王家沙 (已結業)

今日放工同男朋友去太子行咗一陣，就去咗新世紀廣場搵食，原本打算食千兩，但之後去到水牌度，見到擔擔麵又好似幾好食，於是決定改食上海菜。因餐廳唔算多人，所以不用等位直接入去。不過晚市侍應較少，好多時都要等一啲時間先會落到order或者加茶。個蟹粉小籠包，非常鮮味，多汁，好值得試食。水煮牛肉，我們選擇了小辣，佢牛肉的份量不是太多，用了大量薯粉，由於薯粉屬於澱粉質，所以淨係食薯粉都好飽。擔擔麵湯底就有啲一般，不過面就非常彈牙，不錯

去旺角新世紀揾食，食得太多西餐，韓餐，日本餐，忽然好想食上海菜，決定去王家沙。餐廳好大，位子又舒適，晤擔心沒位呀。首先食，冷盤三絲粉皮，有火腿，青瓜，雞絲，但麻醬落得太重手，味道被蓋住了。擔擔面，湯底有粒粒花生香，太濃郁。面條好食，不會因湯泡軟而淋爛了，有辣和不辣可供選擇。話梅排骨，好好味，份量又多，甜甜酸酸好開胃。家鄉炒年糕勁中意食上海年糕的我，啱哂我味，片片年糕伴肉絲及韮黃及菇絲。蟹粉小籠包皮薄餡料多，湯汁好易爆出，濃郁的蟹黃及肉汁精華。王家沙牛肉餅外表酥餅香脆，口感紮實，包裹許多洋蔥絲伴牛肉，美味。