澳門咖喱王新鮮腩

营业中

休息中

招牌清湯牛腩 ($128+30)想加$30要其他部位，但店員話每樣都得返好少，所以就幫我每款加少少，有牛坑腩、爽腩及崩沙腩。原來佢哋用嘅係閹牛，所以口感鬆化軟腍，牛味更濃。牛坑腩係牛肋骨之間嘅肉，旁邊連住少少軟膏，入口更滑溜；爽腩連一塊薄薄嘅筋膜，食落千絲萬縷；崩沙腩即係牛嘅橫膈膜，少肉。我自己最鍾意食爽腩，肥瘦適中有肉又有軟膏，口感最特別！下面有好多白蘿蔔，盡吸牛肉精華，超級入味鮮甜！ 獨創即煎酒糟肉餅飯 ($49)用本地豬肉手剁而成，口感嫩滑彈牙，煎得香脆；加咗酒糟所以好有酒味，不過又唔會覺得好勁；撈白飯食一流！香港仔魚蛋河 ($35)店員話冇哩特別，所以轉咗個無味精鮮茄湯底俾我。雖然看似奇怪，但個湯飲落的確好清甜，就算成碗飲晒都冇口乾嘅感覺！店子雖然細，而且係走茶餐廳style，但坐得舒適而且食物質素高！食得過！

這天朋友等我下班, 知道我那天在尖沙咀放工, 專程來等我一道走去相隔一個九龍公園的這家清湯腩吃牛. 店內的格局與一般的清湯腩或茶餐廳近似. 來到清湯腩店, 第一道自然是點清湯腩. 上桌的清湯腩顏色與肉質紋理很像义燒, 墊底的自然是用上蘿白. 入口的清湯腩, 肉質鬆化而肥瘦均勻, 入味清新. 牛肉清湯亦清澈而牛味十足. 最後的蘿白吸滿牛肉清湯, 美味非常. 干炒牛河, 是每個月必然吃到一次的食物. 用川醬炒的則是第一次試. 川醬的味道帶點辛辣香, 比平常的牛河更惹味. 牛肉質素自然無話可說的好. 可惜用上的河粉是幼身的河粉, 火候上較易控制但口感稍遜. 牛河外點的一份澳門咖喱, 朋友說著想特別一點的組合, 便點了咖喱薯仔牛坑腩配薄餅. 這裡的薄餅用的是薄身的薄餅, 最適合包著牛腩直接食用. 意想不到地這個咖喱的味道相當濃郁, 與牛腩十分配合. 最後的這一碗蕃茄濃湯誠意十足, 用上牛肉清湯, 不加味精, 出來的湯鮮甜味滿分, 而且價格是驚人的$6. 比一杯熱檸水更便宜.