張公館

营业中

休息中

銅鑼灣有好多美食，要有好嘢食，又要有好嘅環境一定唔可以提及張公館🥰 佢喺登龍街V Point 29樓，睇到成個維港，已經加哂分🤩香炸蝦棗 🥟呢個蝦球炸得好好食，入邊用咗蝦膠，出邊脆卜卜，有啲似蟹鉗咁，必試菜式之一🥳羊肚菌松茸竹笙花菇燉湯 🥣 最近天氣開始轉涼，飲返個滋潤嘅燉湯好緊要，呢個用咗羊肚菌竹笙花菇燉嘅，好暖胃😌新加坡胡椒蟹爪粉絲煲 🦀 呢個粉絲煲超特別，鍾意食胡椒蟹嘅一定要試，呢個蟹爪都有好多蟹肉，加咗少少胡椒好惹味，配埋粉絲簡直係一流😍豬油渣大地魚粒炒菜心苗 🥬食返啲比較港式嘅菜式當然唔可以錯過豬油渣炒菜心苗啦，菜心好新鮮😇

今晚係中菜廳食到一味炒得絕好既菜芯苗，冇錯，係蔬菜。定價黎講，真係比較貴既一碟菜，不過當你食一啖就會讚嘆廚師既手功同埋配料既用心精緻度。菜芯苗嫩綠，配上極之酥化豬油渣同炸脆大地魚粒，伴以適量蒜蓉，好好食，絕對值得呢個價錢。新菜單仲有香炸蝦棗，圓碌碌，彈牙厚肉，新鮮大粒，配酸甜冰梅醬好夾，一定要試下。新加坡胡椒蟹爪粉絲煲，個汁無敵，好惹味唔太辣，精華係粉絲煲，每條粉絲都吸滿汁，深啡色夾雜紅椒絲，太美味，蟹爪份量多，每隻都舔到乾乾淨淨只剩殼。甜品：橙絲清心丸綠豆爽，清心丸特別煙韌，糖水清清地好滋潤。香煎黃金糕，軟糯有椰香，金黃色應下節慶。壺茶有燭台熱住，西湖龍井，慢慢飲。