牧羊少年咖啡館 (屯門市廣場1期)

营业中

休息中

第一次幫襯這間餐廳，平日有下午茶餐，和家人一邊望住美麗的景色，一邊寫意地品嚐美食，店內有寬闊的書櫃，可以自由閱讀，可以打扮文青，增添書卷氣息！環境：寬闊的玻璃，靚景，店內十分清靜，平日人流不算多味道：炸雞翼很好味，皮脆肉嫩，配白桃烏龍茶感覺十分清新: 大阪燒薄餅，餅底比較厚 中午時分，客人一邊用餐，職員一邊忙著噴玻璃水抹玻璃，還聞到一陣陣清潔劑的味道，影響食慾，這個可以等沒有人客時才清潔，有待改善。 ～～另加10%服務費～～

💛有時岀得多尖沙咀😂都唔係好諗到食咩好通常諗唔到就會去我既專屬飯堂😂大大話話都同過唔少朋友去食過每次去食都係咁好食👍🏼質素超穩定😌而且佢地間唔中都會轉menu 回頭客會有驚喜最近佢仲裝修完~遲啲又去拜會下🙈——————————————————🍴流心蛋腐乳卡邦尼意大利粉($108)腐乳竟然可以係西餐岀現😨而且味道仲好唔錯🤫完全無伏完全食唔岀有腐乳味❌怕食腐乳既朋友 都可以一試加埋温泉蛋🥚一齊食 整體都幾濃郁 幾多汁👍🏼——————————————————🍴日式大板燒風味煙三文魚薄餅($128)呢個日式style 🍕配搭三文魚味道都幾特別 我都幾鍾意因為本身都鍾意食三文魚🤤加埋大板燒既燒汁 紫菜同木魚碎上碟個陣真係會以為自己預備食大板燒😂另外佢都落咗小小芥末醬 因為都食到少少攻鼻芥末醬通常都用嚟解膩 咁就可以解返pizza既油膩啦批底唔係好薄 勁脆個種 有啲咬口——————————————————🍴小食拼盤($138)多人去食既話 呢個小食拼盤真係必叫‼️因為份量都好多下🤰🏼而且又可以一次過試晒唔同小食😆今次就有黑松露豬肉腸 煙辣腸 雞翼 春卷 八爪魚丸同蕃薯條全部炸物都炸得好脆☺️仲熱辣辣咁

牧羊少年咖啡館 長期都好多人等位，B飛（3-4人)就入得好快，A飛(2人)就要等好耐！🙄🙄侍應好有禮貌👍🏻 食物方面 都ok ，甜品方面 「京都春日」就普通 麻麻地。（見隔離枱叫 好似好吸引 ，就叫來試吓 ，有啲失望）

話說年初七晚市解禁第一晚約左舊同事係屯門食飯餐廳位於屯門市廣場二樓牛角對面即係以前意粉屋既位置當日第一日開番晚市七點鐘三個人都唔洗點等位就入到限時個半鐘晚市解禁既條件係迫人用安心出行但我仲係用緊3310既就可以填紙仔既晚市解禁之後都食過幾間黃店間間都會好專重私隱唔會睇大家寫乜就唔知係咪真係會有藍店倒自己米淨係比高智能人仕掃QR code呢話說牧羊少年算係一間連鎖店餐牌menu係成本小冊子咁入面有寫晒呢間舖頭既timeline記錄左餐廳既興衰而家有成七間店舖而屯門呢間係上年十月先開以一間商場舖黎講我覺得裝修真係好靚呢幾個月都食左唔少酒店米芝蓮餐廳我覺得呢度唔會差太遠氣氛一流仲有個開放式廚房完全唔似商場餐廳雲石檯同埋張梳化都坐得舒服仲有小盆栽完全係高級餐廳格調黎晚市main menu係意粉仲有pizza或者其他小食我地就叫左兩個意粉同pizza芝士汁長通粉大板燒pizza泰式意粉位舊同事就大讚食物幾好味事實真係好少見佢咁樣讚法我自己就覺得OK既大板燒pizza口味幾特別感覺而家多左好多特色意粉之前去左佐敦一間cafe revol有個紅燒牛肉既貓耳粉印像好深刻埋單三百五每人百二蚊左右環境氣氛

老公仲有幾日假期，知道牧羊少年咖啡館進駐屯門，當然要去因為帶住bb，我地６點就去到，不需要等位食完走７點左右，已經好多人等緊位好喜歡它們的漂書概念，店中也有不少不同類型的書遇上喜歡的，就可以放$10把它帶回家，做書的新主人，書款是用來作文化或慈善，很有心的食店疫情下衛生措施做得相當好，桌上已經準備好紙袋給客人放口罩，桌與桌之間也有讓人感覺安全的距離和膠板，食得放心小食拼盤有6款小食的拼盤份量非常多，朋友聚會必點！熱辣辣的炸物香脆可口，大人小朋友都鍾意日式大阪燒風味煙三文魚薄餅原來日式風味跟薄餅也非常夾，薄餅有wasabi 味，配合煙三文魚，「日西」合璧！熟悉的口味，新鮮的組合，有趣又好味抹茶可可朱古力 ，個人推介️️><超級濃郁creamy ，是非常飽滿朱古力抹茶，有甜品一樣讓人超級滿足既魔力本來還想要一份窩夫，二人晚餐這樣的份量是超級足夠，下次再來

之前食過太子分店，一試難忘，除咗環境裝修得好靚，因為本身自己都係旅行友，好鍾意收藏唔同地方嘅明信片，呢間Cafe用旅遊做主題就啱晒我，加上食物質素唔錯，價錢又唔貴，知道佢喺屯門市廣場開咗新店，就帶埋另一半過來。環境一見到店舖有啲驚艷到，因為同太子嗰一間嘅裝修截然不同，太子店走嘅風格比較親民少少，而呢一間餐廳裝修成個感覺高貴左，好似去咗高級西餐廳咁，但係都冇忘記到本身旅遊嘅主題，周圍放滿唔同國家代表嘅裝飾品。餐牌餐牌就做到成本雜誌咁，一開頭介紹餐廳嘅歷史，中間嘅食物餐牌亦都全部附上圖片，到餐牌最後係雜誌形式咁介紹其他唔同嘅餐廳。照燒汁煎乾蒜牛柳粒 $78$78食到牛柳粒價錢真係超級抵，份量亦都唔少，一上枱見到出晒煙，牛柳粒咬落去好鬆軟，當然以$78嘅價錢，牛嘅質素唔會係特別高價嗰種，但係咁大份飽肚亦都可以頂頂食牛之癮。是拉差醬法國雞翼 $68 另一半係是拉差醬嘅粉絲，見到佢唔係水牛城雞翼而係特別少少用是拉差醬就叫咗，有五大隻，外層果座炸粉去炸，但係一咬開唔會入邊係空氣，雞翼真係好大隻！雞肉仍保持到嫩滑，帶點微辣好惹味。黃金鹹蛋苦瓜忌廉雞肉意大利粉 $88當鹹蛋遇上苦瓜會點樣？有幾夾喎！整

想當年拍拖時，牧羊少年係我地經常拍拖之地，第一間白楊街，長二店，葵青劇院分店都留咗唔少腳毛，以旅遊作主題，大量旅遊書籍取閱，食物同咖啡質素高，仲可以拎家中舊書嚟參與漂書由街舖到入到大商場變成連鎖cafe，好在牧羊少年無令我哋失望，品質依舊氣氛依舊，屯市新舖開咗不足一個月已經成為人氣店，好在我哋6點就到early dinner，7點走時已經幾十人排隊.鮮忌廉鮮菌日本帆立貝意粉＄984粒巨型帆立貝，意粉軟硬度適中，大愛個忌廉汁，緊緊巴住每條意粉，正！日式大阪燒風味煙三文魚薄餅 ＄128薄脆餅底pizza，佈滿煙三文魚啖啖都咬到，一堆會跳舞嘅柴魚絲及大阪燒醬汁，意外地match京都春日 ＄108老公食第一啖就大讚甜品！鬆餅熱辣辣鬆軟無比，配上特製士多啤梨醬，加cream及雪糕，為呢餐劃上完美句號

諗諗下真係都好幾個月冇去過屯門市廣場喇，發現屯市新開左牧羊少年，心郁郁想試~諗住平日夜晚會少人d, 7點半去到都好多人等位了。好彩唔洗等好耐就入得☺入面裝修都幾chill, 又大間，坐得都舒服！我地兩個女仔唔太肚餓，叫左個日式大阪燒風味煙三文魚薄餅，燒汁八爪魚丸，一杯熱溶白朱古力牛奶咖啡同濃縮香料熱可可咖啡，已經飽到不行了😂個pizza係薄脆底，食落脆卜卜，煙三文魚都好足料，加埋日式醬汁都真係有大阪燒嘅感覺。個八爪魚丸一開頭我地以為係章魚小丸子咁，但原來係魚蛋嗰隻，不過佢炸過加埋d燒汁都幾好食~飲品泥講我都幾欣賞佢杯濃縮香料熱可可咖啡，質感超濃，又好香朱古力味，加埋個cream令杯野更滑，今晚又食到爆晒quota了🤯服務員都好nice啊，揾左其中一個幫我同朋友影合照，佢幫我地影完仲會問返我地影得o唔ok, 值得一讚👍

終於屯市又開多間💛店，以後又有多個選擇。今次牧羊係fb搞咗個新開幕優惠，係fb share post晚市就有8折！(優惠已完結)可能又有優惠，新店位置又近牛角，六點九去到已經要等三十幾張枱。最後都等咗成個鐘先入到去。大家都好肚餓所以就叫咗比平時多嘅份量。黃店就梗係要多支持啦！藍莓乳酪好足料，淡淡都食到果肉，唔會太甜，但係如果成杯飲品涷多少少就好啦！我地三個人食見到有三個帆立貝真係好開心。意粉煮得al dente，口感超級好。成碟意粉份量都多，又好掛到啲充滿洋蔥香味嘅忌廉汁。蘑菇雖然唔係主角但係份量都唔少㗎小食拼盤份量比想像中多，每款都有4舊。上到枱全部種類都係熱辣辣。整體上隻隻都好食，自己排就(最好食)雞翼👉🏽豬肉腸👉🏽薯格👉🏽花枝丸👉🏽春卷👉🏽雞肉腸。中間仲有千島醬同他他醬俾你配嚟食，當然都會俾埋茄汁啦！Pizza就相對上差少少。主要係因為個餅底超級硬同乾。三文魚都有六大片嘅，但係呢個口味可能醬嘅份量都比較少，所以入口除咗會覺得乾仲會冇乜味(只有咸味)，可以唔洗試。食埋個甜品先 窩夫份量超級大，係外脆內軟，算係厚實類型。中間嘅朱古力醬同兩球雪糕真係俾得好足，香蕉分量亦唔少。食完就勁飽