馬泰

营业中

休息中

今日微微細雨，行到攰攰地，見過個裝修新淨就同女朋友入去食個下午茶。平時我哋都好鍾意食東南亞菜，見裝修都好有旅行嘅感覺。入到去地方寬敞，都坐得幾舒服。坐低咗之後就即刻揭開餐牌叫我哋最鍾意食嘅海南雞飯同埋撈矇試下。冇諗過餐牌下午茶嘅款式都幾多選擇，見佢加廿零蚊就可以加多個小食梗係即刻試吓啦，今次試咗杏仁蝦餅同埋炭燒豬頸肉。叫完唔駛等好耐嘢食同嘢飲已經好快送齊，擺款好靚仔，仲要即炸添！都幾有驚喜！ 先講先講下個冇骨海南雞摻摻喇沙，雞肉都幾滑幾香，加埋新加坡既黑豉油再配足料喇沙湯底真係一流。一般馬來菜好少用正宗新加坡短芽菜竟然佢哋咁有心機入貨喎軟殼蟹撈檬粉10分足料配菜有四五樣，即炸軟殼蟹脆漿好薄，令蟹肉咬起嚟外脆內軟又唔漏，真係幾好味小食有水準，個蝦餅嚟到熱辣辣配埋個杏仁片都香口，蝦肉又彈牙。個炭燒豬頸肉食都好有心思嗰邊用火烘一烘，做到又脆又軟嘅兩個口感個南洋奶茶茶香奶香10分平衡，入口軟滑嚟到嘅時候有一層薄薄嘅奶泡起面， 證明連水吧都好比心思。斑蘭椰汁冰亦都好重斑蘭味，同我之前去旅行飲過嘅當地飲品味道好似，令到我好似去咗旅行咁

星期六我同呀媽去銅鑼灣買嘢過年，四周圍都好多人，我哋行咗去鵝頸橋嗰邊食晏。「馬泰」🇲🇾🇹🇭係一間值得推介嘅小店，之前食過覺得可以用平靚正形容。餐廳兩點鐘就已經開始做下午茶時段，週末亦唔例外，所以我哋都等咗陣先有位，人氣超高👏。小店環境唔失禮，有牆畫亦有用粉筆畫嘅食物圖。同時，呢度衛生唔錯，餐具同餐枱都乾淨。下午茶套餐有相當多選擇，定價介乎$52至$66不等，包主菜同飲品，另外仲可以加錢搭配小食。後尾我發現其實午餐都只係每款貴$10左右，喺呢區算幾抵食👍。馬來無骨海南雞喇沙($62)，呢個組合簡直係一次過滿足兩個願望✌🏻。海南雞同喇沙分開上，份量絕對無因為係茶市而減少。先講海南雞🐓，去骨確係方便食用，味道唔錯兼肉嫩，並附有兩款醬汁同花生蘿蔔絲一齊食，夠正宗。但有少少可惜係雞肉偏薄，雞皮同雞肉嘅比例係1:2。喇沙好足料🍜，有豆卜、辣椒醬、蝦皮、半隻蛋以及芽菜等。麵底原來預設係參參，即係油麵拼米粉，不過如果有得揀淨米粉就更啱我。湯頭帶點椰香味，但辣度都唔弱。泰式青咖哩飯($62)，🥘咖哩有得揀牛肉或者雞肉，因為呀媽唔食牛，所以都係揀咗雞，估唔到雞肉係用上大塊煎雞扒，大到可以切成八件，而且外皮

馬來杏仁蝦餅 (3件) $68好鍾意呢個蝦餅，外層鋪上杏仁片，令口感更脆丶更香口，蝦膠算厚身丶彈牙，比起其他泰菜嘅蝦餅更有質感，推介！馬來海鮮喇沙 $78喇沙係摻摻底，米粉加油麵，海鮮料算豐富，蝦丶蜆丶魷魚圈丶蟹柳丶魚旦丶豆卜丶蛋… 特別估唔到嘅係2隻蝦幾鮮甜，喇沙醬放中間，可自己調節辣度，啱哂只接受到微辣嘅我。泰式無骨海南雞飯 $78見到在場幾枱客人都有點，就跟風試吓。海南雞肉質嫩滑，雞皮爽脆，我就比較鍾意蘸黑醬油，好快就食晒成碗飯 斑蘭椰汁冰 $28有斑斕嘅香味，無想像中咁甜，唔錯順帶一提，店員姐姐服務好好，態度友善，見我等緊”塞緊車在途中”嘅朋友，主動先比杯水我，真係好細心！呢餐朋友都表示滿意，話會帶家人再嚟試 😋

呢排早咗放工，就特登同朋友嚟到銅鑼灣覓食😋沿着駱克道行咁啱見到一間新開嘅泰國餐廳🇹🇭出面望入去見到餐廳嘅裝飾好有特色，牆上面都畫住一啲泰式食品嘅畫或者一啲泰國相關嘅裝飾👻餐廳仲好貼心咁預備左口罩信封俾我哋入口罩👍🏻咁啱我哋兩個都唔算好肚餓，就叫咗少少野一齊分嚟食👍🏻曼谷辣豬肉碎生菜包 ($72)平時點生菜包嘅豬肉碎都有好多肥豬肉，每次食都有啲罪惡感😣今次嘅肉碎冇咩肥肉，較為乾身，感覺健康得多😛我哋冇特登request辣度，平時食開辣嘅我都覺得有少少辣🌶份量唔算多，不過兩個人食啱啱好，有驚喜！地道串燒 (雞x2 + 牛x2) ($68)有兩條雞串同埋兩條牛肉串，意外地見到仲有細細塊嘅多士喺側邊，可以點特製嘅沙嗲醬一齊食，甜甜地都幾惹味😋鮮椰青($35)大大個非常解渴，仲可以刮啲肉食😋斑蘭椰汁冰 ($28)超級推薦！！！個人嚟講甜度啱啱好，亦都係一個好好嘅解渴飲品✌🏻總括而言食物質素特別係飲品非常唔錯，價錢略貴不過環境都坐得幾舒服🙈