北京老家 (已搬遷) 新店位置

傳統北京菜，連裝修都好有心思呀…有外國朋友返黎都可以帶佢地去感受一下呢到嘅北京填鴨幾好食喎，份量都好夠，不過啲皮就唔係好夠。要加$50要多份先夠食雖然已經好飽，不過都係堅持要食甜品! 好彩堅持咋，佢個拔絲香蕉好好食，而家好多餐廳都無做啦，下次要試埋個拔絲地瓜 🥔

要食傳統京菜的地方買少見少, 今晚終於有機會黎到呢間京菜館與友人飯聚內在裝飾佈置好"中國", 大紅燈籠高高掛, 難怪吸引遊客前來光顧枱面下有亮點..................有金魚游來游去, 成幅畫咁靚, 未開餐前望住佢地都幾治療feel.............哈..哈......餐牌上食物種類選擇相當多, 有D係見慣見熟食開嘅款式, 有D係未見過但相信係傳統地道嘅, 想食邊款都無問題對於土豆絲有份情意結, 雖知道材料只有土豆絲, 但要整得好味都唔係間間做得岩口味!  呢度嘅土豆絲有幾種口味, 見天氣熱熱地, 就黎個涼伴土豆絲 ($72)土豆絲切得公整, 口感相當爽脆, 淋上涼菜醬汁, 味道咸中帶酸, 簡簡單單都幾好味!濃味之選點左呢客蔥爆牛肉 ($96), 蔥同牛肉嘅份量一樣多, 濃味醬汁包圍住蔥爆牛肉, 牛肉肉質嫩滑; 京蔥味道甜味, 兩者配搭好味道!特登點多客蒸銀絲卷 ($38)用黎夾住食, 減底油膩感另配練奶點黎食又係好滋味呢碗酸辣湯麵 ($98)份量相當多, 足夠二人分享, 湯麵原來採用上海粗麵, 相當飽肚; 而個酸辣湯底味道幾平均, 材料方面只有豆腐, 木耳及蛋絲,

有幾位朋友生日，星星選了這間北京菜。叫了北京填鴨，柚子魚，鍋塌豆腐，宮保雞丁，雞絲粉皮，上湯雲吞，蔥爆羊肉，蛋白蝦仁炒飯及拔絲香蕉。最滿意係北京填鴨，皮同肉的比例啱啱好，唔多肥肉或無肉，味道濃淡適中。柚子魚感覺清新（ 醬汁真係有柚子肉），不過條魚唔多肉，d骨都唔食得。葱爆羊肉，食一第啖唔覺係羊，再食就食到羊的騷味。整體來說覺得葱爆呢個煮法唔適合羊肉。鍋塌豆腐味道好好，豆腐好滑，大人同小朋友都鍾意食。蛋白蝦仁炒飯中規中矩，足料，味道適中。宮保雞丁味道有d濃，少少辣，都算野味。雞絲粉皮都算好味，好快食晒。上湯雲吞沒有什麼特別。拔絲香蕉的賣相同味道都一流!今次坐房內，環境算舒適。裝修富中國色彩。有小童椅。

三五知己想去食北京烤鴨又唔想次次都老牌餐廳咁悶，就試下呢間北京老家啦！2日前打電話預約，要訂到8點半後仲要話唔保證有枱，可能到左都要等位咁話！咁我地提前10分鐘到啦，都可以係8.45前比到枱嘅！只得幾個人就只叫半隻鴨啦，但竟然只得一盤唔到20片嘅鴨肉，好似份量有D搵笨囉！其他小菜都唔多出色，一碟陳醋海蜇裡面嘅青瓜佔左3份二比例；只係甜品拔絲香蕉係正常水平啦！裝修都算有特色，不過環境好嘈吵；服務都係一般茶記水準！

人愈大，愈偏愛中菜。貪其煮法萬千，蒸煮燉炸都可以變出無數菜色。是晚朋友聚會，圖的是一張大圓桌，有一個房間讓我們一群女人聊聊就好。北京老家的環境比想像中好很多，街上看到它，就有一種騙遊客、懶中式的感覺，上樓就發現挺有趣的，到處都像是新房，紅噹噹，好熱鬧哈哈。連餐具都花了一點心思模糊的醉雞。甜酒味滲入雞肉，作為冷盤挺開胃。上湯娃娃菜。配上了許多菇菌類，還有杞子，比一般吃到的蒜粒娃娃菜多太多配料了！清淡的菜點是為了之後濃味做準備。紅燒牛肉麵。大蔥、牛肉、麵，就成了一道富有東北味的麵點。牛角軟而不爛，大蔥的剛烈味道很適合冬天吃。雖然會有口氣，美食當前，顧不了那麼多😆蔥爆羊肉。大蔥絲、帶著孜然香的羊肉，炒得香脆，肉汁都鎖起了，配著蔥絲，非常香！片皮鴨。又是大蔥哈哈，配個鴨有點太嗆，鴨是不錯，很肥美，算是不過不失的片皮鴨，純粹為了讓這頓京菜更有京味而點。叉子雞。超超超好吃！後面不是辣椒醬，是一碗餡料，松子雞肉用醬汁炒香，裹在香脆的芝麻包內，滿嘴的香脆，酥得掉渣。最後少不了一道拔絲，香蕉用油潑，內軟外脆，外層糖漿拿捏得很好，剛好的甜度，怪不得店家有好幾種拔絲食物，是真的做得不錯，還有拔絲山藥，特別。