The Night Market (士丹利街) (已結業)

The Night Market一直是朋友喜愛的台式餐廳之一，它的小食和主食表現亮眼，朋友總會忍不住點一大堆，面對豐富的美食，怎會不滿足。香炸蚵仔酥所選用的蚵仔顆顆肥美，且現點現炸，上桌時熱呼呼。香炸蚵仔酥外層酥香，配上軟嫩的蚵仔，單吃已很不錯，若想蚵仔酥有另一番風味，可沾點旁邊的醬汁提味。招牌牛肉麵這麼大的一碗是不是超化算? 湯頭牛味濃郁，混入酸香的酸菜更加開胃，麵條彈牙帶嚼勁，牛肉煮得軟腍，牛筋滑彈富膠質，嚼感蠻不賴。乾煸四季豆乃是熱門小食之一，四季豆亳不油膩，口感脆嫩，混搭滿滿的鹹香肉碎品味，無窮滋味，乾煸四季豆絕對是一道下飯好菜式。接著是招牌三杯雞時間，三杯雞香氣四溢，光聞已口水直流。招牌三杯雞在熱窩滋滋作響，雞皮香脆，雞肉肉質細嫩，爆香的蒜頭，金不換的郁香與雞件融合，入味無比。喜歡養生飲品的友人是晚選喝檸檬薑蜜，茶壺內的薑片和檸檬片加熱後釋出天然微辣酸香，遇上甜滋滋的蜜糖變得溫潤滋養，朋友喝畢喉嚨舒暢了不少我對酷果茶飲最感興趣，既有水果吃，又有茶喝，蜜瓜綠茶最得我心。翠綠的蜜瓜綠茶冰涼解渴，綠茶的回甘碰到蜜瓜的清甜，入口清新細膩，妙不可言。

雙十日子就係去左食台灣野，之前分別係圓方及又一城經過過呢間餐廳，睇個名同裝修格調以為係食西餐，點知原來係食新派台灣菜，仲要係連鎖餐廳。環境位於樓上舖，佔兩層，中環分店唔似我之前經過果兩間分店咁有華麗既門面，可能因為係樓上舖，面積不大，故沒有位置再放門牌，但內裡裝修比人感覺都舒服，仲有趟門除左裝飾用途仲可以拉開放袋係入面，設計周到。黃金炸苦瓜 $88台灣菜招牌之一，鹹蛋黃炸苦瓜，外層炸粉夠薄夠香口，苦瓜甘香脆口，兩者互相中和。招牌三杯雞 $98小菜必數三杯雞，三杯為麻油、醬油及米酒，仲有不能少冰糖及九層塔。上色好靚，雞既偽份量都多，外層沾滿醬汁，香濃且甜度夠，用嚟撈飯一流，雞肉肉質亦幾嫩身，忍唔住食埋啲薑同九層塔，實在惹味。古早魯肉飯 $62一向定價低既魯肉飯，呢到售價$62，以香港台灣菜餐廳既魯肉飯嚟講，價錢確係比較昂貴。魯肉飯向來係細細碗，魯肉份量適中，為半肥瘦，撈匀再食就略微唔夠汁撈。招牌牛肉麵 $108點少得食牛肉麵，有牛腩、牛筋，湯底仲有少許榨菜，鹹度適中，麵質彈牙，牛腩牛筋都幾入味，肉質不會過老，正常發揮。總括而言，中環定位價格，服務不錯，食物之中黃金炸苦瓜及招牌三杯雞亦岩我