滾爺火鍋 (金巴利道)

营业中

休息中

今日一行四人去打邊爐，落雨濕濕，最忌啲餐廳污糟邋遢，一定要揀間衛生企理舒服嘅，朋友話嚟過呢間打邊爐，咁就一於試吓佢。果然係夠四正光猛，店員服務都OK，起碼一叫就有反應先，講番啲嘢食先：招牌椰子雞鍋（半隻雞）文昌雞半隻，椰青三個，椰肉 仲有 珍珠馬蹄，個湯都幾甜架，小朋友都覺得啱飲。2. 鬼馬雙星 （百花釀油條）想保持番脆口嘅質感，就要記得千祈唔好淥太耐，大人細路都搶住食，勁搞笑。3. 新鮮第一刀 即係新鮮豬肉片，每一塊都白裡透紅，唔韌。4. 即炸響鈴 $58 5. 即炸枝竹 $28每一舊都脆到不得了。6. 油麥菜 $28一盤滿滿嘅油麥菜，即刻覺得打邊爐都唔算太罪惡7. 手包韭菜餃（四粒） $40粒粒都均勻飽滿，湯汁都唔少。8. 美國安格斯板眼 $188份量足夠，有肉味，最重要係上枱嗰下加咗乾冰放煙嘅效果，搶眼，可以打卡！9. 讚岐烏冬 $28呢類急凍烏冬最驚就係唔夠凍，而呢一度嘅烏冬就冇呢個問題，值得一讚。10. 青島啤酒 $33打邊爐邊可以冇冰凍嘅啤酒！最緊要係夠凍，正呀！！尖沙咀打邊爐，四條友埋單都係$1070，算唔錯啦

最近無意中發現呢間火鍋好高質，好適合一班朋友去聚會🥰我地點左一個有招牌椰子雞鍋嘅 2 人餐，配料包括美國安格斯牛板眼、兩隻大元貝、脆鯇骨腩、手打四寶丸、雲吞、皇帝菜、紫菜響鈴及烏冬🍲呢個半隻雞嘅椰子雞鍋超高質又特別！店員會將四個椰子嘅椰水倒落鍋中同雞一齊滾，煲滾再焗五分鐘後就可以先飲湯同食雞，呢個時候嘅湯好清甜但唔膩，雞肉包括雞胸肉都好嫰滑，食完一件又一件食唔停😋 非常推介呢個湯底👍🏻食完雞之後就可以加埋雞湯打邊爐，呢個時候碗湯嘅鮮味又多左啲層次☺️ 配料之中我最欣賞係元貝、脆鯇骨腩同手打四寶丸。元貝好新鮮，其中有一隻我放落鍋之後好耐，唔記得左時間撈起🤣點知食落都仲係爽口而且鮮甜😌 而脆鯇骨腩相當爽脆，絕對交足料👍🏻值得一讚係部份卡位有私家電視，邊食邊睇電視超正🤭 而且店員服務有禮細心👍🏻臨走見佢有 VIP 房，下次要再同班朋友來食椰子雞鍋☺️

打邊爐唔想咁熱氣 所以同事介紹左一間有椰子雞鍋食既餐廳一入門口落地下果層有一個好吸睛既花牆 打咭一流餐廳採用卡位設計每一張枱都有火鍋同埋一個強力嘅抽氣扇所以食完火鍋都唔會一大浸味 抵贊仲有一台一部電視一坐低店員會俾你調返個醬油九宮格一定要黎個招牌椰子雞鍋用左半隻雞作為主要食材，搭配椰青同椰皇湯底，味道非常濃郁。睇住店員將兩個椰青同兩個椰皇嘅水倒入鍋中，仲有椰子肉同埋珍珠馬蹄，用料真係十足。椰子的香氣融入湯底中，為整個火鍋增添了一種特別的風味。雞肉質地鮮嫩多汁，與湯底相互融合，好滿足呀叫左幾款配料爽口手打鮮蝦滑鮮蝦滑用左新鮮的蝦肉製作，口感細膩滑潤。蝦肉鮮甜又彈呀澳洲純牛筋丸好推薦呀 牛肉丸有濃郁的牛肉味，咬下去非常彈牙又爆汁 好好味😋。唐三藏（田園菇菜拼盆）蔬菜拼盆包含了左幾款唔同嘅新鮮菇菜。有娃娃菜 生菜 金菇 雞髀菇 冬菇 粟米啲菜吸晒啲椰子湯底 特別鮮甜打邊爐當然唔少得啤酒同王老吉啦大滿足😌