, 就是好足料,似乎已經係好接近全隻雞既肉都交足貨好多時出面食果 d, 好多都唔知"有無半隻" 南乳炸豬手呢個又係必點既一個菜, 炸得好香而不肥膩

提早慶祝母親節，一行六人點了十個菜，連飲品才 HK$630。由於只能上載八幅照片，所以我刪除了兩味，分別為「生炒牛柳粒」及「豉椒涼瓜班腩」，因為兩味菜雖然出色，但卻沒有什麼特別，故此省略了。十個菜式均令人拍案，六人埋頭大嚼，轉眼間便把桌上佳餚一掃而空。注意事項：由於食客甚多，建議預早訂位，最好避開黃金時段 (7:30pm ~ 8:30pm)，否則可能要等待良久才有座位。