閨•家 (西九龍中心) (已結業)

搬出嚟住之後唔係成日有機會飲到媽媽嘅叫湯水，之前都會去買啲湯包返屋企飲，不過如果有食店可以食埋飯我一定會衝去食～一路聽聞良心店閨家嘅湯水好正，今晚放工就去左食晚飯，叫左每枱必點嘅招牌豬扒飯，呢個係香茅豬扒，食落甜甜地，豬扒好腍，伴碟嘅有香蔥油同埋梅菜，加埋白飯有較製過嘅豉油，唔覺意會食多咗！梅子金沙骨以為係好熱氣嘅菜式，嚟到時見係炆煮過嘅排骨，肉有咬口，但唔會黐哂牙咁，醬汁甜甜地，易送飯，同行友人表示煮得好食過佢娘親煮果個⋯我嚟呢度最主要係因為碗湯，湯水款式日日唔同，我去嘅果日係海底椰栗子煲豬展唔係味精湯，係好媽媽味嘅湯料，湯料好足，湯水好清甜！我真係好滿意～小食叫左手拍青瓜同埋滷水豆腐，兩樣水準都幾好！食完飯飲埋湯基本上好飽，尤其豬扒飯居然有兩大塊豬扒，份量真係好足，兩個人再叫兩個小食真係多左少少⋯無時間煲湯嘅上班族得閒真係要嚟飲碗湯💛

西九食肆林立，網上看這家以健康聞名，故特來一試其招牌菜式。午餐朱扒飯送老火湯，就把招牌名物一箭雙鵰了。豬扒是薄切，煎得十分香口，賣相漂亮，可惜豬肉沒有肉味，且薄切相對容易處理，像元朗成記那厚度一樣做得好吃我才服你。這就是招牌菜難免令人覺得小題大做，且難以服眾。這老火湯真心推薦，入口即感覺青香的蘿蔔和杏仁味，只可惜有點太鹹跟那股青香格格不入。份量很少，真的是貴精不貴多，但嘗得出是認真之作。餐廳色調柔和，用色透露主事人是女性。座位和餐桌都有點狹窄。餐廳另一名物是豬手，有機會再試。

曾經食過北角分店既閨家，回味無窮，但平時收工真係好少去北角。今次嚟到深水埗，餐廳大排長龍，試下味道如何先。招牌豬扒飯兩塊好大塊金黃色嘅豬扒，揼得好鬆軟，好容易就咬得開，而且醃得好入味，送飯一流。手刴香煎蓮藕餅 + 甘荀麵蓮藕餅外層稍為煎香，每啖都咬到爽口既蓮藕。甘荀麵既麵條好長偏軟身，都幾唔錯。蟲草花百合無花果煲豬展最值得一試既係每日唔同既老火湯，鮮甜滋潤得嚟飲得出無落味精，煲足4個鐘，係誠意之作。手拍青瓜蒜蓉醬好惹味，食落有少少辣但係絕對接受得到，份量都唔少。⭐️ 炸饅頭外層香脆熱辣辣，配埋煉奶真係錦上添花。簡單既小食都整得好有水準，絕對會再翻兜呢間餐廳。

北角小店開到嚟深水埗西九龍中心啦🤩閨 • 家出曬名係冇味精餐廳 唔洗驚食完會好口渴㗎~🌟蘋果紅蘿蔔沙參煲咸排骨湯 𝔽ℝ𝔼𝔼想 講 呢 個 老 火 湯 真 係 好 出 色 好 好 飲❗味道超濃郁 飲得出係超級足料 仲要係完全冇味精 鍾意飲湯嘅話一定會滿意💯💯💯🌟招牌豬扒飯 $48豬扒大大塊 仲要俾足3塊 真係好抵食 ! 味道唔錯 如果豬扒係厚切嗰隻 食落一定會更加滿足🐽🌟花雕醉雞飯 $48醉雞份量同樣係唔少 同埋都幾夠"醉" 唯一係希望可以再滑啲細嫩啲🐣