坤記煲仔小菜

营业中

休息中

半年嚟冇食，今晚食返夠本先，如果各位想環境好，服務好的食客，咁就唔使嚟都得啦，因為全店女性都十分十二寸。包括老闆娘坤記必食梗係煲仔飯排骨煲仔饭90蚊，頭圍一般半小時有得食，排骨醃得入味，鬆化，豉油又調味煑得刚好，呢兩年换咗新款瓦煲，煲飯飯焦冇痴底，但又有飯焦，唔太焦，又好味，可以每粒飯都食晒冇浪费。貴妃雞135蚊半隻，D雞有雞味又滑，好過好多飯店酒家賣D乜雞物雞，老闆娘話係新鲜雞整㗎。豉椒炒蜆80蚊，炒得干身D，但個汁落太多糖，偏甜油浸筍殼魚110蚊，炸得鬆脆。好正奉勸各位，想食煲仔飯就必先訂位好啲，唔係walk in 冇位就掃興啦。煲仔飯只做晚市，午市只做碟頭飯及小菜。午市經常有遊客碰釘白行。

今天晚上，特意到西營盤是一間煲仔飯很出名的餐廳。這間餐廳我有數個住西營盤的朋友也強烈推介，這間餐廳就是坤記煲仔飯小菜。去到門口，見沒有人排隊，打算直接入餐廳坐低。點知有個阿姐立即說沒有訂位的就要等到晚上九點半，那時只是七點鐘。最後我也決定等下去，因為始終也是特意由荃灣到西營盤試食這間餐廳的。好彩的是等了不到15分鐘就已經有位了。所以回想起阿姐說要等到九點半感覺有點奇怪。一坐低，我們就點了四個餸，分別是他最出名的白鱔煲仔飯，之後是排骨煲仔飯，椒鹽九肚魚及椒變腐乳炒通菜。老實講，我在香港食個10多間不同餐廳的煲仔飯，但真心的覺得這間坤記煲仔飯小菜的煲仔飯真的很好味。白鱔及排骨也煮得十分夠味，他的甜豉油也與其他餐廳有分別的。同時最值得讚的是他的煲仔飯飯焦也十分翠口，絕對是好好食的。其他餐廳的煲仔飯的飯焦也會很易煮得過分焦黑及硬身，所以真的絕對抵讚。整體來說這餐我十分滿意，我也覺得不枉此行，有機會的話一定會再試。

噚日夜晚喺堅尼地城泳池同朋友游完水，之後就行咗去坤記食飯。去到嘅時候大約九點半，可能天氣開始轉熱，少咗人食煲仔飯，所以好難得咁唔使等位連街都唔駛坐就入得去。我地叫咗排骨煲仔飯、臘腸潤腸煲仔飯同埋豆豉炒苦瓜首先嚟到嘅係炒苦瓜，每塊厚度切得均衡，熟得嚟炒得爽身，味甘但唔苦，清熱食品首選之後係臘腸潤腸煲仔飯。臘腸潤腸各有一條，煲完啲油滲返落啲飯到，陣陣油香，好吸引臘腸咬落口，咸甜適中，而潤腸就甘香味濃，送飯一流最後上嘅係排骨煲仔飯，豆豉蒸到排骨好入味，加上排骨肉本身夠滑又半肥瘦，而且飯焦又多過上一煲，我俾100分講真，呢到啲煲仔飯係真係我食過咁多間最好食，師傅手勢堅好，不過每煲平返$10就性價比高好多。

環境：有室內室外座位，但咁凍都係坐室內算喇。晚上8點9去到，好快就有張4人檯，同另外兩位客人搭檯一齊食。室內環境算不上乾淨，地面有啲濕，但好在冇骨！當然嚟得呢度我相信所有人都係食local感覺㗎啦，所以呢個唔係問題。室內嘅檯都幾迫，大家都盡情豪飲豪食有講有笑，咁熱鬧嘅感覺令到8度嘅晚上都變得溫暖。偷睇到隔離檯嘅 有個鐵屏風圍住個煲緊嘅羊腩煲，真係體貼蒜蓉炒菜心($50)：知道等煲仔飯期間會好肚餓，所以叫個菜食住先！落單時要求多蒜頭，最後亦都真係有好多白色嘅蒜及炸蒜！好滿意..... 期待煲仔飯！！！！白鱔滑雞煲仔飯加蛋($100)：由於係用炭火由生米煮成熟飯，所以需要啲時間，大概等咗25分鐘就有得食喇！一開蓋就有嘩一聲，因為餸都幾多，仲有蔥同辣椒，但係就算拎走啲辣椒，俾佢掂過嘅飯都係辣㗎！真係你離開了卻散落四周...... 加上日本萬字醬油+老抽真係不得了，即刻加多幾層味道，仲充滿視覺效果，口水都流晒！仲等？影完相即刻食啦！厚切白鱔肉嫩軟滑，腍而不散，仲有D果皮同豆豉嘅香，鮮味甚濃，半點腥味都冇！軟硬分明嘅吸收晒魚汁同雞汁，每一啖都充滿鮮味。一吓剷起飯焦，噢......... 太鬆脆喇