金鶴拉麵 (蜆殼街)

营业中

休息中

午市時間同朋友嚟呢度食拉麵過下癮，因為天氣好熱，所以我就揀咗個香蔥鹽味湯拉麵，感覺比較清爽，套餐仲跟咗雜菜沙律 拉麵啲蔥鋪滿咗成個碗面，仲有開邊各半隻嘅溏心蛋，蛋黃半流心，係我鍾意嘅熟度，食落鮮甜，仲有啲木耳絲慢煮雞胸係呢間鋪頭嘅特色，取代叉燒真係一啲都唔失色，4塊份量都好足赤雞肉質細嫩，雖然溫度係凍嘅，但係食落口感一啲都唔鞋，整個麵嘅湯底好清，呈透明狀，麵條都彈牙 朋友都係食番呢個招牌雞白湯，仲要係極濃嗰款，湯底creamy仲有少許起泡浮誇嘅炸牛蒡仍然係最吸睛，加埋雞胸，叉燒，簡直係夢幻拉麵組合 套餐加20蚊可以有一支bless嘅冷壓果汁我叫咗支蘋果汁，店員上枱嘅時候提醒我要先搖勻再飲果汁香氣重，就算冇添加糖，天然嘅甜味都好夠 因為朋友叫嘅雞白湯拉麵十分之濃厚，所以最後我哋都加咗呢個抹茶軟凍(+28)，食落好似蕨餅，凍冰冰，完全起到解膩嘅作用

閨密陪我買袋 🎒我就帶佢食好西 😋今次要食嘅係拉麵 🍜其實好鍾意但少介紹 🤔如果真係特色會諗起佢 🏘記得第一次特登揸車過嚟 🚗朋友介紹好食又貪佢夠僻靜 🏞點知都要排隊先知原來好出名 😅第一次食瓜推薦史上極濃雞白湯 🐔湯底用日本赤雞熬製濃稠而不油膩 🤤配上特色嘅炸牛蒡嫩滑雞胸黑豚叉燒 🍖令最愛糖心蛋嘅瓜都只能將粒蛋排第二 🥚麵質雖然唔係最愛嘅彈牙但掛湯能力不俗 🍲炸牛蒡絲入口不油膩爽脆且薄而且味道鮮甜 👍🏼如果作為配料去睇暫時未有其他可以比得上佢 🏆閨蜜今次就叫咗期間限定嘅北海道極濃蟹湯拉麵 🦀忍唔住試過個湯鮮甜到爆而且有一大堆蟹肉好幸福 🥰如果唔係過敏本身諗住試埋另一個期間限定極濃蝦湯 🦐不過始終蝦湯配拉麵比較多反而出面蟹湯會比較少見到 ☺️最後我哋仲叫咗完全冇機會令我失望嘅超多肉汁日式炸雞 🍗試過佢嘅即炸牛蒡絲就會知道佢嘅炸物出品水準高端無風險 🤡然後作為總結仲食埋個甜品抹茶軟凍（味道口感都啱我口味） 🍵好開心今日同閨蜜又買到背囊買到風褸仲食咗一餐咁好嘅作總結 💕金鶴拉麵：天后炮台山蜆殼街6-16號寶榮大廈地下E號舖

日式拉麵算是日本的國民美食之一，隨著近年不少東洋過江龍拉麵店進駐香港，市面的拉麵店百花齊放，而大多都是以豚骨魚介湯底掛帥，雖然是想當然的高質，但味道仍是大同小異，變化不大。最近筆者造訪了一間位於天后一帶的拉麵店，店家反潮流以雞白湯為主打，從網上的資料得知出品甚得人心，當然要試一下！餐廳位處蜆殼街內，屬靜中帶旺的地段，離炮台山地鐵站也是5分鐘左右腳程。小店佔地不算太大，只有約5 - 7張枱左右，店內裝修時尚型格中滲著點點東洋味道，灰黑的主調襯上一大幅金碧輝煌的白鶴展翅圖，配上昏暗柔和的燈光形做氣氛，感覺高雅脫俗，環境雖不算寬敞但仍算舒適自在。翻閲餐牌發覺小店的菜式也不算單調，隨了主打的雞白湯拉麵之外，還有其他口味如醬油、鹽味和辛辣的湯底，更有其他小食、串燒和鰻魚飯，而且還有冷壓果汁、幾款個性獨特的手工啤酒和清酒吟釀，選擇較一般拉麵店為多，但既然是為了一試雞白湯拉麵而來，那便索性來一趟「全雞宴」吧！日式唐揚炸雞，一客3塊大大件的雞肉，炸得金黃香脆，肉質鬆軟，嫩滑多汁，蘸上伴碟的岩鹽調味，更添美味。日本明太子雞翼炸得金黃帶焦糖色澤，賣相飽滿一見垂涎，微脆的外皮包著滿滿的橙紅明太子，香辣惹味但

今個星期值得慶祝(一下)，所以又係時候出動搵食作為拉麵控既我地當然要去食下拉麵放工行行下黎到炮台山一search，見到附近有好耐無食過既雞白湯拉麵就決定食你啦入到黎坐低望望，環境同燈光唔錯又靜靜地，可以選擇坐吧檯或者坐普通餐廳檯，掙扎左一陣決定坐吧檯坐係吧檯會見到唔同既啤酒樽，原來呢度有好多味道既日本手工啤可以叫黎飲一睇menu，除左招牌既雞白湯，仲有其他唔同既味道，呢個期間限定既蟹湯都好吸引，不過下次先食拉麵梗係要搵d小食送下，估唔到呢度有唔同既串燒食，見到都流口水等左大概10分鐘，終於有麵食！今次叫左兩個麵，分別係雞白湯同埋極濃雞白湯麵一上，當然要相機食先白白既湯加上炸到閃令令既炸牛蒡忍唔住要食了！食拉麵當然要試下個湯底一飲落口就有好creamy既感覺，仲有雞白湯獨有既香味，唔錯！鍾意雞白湯既朋友一定要叫特濃雞白湯因為個湯會更加creamy更加香滑，食落啖啖都大滿足！令人驚喜既係雞叉燒，因為咬落一d都唔鞋，仲好滑好柔軟豬叉燒都燒得幾香口麵既質地都岩岩好，唔會太淋又上到湯小食叫左日本明太子雞翼，燒得金黃，一咬落口唔單止去左骨，仲加入左滿滿既明太子同蔥食到飽飽仲有甜品送，正短休過後繼續

北角蜆殼街都開左金鶴拉麵🍜仲要有新店限定既日式豚肉飯$78，中意嘗試唔同口味既人記得去喇～大家都知佢地最出名係雞白湯拉麵🍜，我地今次好想食d重口味野，分別叫左黑蒜醬油湯拉麵$98同辛味拉麵$88～兩者都無令人失望,黑蒜油脂勁香，叉燒同雞肉都好淋好入味～辛味拉麵撈下更均勻更入味，雞肉一如既往咁高質，唔楷夠嫩身，上面鋪少少胡椒粒碎已經好好食，係好簡單直接既美味～最緊要係甜品抹茶軟凍$33超高質，唔係普通jelly可以媲美～