Fairy Tale Cafe (已結業)

拉絲——除了芝士能夠製造此「呃Like」效果之外，當然少不了煙韌萬人迷代表：麻糬。多年前已經曾在網上看到FairyTale Cafe的拉絲抹茶軟糕多士，抹茶、麵包、麻糬，三種惹人垂涎欲滴的材料結合起來絕對是扣人心弦，曾經在觀塘小火焰韓國餐廳品嚐韓式抹茶年糕多士，更加決意要一試FairyTale出品決一高下。抹茶紅豆軟糕吐司 ($53)兩層薄切麵包夾著抹茶軟糕，然後加上抹茶雪糕及甜蜜紅豆蓉，並淋上抹茶奶醬，三重抹茶滋味。麵包烘得外脆內軟，薄身質地令夾層抹茶軟糕的煙韌口感更為突出，軟糕抹茶味濃厚且帶適量回甘，而抹茶奶醬則與韓國大熱那款味道相差無幾，提升整體麵包的濕潤度。抹茶雪糕冰感較重，抹茶味薄弱，個人認為雪糕質素絕對可以更好。小火焰的抹茶年糕多士用上原味年糕，FairyTale的甘甜抹茶年糕固然更勝一籌；雖然FairyTale的麵包薄身能令年糕煙韌度提高，不過小火焰的年糕部分相對較厚，與厚身麵包比例均稱，兩者煙韌程度不相伯仲。老套直說，其實兩間出品的抹茶年糕多士各有千秋，總括而言追求滿足感的人可以選擇小火焰，而追求較濃抹茶味的則可以一試FairyTale。餐牌：

時間不等人，不斷推進的巨輪之下，能夠長存的是什麼？還記得早前風風火火一段日子的抹茶潮嗎？那時候周圍都是抹茶味，世界染成一片淡綠，然後又有紫薯熱。來點典雅粉紫，不讓綠專美……但現在呢？　　因為飲飲食食而認識的人多了，其中一些是有私下聯絡的朋友，另一些就只是一面之緣。難得跟其中一個相識了好一段時間，卻未有機會再度相約的友人見面。當然，不會只是去商場行行街，也非海旁吹吹風的平常活動。吃喝清單頓時增添幾項，就是友人提過想去一嚐，但因為隔涉難抽空專程去的店家。抹茶紅豆軟糕吐司　$53　　兩點半後才有供應，Instagram上時不時見有人上傳的甜品。就是以前的韓風黏糕多士，不過我們選的是抹茶紅豆的日式常見配搭。並非常見的韓國黃豆粉加紅豆的版本，變奏的同時頗靠譜的，希望不會是個陷阱（又名伏）。抹茶雪糕味道未至於太假，沒有濃濃的茶香甘甜，幸好不算奶膩得討厭。深綠的綠茶漿倒是我最愛的一點，味道非常濃郁，沒有混到過多煉奶糖漿。苦中略帶澀，但伴著綿密而微微起沙的紅豆蓉吃，也有雪糕添味，剛好中和甜膩。　　趁剛剛做起，馬上拉出一小塊切得整整齊齊的吐司才是重點。煙韌細緻的年糕不是普通白色的純米味，而是茶味年糕，色

🙋知道今日5點前埋單show @fairytale_cafe 個post有9折 就即刻放學去左食😆🏃🏃抹茶紅豆軟糕吐司 $5X×10%offtoast暖暖地 冇想像中咁熱氣 夾埋雪糕食都有小小冷熱交溶既感覺 中間軟糕好似麻糬咁煙煙韌韌 好有嘴勁 不過抹茶味相對差小小 有試過學人咁牽絲不過幾次都fail左 終於有次得啦!!抹茶抹茶紅豆雪冰🍧🍧$53×10%off🍨用量杯裝🍨 抹茶粉幾味真係好濃👅 雪糕開頭都算幾濃抹茶味 但食食下就覺得重牛奶味多啲 白玉煙煙韌韌帶小小甜 紅豆合到好處😋食冰真係當頭透心涼 爽曬❄🌀👅後尾啲冰溶左變左真係抹茶🍵 就與友人就咁飲 好豪氣xd😂💁如果驚食唔慣抹茶既味 可以加啲煉奶😉甜一甜😁知到今日綠茶紅豆蛋卷賣曬 店員好細心解釋番 仲介紹我地試下差唔多既綠茶牛奶

同朋友食完晚飯已經10點半，諗住黎試下抹茶野，搵左好耐原來係鐵路博物館隔離。呢個時間已經冇咩人喇，但店員唔比我地入去住，話執緊枱。入到去我地已經諗好要咩~ （$53)呢個軟糕吐司好正入面d抹茶可以拉出黎，味道好濃好重抹茶味，口感煙韌，配埋d紅豆同雪糕根本正！但一個人係唔會食得哂，兩三舊已經好濟，所以同人share 就最好 （$58)原本好擔心呢個pancake伏，但其實都唔錯既，呢個係上枱既樣，有朱古力醬淋上去。淋完就係咁樣，會好似鐵板咁有d泡泡。佢既質感同味道同蛋餅好似，同朱古力醬好配。不過價錢就有d貴，因為佢份量唔大，亦冇乜厚度。（$26呢個唔太肯定)想叫杯熱既飲品，又唔想飲咖啡，冇咩選擇喇對呢杯頗為失望，岩岩拎過黎已經係唔熱，鮮奶味好淡，淨係成口泡，得隻杯同個碟靚

好似芝士咁拉既甜品又有幾何見？抹茶紅豆軟糕吐司($53)，唔係講笑，未食已經有濃濃既茶香，垂涎三尺！雪糕既冰凍同火熱既吐司軟糕相配，兩者溫度既差異帶出新既衝擊，估佢唔到咁都夾！抹茶既茶香同紅豆的香甜有幾夾就唔多細講，簡直係天作之合啦！呢個甜品既一大特色就係個抹茶軟糕，一吉起個吐司就好似拉芝士咁可以拉到好長，夠哂煙韌，簡直可以滿足拉拉拉既慾望，食落去夠哂抹茶味。成個甜品係正，不過就係有d膩，建議2－3個人食一個。