影片
更多
2017-08-22
1021 浏览
好耐無同啲食友聚聚，一到暑假就各有各忙，晌暑假結束前，點都要聚一聚吹吓水，順便送吓啲小食心意俾大家嘅。由於今次由友人擔大旗，唔使小弟安排，呢個當然好啦，只要地點就腳，我食乜都無所謂。但友人揀咗銅鑼灣嘅「金公館」，食川菜，辣嘢我一般喎，友人話唔使擔心，唔辣嘅一樣好多選擇。咪以為佢喺一般菜館，但上到去裝修花過心思，由上樓梯一刻已可見一班，以竹枝作為佈局，讓人暫時離開「石屎森林」，走進叢林處。上到二樓，左右兩邊有唔少卡位及馬蹄位，主色調用試上深啡及墨綠，又用上大量嘅中式窗花做裝飾，令整體產生一種古雅嘅色彩。再走入啲，原來地方好大，既有廂房，又有大圓枱，一大班人嚟都無問題，而且，包房好似無最低消費添。除環境，餐具都好有特色，枱上嘅茶杯「爵」簡直帶大家返番古代咁，不過，飲起茶嚟其實又唔喺咁就手，但影相就甚有味道。酸橋頭、脆花生未齊人，食住酸橋頭、脆花生先，前者酸香爽脆，又唔嗆喉，後者甘脆，帶少少鹹香。金銅色硬皮面餐牌，一打開有川菜起源嘅介紹，睇完真喺知唔少嘢。再翻翻餐牌，由涼菜小食、乾鍋、泡椒、水煮、家禽、湯水、招牌菜、河鮮、海鮮、小菜、鮑參翅肚、素食、蔬菜、飯麵，到甜品、飲品，真喺估唔到咁多嘢
咪以為佢喺一般菜館，但上到去裝修花過心思，由上樓梯一刻已可見一班，以竹枝作為佈局，讓人暫時離開「石屎森林」，走進叢林處。
上到二樓，左右兩邊有唔少卡位及馬蹄位，主色調用試上深啡及墨綠，又用上大量嘅中式窗花做裝飾，令整體產生一種古雅嘅色彩。
再走入啲，原來地方好大，既有廂房，又有大圓枱，一大班人嚟都無問題，而且，包房好似無最低消費添。
除環境，餐具都好有特色，枱上嘅茶杯「爵」簡直帶大家返番古代咁，不過，飲起茶嚟其實又唔喺咁就手，但影相就甚有味道。
酸橋頭、脆花生未齊人，食住酸橋頭、脆花生先，前者酸香爽脆，又唔嗆喉，後者甘脆，帶少少鹹香。
金銅色硬皮面餐牌，一打開有川菜起源嘅介紹，睇完真喺知唔少嘢。
再翻翻餐牌，由涼菜小食、乾鍋、泡椒、水煮、家禽、湯水、招牌菜、河鮮、海鮮、小菜、鮑參翅肚、素食、蔬菜、飯麵，到甜品、飲品，真喺估唔到咁多嘢揀，果然喺有辣有唔辣！
椒鹽豆腐粒 $68豆腐粒炸得金黃，粒粒大細工整，與其叫做椒鹽，我就覺得似避風塘多啲。啲豆腐粒入口外脆內滑，鹹鹹哋有啲蒜香，而且，食多幾粒都唔覺油膩。
蒜片牛仔粒 $98我依啲食肉獸，前菜都揀個多肉嘅，一碟都有唔少牛仔粒，嗒一粒入口，口感非常軟滑，極富蒜香，刻意咬開一粒睇睇，嫩紅嘅肉色，証明炒得啱火喉。
青城山杏汁白肺湯 $58 x 2湯品共有5款選擇，每一款都喺位上，部份可以點一窩共享。不過，問過店員，位上嘅份量實際夠兩個人飲。而白肺湯以紫砂茶壺呈上，配上小杯，果然又真喺斟到兩碗。杏味唔算超強，但飲落十分清潤，啲白肺又完全無臊味，需知洗豬肺喺幾麻煩嘅事，所以抵飲。
熱情果籠仔蝦球 $168一客有6件，全部以蒸籠仔獨立分裝，夠晒的骰。會唔會好睇唔好食呢？首先蝦球夠大隻，啖啖肉，口感又爽彈，而外層薄薄包咗一朕熱情果做嘅醬汁，多添一份酸爽嘅果香味，好啱依家大熱天時食。
三菇鍋巴 $108依道菜既可當蔬菜，又可以當主食，雖然叫三菇，但食落就好似唔止有3款菇菌。由於始終喺素，味道比較清淡啲，配上脆口嘅鍋巴，感覺都喺普通啲，再者，如果啲鍋巴再炸燶少少，個人覺得更甘香。
四川擔擔麵 $38都真喺好一段時間無食擔擔麵喇，上枱時店員溫馨提示，啲麵唔好泡浸太耐，否則漲咗、腍咗都唔好食，所以，立即試試。辣度比預期輕，因為揀咗少辣（甚至可以走辣），但不失惹味，少少麻，又帶花生香，麵條幼細有咬口，的確唔錯。
擂沙湯圓 $38嚟到甜品環節，擂沙湯圓就分便大家共享。湯圓入口暖暖哋，而外皮軟糯煙韌，內裡嘅芝麻餡好流心，極之充滿芝麻香。
香滑奶凍 $38擂沙湯圓點可以滿足到啲甜鬼，再試試其香滑奶凍，估唔到賣相都有花啲心思喎，篤咗一串藍莓加車厘子做裝修。個奶凍嘅口感柔滑而挺身，做得好對辧，而且勁濃奶香。
整體招呼真喺唔錯，並且好貼心，菜式夠多元化，都唔喺單賣一個「辣」字，唔食小菜亦可以揀火鍋，唔怪得越夜越多人。順帶一提，如一般中餐館，需收茶錢每位$10，另外加一就更加走唔甩。
张贴
