NeNe Chicken (形點 I) (已結業)

木檯木凳木地板，配以紅磚牆同柱身，再加上假草修飾；正午時份o黎到，陽光從遠處o既落地大玻璃滲入o黎，好有田園氣息！農場裡的小雞，等住俾我食落肚啦！o黎到炸雞店無理由唔食炸雞，見佢一set 炸雞達人($88 未加一下同) 已經有晒平時單獨賣o既七隻味，呢個當然係我地首選。另外我朋友本身都鍾意食韓國年糕，所以亦點o左一份芝士炒年糕伴拉麵($68)。原來個炸雞達人係好似拼盤咁上的！一格格咁，一格一隻味，而九格入面淨番o個兩格就附送o左d 沙律。呢七隻味由白色o個pat 醬開始逆時針數，對番menu 分別係白郡主、蒜香醬油、初雪、招牌、大葱、大韓廚師同埋韓式甜辣炸雞。所有雞件都無骨，食o既時候我就選擇由招牌食起喇，可以先食出炸雞o既原味。原味因為塊皮無沾上醬油，所以特別脆口。初雪係瀋o左芝士粉，同出面食開o個d 一樣咁甜漏。個人覺得白郡主個醬真係幾特別，最初以為會唔會係沙律醬，但原來係韓國乳酪來的！係真係幾好味呢個。個拉麵幾大份，$68 好抵食！鐵板上的熱辣辣，半溶芝士甜度好高，年糕同d 魚蛋片都幾煙韌。不過要留意佢比較辣，menu 辣度有半條同一條辣椒之分，呢個屬於一條，但我諗起碼實際上值兩

今日去咗元朗形點行街，原來商場裏面都好多嘢食喎，見到Ne Ne Chicken午餐牌都好多選擇，就入去開餐啦！裏面裝修簡潔，播住k-pop 感覺輕快。原來出面仲連著商場的露天範圍，開揚園景，令人輕鬆。午餐餐牌由$58至$88,好多都好抵食，例如參雞湯都係$78, 送餐飲，可以加錢轉特飲，不過我想食韓國炒粉絲，所以揀午餐蘑菇炒粉絲$58, 想試下特色飲品，加15蚊，轉NeNe梳打西柚味。另外，因為係慕炸雞名而來，所以都點左半份招牌炸雞$79。一坐低店員立克奉上泡菜，有三款：白蘿蔔，粟米沙律，大白菜泡菜， 泡菜食完仲可以再添，正！平時成日食泡菜就，知道大白菜泡菜，最初醃製的味道是辣多酸少，如果醃得太耐就會變酸，而呢度嘅大白菜泡菜冇乜酸味，証明好新鮮。梳打飲品先到，係用個燈泡狀裝住的西柚汁，賣相好得意，亮著綠色小燈在飲管上。 透過燈泡看到裏面的氣泡，被綠燈照著，很有玩味！西柚汁甜甜的，裏面還有果肉，並不是所想像的酸味，覺得甜味多啲。蘑菇炒粉絲，真係有好多雜菌在裏面炒，仲有雲耳、蘿蔔絲、洋蔥，炒好後再灑上雞蛋絲和黑白芝麻。 味道好香，因為落咗麻油仲有黑白芝麻，每啖都充滿著麻油香味，別以為咁深色

【Yoho Mall 商場延伸部分食記之 - NeNe Chicken】元朗的韓國餐廳不算多，韓式炸雞店的數量更是一隻手也數得出，想食韓式炸雞非要跨區不可。在韓國開業近30年，具名氣的炸雞連鎖店 - NeNe Chicken ，近日殺入元朗Yoho Mall 延伸部分開設第三間分店，當然是受區內街坊的追捧，尤其年青一輩。 屋苑信箱收到NeNe的優惠傳單，有現金卷，也有外賣自取的半價優惠，近在咫尺當然要去湊下熱鬧。雖然外賣自取有半價優惠，但堂食設有任食的炸雞跟年糕鍋，吸引力更大，外賣優惠卷還是留待下回使用。 平日晚飯時間，七點前不用等位就可直接入座，七點後開始人頭湧湧了。Yoho店比另外兩間分店略為細，不過論舒適度也是挺不錯的，清潔光猛，韓國流行音樂的不停播放更是少不了的元素。 炸雞加年糕鍋設有兩款套餐: 皇牌和升級，價錢為$158和$198，分別在於前者得60分鐘用餐時限，而後者多30分鐘之餘，炸雞也是任食的；當然也可以選擇散叫，不過大多數光顧的都偏向選擇這兩款套餐。 多付$40就有無限量炸雞食，而且比皇牌套餐多了30分鐘的用餐時間，自然選擇$198的升級套餐 。套餐的雞

大熱劉在石炸雞(Ne Ne Chicken)由韓國去到旺角，但次次經過朗豪坊都大排長龍，M佬唔肯等，所以我一直都無機會食到。今日拍拖入到元朗嘅形點(Yoho Mall)，竟然......竟然......大發現呀！NeNe Chicken開到入嚟元朗，由於新開無咩人知，竟然唔駛點等位，即刻同M佬試試先。呢度總共有8款炸雞可供選擇，要食晒8款真係難啲，少食多滋味，今日就試住3款先。除咗炸雞，仲有火鍋同其他熟食，Let's EAT！韓式甜辣炸雞搽滿自家製嘅韓式辣醬，味道又甜又辣，越食越辣，好惹味呀！招牌炸雞特意叫呢款咩醬都無加，最原汁原味嘅炸雞，貌似簡單，原來用上18種嘅天然炸粉、炸漿同純正菜油油炸而成，全部都係韓國直送，外面脆卜卜，而內裏嘅雞肉好鮮嫩呀。芝士潘朵拉炸雞好邪惡呀！潘朵拉炸雞上面搽滿千島醬，點上農夫麵包入面嘅芝士，再一大啖咬落去，化外脆內軟嘅雞，再加埋成口滿滿嘅濃郁芝士，好滿足呀！自助年糕鍋年糕鍋嘅湯底有4款，韓式炸醬、宮廷醬油、招牌辣醬同韓式咖哩醬，我哋揀咗招牌辣醬，湯底濃郁微辣，至於火鍋配料就要去自助吧自取。配料有韓式魚蛋、寬粉、拉麵、蔬菜、泡菜、冬菇、金菇、年糕等，選擇唔