胡同 (已搬遷) 新店位置

第一次黎呢間川菜館食午餐，平時見佢晚市人均好貴，以為午餐都唔平，點知個套餐都幾抵食。前菜有三樣野，每人一件：糖心帶子，鴨鬆春卷，蒜泥白肉。三樣都整得好有心機。尤其個鴨鬆春卷，個皮好夠薄同脆，小小麻辣，個味調得好好。蒜泥白肉無影到相。雖然內面唔多涵，但個味好足。大虎蝦要額外加錢，但隻蝦夠晒大，好多肉。金蒜牛柳，啲蒜片好脆好香。最重要係個牛好稔，煮得好好，個牛本身靚，煮又煮的有水準。讚！個魚好滑唔重味，比較清，建議先食左魚再食其他野，松露雞，個雞都幾多肉菜餃裡面啲菜比我想像中新鮮，本身以為佢會比急凍餃，但佢呢隻係新鮮包，睇啲菜既質地就知，啲色水夠綠，同埋仲有菜汁。擔擔麵真係好掂！！！個湯就咁睇都夠濃，食落又唔會流，個麻辣好夠味，個湯仲要有落蝦米（相影唔到）仲要係好多蝦米！ 好有驚喜～～～佢本身個套餐298，我哋叫既主菜要另外加錢，兩個人埋單每個人400 蚊有找。個套餐都幾抵食，啲野食水準幾好。

男友新曆生日，本想參加700多元胡同early dinner及張保仔船tour,不過要1900上船，工作關係趕不到就直接吃晚餐並欣賞夜景算了。本想訂壽包，但只两個人，侍應說怕heavy的話，叫甜品都可加生日牌加蠟燭，很細心。點心，小菜味道普通，但夠熱度，感覺就變中上了。擔擔麵必試。最低消費，每人400。可早一個月前訂位。

喜歡吃早午餐，原因有兩個。一、我總是被它豐盛的內容吸引；二、喜歡那種懶洋洋享受中午時光的感覺。早午餐一向以西式為主，但我們最近去的胡同，就嚐試了一次比較新奇的中式早午餐體驗。胡同坐落於北京道一號。而「北京道一號」這幾個字，代表了無敵維港海景。在開闊的海景下享用早午餐，未食就已經加分。而餐廳本身古香古色的裝修，在木雕、鳥籠、紅燈籠點綴下，甚有中國色彩。　胡同推出的「豐味周日早午餐」，顧名思義，只屬周日限定。跟朋友早早預訂了私人房間，就為了這個號稱全港首創的純中式早午自助餐。房間四面不是密封的牆壁，私隱度並非太高。但景色，卻是無敵。　自助早午餐分兩個價目，分別是不包飲品的 $398 以及包無限香檳和飲品的 $598。餐廳中央設自助食物台，食幾多都得；至於主菜，則限定每位客人一份，部分貴價主菜如鮑魚、龍蝦，須另外加錢，定價不算便宜。值不值？就要試過才知道。或者天氣太熱，大家不約而同從飲品開始，而我對他們以茶調製的雞尾酒特別感興趣。Lovely Osmanthus 帶桂花香，清新怡人，不過酒味較重，個人來說比較喜歡調了菊花茶的 Mojito Tea。　自助美食台供應約十道北方風味小菜，四款包餃