Greyhound Café Galleria (K11 Musea)

营业中

休息中

⚜️海鮮冬陰公炒螺絲粉 $148挺特別, 海鮮不多, 意粉太稔, 試過便好.⚜️意大利肉腸芝士餡餅 $118比想像中淡, 有拉絲的芝士,脆口的餅皮, 還好.⚜️海鮮婆蘿炒飯 $148有點鍋氣, 海鮮沒味道,但有加肉鬆等配料, 挺香口的⚜️脆炸豬手配糯米飯 $228好硬的炸豬皮, 肉也乾… 糯米飯就是最基本的, 沒啥好說. 醬汁還好, 但偏甜, 個人不喜歡⚜️招牌椰⼦千層蛋糕 $78賣相不錯, 但cream太多, 有點膩. 除了景觀外, 從食物本身到服務都沒有讓我想再來的理由.

冬至前夕同朋友食好啲慶祝一下，揀左K11 Musea 既Greyhound，好好彩安排到窗邊座位，可以望住超靚既維港海景。泰式柚子沙律 $68 : 柚子一啲都唔酸，好新鮮，粒粒卜卜脆，加左椰絲味道更豐富香甜。泰式辣醬燒和牛配薑黃飯$168 : 高質和牛半生熟啱啱好，肉味好濃，薑黃飯煙煙韌韌口感好特別。海鮮冬蔭公螺絲粉$158 : 雖然係冬蔭公煮但一啲都唔辣，反而勁香，非常美味!招牌椰子千層蛋糕$78 / 榛子醬芝士蛋糕 $78 : 黎呢度食飯必點千層蛋糕，好重椰香，每層都有椰肉同cream，但一啲都唔漏。芝士蛋糕都一樣好好味。泰式珍珠咖啡 $48 : 泰式咖啡超香濃，加埋珍珠口感一流!

見佢有個靚景 一直都好想試下呢間好唔好食今次終於都有機會試下去到間餐廳門口都企咗一陣先有Staff過嚟招呼我哋感覺上個場好大 但係Staff唔夠搞到佢哋冇乜時間招呼啲客不過我問佢有冇窗口位嘅時候個Staff都好好禮貌咁答我因為今次想食個蛋糕 所以冇嗌太多野食叫咗個小食拼盤同和牛扒小食拼盤都幾多野食 不過大部份都炸過龍咬落又乾又硬 係串燒比較好食d和牛扒有肉味 不過有啲難咬有好多雜菌鋪係底 幾好食 唔會乾不過因為塊鐵板熱嘅 所以食耐左 啲雜菌有啲燶咖啡普通 啲珍珠好硬泰奶茶幾好飲 不過太多冰千層蛋糕好好味 入口好順滑 茶味夠濃又唔會太甜👍🏻但係唔知係佢太早攞件蛋糕出嚟定點有少少溶溶地 一路食個蛋糕一路向後傾斜不過味道係好食嘅同埋上面啲曲奇太甜 食落好似通咗風咁 淋晒椰子味都好好味 蛋糕面有少少白朱古力碎中間有好多椰子肉 食落每一啖都有椰子肉比起泰奶味呢款比較甜少少 🍰

今次來到一間來自泰國既Greyhound Cafe買了3款千層蛋糕試試泰式奶茶千層蛋糕 ($78)有奶茶醬跟, 蛋糕上面那一塊是餅乾, 我見堂食有3塊餅乾, 不過外賣只有1塊(why?), 食既時候已經不脆, 有點可惜, 蛋糕有好多層, 奶茶味都算濃, 甜度適中, 好食鮮果千層蛋糕 ($78)回家打開盒, 發見歪了, 不過並不影響它的味道這個蛋糕生果非常多, 除了生果還是生果, 表面有士多啤梨, 藍苺, 奇異果和芒果生果有4層, 第一層係橙, 第二層係奇異果, 第三層係士多啤梨, 最下層係芒果, 芒果下面有一塊蛋糕這個蛋糕Cream不會太多, 吃完也不會覺得好"漏"招牌椰子千層蛋糕 ($78)表面一粒粒既係白朱古力, 中間有很多椰子肉, 好足料雖然好多椰子肉, 不過椰子味唔夠重, Cream比較很多, 相比另外兩款蛋糕差了一點總結, 3款蛋糕都好出色, 好食又唔會太甜個人最喜歡泰式奶茶千層蛋糕, 奶茶口味比較少見, 而且層數很多, 口感很好

朋友生日想吃泰菜，選了greyhound, 之前光顧過其他分店，今次試試K11 Musea。早一星期預訂也未能book 到窗邊位，想坐窗邊食客請早預訂。一行四人安排到單邊梳化位，挺舒服。立馬先點飲品。點了幾款以水果做主打的凍飲，我的是pink journey, 混合各樣水果後是酸酸甜甜，喝不出水果的組合，但也不錯。柚子沙律，就跟圖一樣，看得出的味道，平凡。越式鮮蝦雞肉米紙卷，是很清新的前菜，蝦肉雞肉滿滿，能配搭多一點香草更佳。醬汁是經典甜酸。炸鱸魚配青芒果裝，鱸魚炸得脆口但一點都不乾身，保留嫩滑魚肉，鱸魚本身淡味，炸得香口再配上甜酸芒果醬另有一番泰式風味。是晚我最愛的一道菜燒魷魚最主要是火喉控制, 既要燒得有𡁻口, 也要保留軟滑。此燒魷魚就剛好做到。配搭的醬汁就是一般配燒魷魚的汁。海鮮菠蘿炒飯, 配上兩大塊菠蘿賣相十足。但味道就比較一般，不乾身也沒有把泰式咸香跟菠蘿酸甜互配結合由於是朋友生日，各來一份甜點代替生日蛋糕，生日的甜點更附生日牌。選擇很多, 各人均可選到自己喜歡的。我點的是香蕉朱古力窩夫，吃上去不太甜, 香蕉不是選最熟成的故配上不太甜的朱古力窩夫就不太搶，面層再放上咸咸的芝士

不知不覺已經食過好多間greyhound店價錢同水準都合理，每次同朋友想不到食什麼都會入greyhound今日難得有機會經過K11 Musea，最後都選擇了greyhound望著海景進膳，真爽泰色小食拼盤 $228個小食拼盤實在比想像中大好多，擺盤好美美好適合打卡，但2人真的好難可完食有豬、雞肉串燒，單骨炸雞翼、香腸，同數款丸子有3款醬汁供自行調味(洋蔥、辣椒、蒜碎)無論喜歡什麼口味都可以自己拼本人最愛丸子，一口一啖好惹味！帕能咖哩羊扒 $248 (Greyhound Cafe Galleria 限定)咖哩好適合香港人口味，不太辣且偏甜易入口，配埋薄餅一流羊扒和咖哩都意想不到地夾，肉質軟稔嫩滑係本餐最滿意的菜色香辣金不換燜和牛 $158 (Greyhound Cafe Galleria 限定)單是名已經流口水，香濃的和牛味配金不換再加太陽蛋，每啖都入口即溶班蘭千層蛋糕 $78招牌椰子千層蛋糕 $78這兩款均是招牌甜品，超·級·香甜度適中，食完整個也不會太膩班蘭千層蛋糕 $78且真係很足料～椰子千層中間夾了椰肉班蘭千層就另外配分開班蘭醬供客人自行加Lemongrass Drink $42

每次經過K11 Musea，都會期待試試新餐廳，享受休閑的環境和豐富的美食😋眼見現時疫情開始緩和，便帶媽媽出來食一頓午餐，而這間餐廳是新開張當然要過來嘗嘗，網上看到某些位置可以看着整個維港，真的很令人心動😍當天剛好安排坐在窗邊食lunch，讓我們都感到興奮🥰還有這裏的服務很好，每當我們有什麼需要，店員都很快過來幫忙👍🏼👍🏼——————————🔹泰式小食拼盤 $228這個泰式小食拼盤，一上菜就感到非同凡響，因為食物款式很多，包括豬和雞串燒、雞翼、魚餅、春卷和香腸，還有三種醬汁👅特別喜歡串燒和雞翼，熱辣辣燒起，很香炭燒味🥳食起來很腍，裏面還保留肉汁，不錯 👍🏼🔸帕能咖喱羊扒 $248這個羊扒配上印度薄餅，適合我這些不想吃飯的人😝賣相不算很特別，有三大件羊扒浸在咖喱汁裏，還有三片薄餅。咖喱汁的味道比較適合香港人，香料味不太重又不辣😌撕開少少薄餅，放入咖喱汁一齊吃，牛油味更突出豐富，好好食👍🏼而羊扒本身沒有太多肥膏，食起來沒有很羶，再加上外層稍微煎過，所以充分保留裏面的肉汁，整體肉質軟腍😍🔹泰式蝦球配炸流心蛋 $178泰式蝦球配炸流心蛋，賣相很不錯👍🏼起初以為只有蝦和蛋，但原來旁邊還有糯米飯😍

拍拖食飯有harbor view嘅選擇好多，我地今晚揀左氣質商場內嘅呢間分店，完全係眼前一亮。懶人小食，啖啖肉。脆炸單骨雞翼同脆炸粟米蟹肉餅配酸甜醬，兩個都非常香脆而唔會反油，尤其鍾意粟米蟹肉餅，粟米仍保持水份，肉餅有海鮮味兼彈牙。泰式酸辣原隻龍蝦，龍蝦頭上嘅膏勁鮮味，肉質彈牙爽口，酸辣汁味道拍得上泰國正宗；中間沙律菜夠新鮮，配上泰式沙律汁又fresh又開胃，超贊！繼續啖啖肉，啖啖蟹肉黃咖喱飯，蟹肉同黃咖哩融合，係有蟹味嘅咖哩。而且加少少魚露落去，係別有一番風味，配飯一流！Ok，甜品同飲品時間，最不可錯過招牌椰子千層蛋糕，曾經喺birthday party食過，It’s my cup of tea. 一層層蛋糕皮一層層鮮忌廉同鮮椰子肉，口感好smooth又豐富，味道清甜唔膩，賣相又靚，好味又得睇。呢個fusion dessert，香蕉榛子醬印度煎餅原來可以咁夾，熱食嘅煎餅碰上不溫不熱嘅熟香蕉，咸咸地香香地又甜甜地，好特別。泰式奶茶、香茅特飲之中，最like係後者，我覺得香茅特飲係可以沖淡前面嘅濃味，滲透香茅香味又冰冰涼涼，令口腔refresh。環境靚靚，大部分位置望到維港景色，剛落完雨

難怪屋企人齊齊放假又有啲開心野慶祝就一於出街食返餐好既——————————————-其實之前都食過旺角同九龍塘分店但今次見到介紹話呢一間新分店有得睇海景即管再去食下 欣賞下風景——————————————點知今日超級爆多人...詢問之下 已經好多人卜左位為免再等.. 所以普通座位都照殺啦唉 海景枱無望今次😫————————————————味道方面唔詳細打啦😂大家可以睇圖嗰度我有評分同埋少少評語🤡今次叫咗一個帶子蘆筍香草闊意粉、一個泰式小食拼盤、一個菠蘿海鮮炒飯 同埋 一杯龍眼冰。甜品就叫左一件班蘭千層糕蛋糕、一件招牌椰子千層蛋糕、一件泰式奶茶千層蛋糕。整體來講其實唔錯嘅，佢個價錢、服務、食物質素都成正比，但如果有埋海景位睇嘅話呢就一流啦！