膳德福素食 (已結業)

每星期我都會預留幾餐是吃素，希望身體會好一點。今晚約了個朋友吃晚飯，特意來這裡試試他們的素菜。幸好一早訂了七時正的枱，甫一入門口已經幾乎全場坐滿，每枱都很近，感覺得迫。這裡的素食款式很多，比較新派的有刺身、壽司、天婦羅、燒物。我很喜歡玉子豆腐的，與其吃那些甚麼素鵝素雞，我寧願簡簡單單的一味炸玉子豆腐，起碼吃到食材本身的味道。這玉子豆腐炸得剛剛好，外皮酥化，內裡的玉子豆腐很軟滑。朋友點了這個芝麻手撕雞，我覺得味道很好，尤其是幼幼的青瓜絲拌上素雞絲來吃，一個爽口，一個惹味。蜜汁燻魚塊是全晚較遜色的一碟。朋友本來以為是金黃色的蜜糖汁，但上枱時才發現這是啡色「傑撻撻」的又甜又過鹹的醬汁，而素魚塊其實看上去已見到是麵根，咬下去亦不像魚的口感。吃新派的素菜，通常也少不了壽司。我們簡單的單了個壽司拼盤，整體上也不錯，但那兩件模仿三文魚子軍艦的壽司，上面的「爆珠」是甜味的，很格格不入。我認為最好味的，應該是那最不花巧的青瓜絲小卷。本來只是點了以上四碟的，但見隔離枱上了一客看似很美味的薄餅，於是我和友人忍不住也點了一客。原來是「日式海鮮薄餅」。說是薄餅，這有點奇怪，因為餅底不是薄餅底的，是一層層的酥餅。

早前搜索旺角美食見此評價唔錯，就膽粗粗約兩位同事和男朋友來試菜。地點位於先達附近，門面並唔起眼，小心走過頭！賣相：賣相無驚喜。味道：跟一般餃子無異，還可。價錢：＄３０，平均＄５／隻。賣相：跟中菜館「賽螃蟹」無異，紅蘿蔔充蟹子，蛋白充蟹肉．．．味道：撈埋蛋黃食，好味！汁都要埋．．．價錢：＄６８賣相：看圖被半邊雞賣相吸引，來到切左件，賣相欠驚喜！但雞件食落一絲絲，真係以為食緊雞！味道：未食已傳來香濃沙薑味，但食落沙薑味兼唔重！價錢：＄５８賣相：已被香味和賣相吸引，啲菇好似食肉咁，有驚喜！味道：未食已經傳來香濃沙拉味，用菇充肉，味道唔錯，加埋青絲食一流！價錢：＄６２賣相：賣相無驚喜。味道：跟一般壽司無異，還可。價錢：＄３２賣相：賣相無驚喜。味道：皮底係酥皮底，同普遍薄餅無異，還可。價錢：＄７８

旺角係好多嘢食，但其實食嚟食去都係嗰幾間都開始食厭，點知響openrice見到有呢間新齋舖，見好耐冇食素，食評及照片都感覺不錯，於是決定一試。點知一試就充滿驚喜，d菜式好新穎，完全有別於傳統齋菜畀人老土厭悶嘅感覺，有日式、西式、港式，齋睇menu都唔覺入咗齋舖，食物味道及口感絕對帶來無限驚喜，平時我只會睇人哋嘅食評，今次忍唔住要寫個食評like一下。軟殼蟹卷食落同真嘅軟殼蟹質感差唔多，不錯。爆醬珠珠扮魚子好得意，充滿士多啤梨果味，好特別。三文魚、吞拿魚、飽片都造到同真嘅一樣，就連口感都好似。其他仲有青瓜果子壽司&飽粒壽司(希望我冇估錯)都造得很不錯，推介啦！脆脆的法包上面塗上牛油果及芝士，再焗至金黃色，上枱已香噴噴，食落唔會好漏，必吃之選！薄餅底好特別，係用雲吞皮造，食落好脆，唔會好似穌皮嗰d咁油，加埋d素海鮮&配料，好似食緊真pizza一樣，最緊要係食多2件都唔會飽到食唔到其他嘢，正！上枱已經好香芝士味，意大利雲吞加埋個白汁造得好好，食晒都唔覺漏，又係完全唔似食緊齋，好like呢個。賣相同真嘅金菇牛柳卷一樣，個黑椒汁又係好好味，可惜個牛柳食落似午餐肉多d，但齋都可以造到咁神似，都算不