八沢 (筲箕灣東大街)

营业中

休息中

上星期六行完龍脊，再坐返巴士去筲箕灣，餓餓地，所以就即場在好多食市既筲箕灣東大街搵食。最後揀咗八沢這間餐廳黑松露忌廉海鮮烏冬（$92 ）忌廉湯底夠曬濃郁，有淡淡的黑松露香氣, 海鮮有三文魚同扇貝，份量還算足夠. 烏冬很明顯係冬烏冬既朋友，咬落非常煙韌，十分好味.味道: 3/5分日式滑蛋叉燒飯 ($68)叉燒唔會太肥，類似叉燒拉麵的叉燒，蛋還算滑，飯米是粒粒分明的，整體合格，但不是非試不可的菜式味道: 3/5分另外，日式滑蛋叉燒飯會送餐飲，所以我點了，蜜糖薑茶作結。味道: 3/5分環境有少少似日本居酒屋，價錢合理，店舖也用了新穎的手機落單方式點菜，但自覺有點麻煩。

星期五同朋友係筲箕灣gathering， 想搵間有特色又坐得舒服既鋪頭，於是就揀左呢間試。一行３人，店員安排左我地坐卡位，正，冇限時，可以慢慢坐同吹水 黑松露忌廉海鮮烏冬３個人都係重口味怪，首選一定係試呢個，一來好少見到出面Ｄ餐廳有得賣，二來睇個名都覺得冇得輸。果然不負眾望，忌廉湯底夠曬濃郁，食落有淡淡既黑松露味，烏冬滑嘟嘟，配料有２件帶子，好鬼多件三文魚，ＣＰ值高。３個人share剛剛好唔會太漏，如果一個人自己食曬都應該會幾滯。黑蒜灸燒極濃黑豚肉拉麵湯底濃郁，拉麵合格，配料好足，味道好似出前一丁黑蒜面濃郁版，唔錯日式滑蛋叉燒飯蛋好滑，叉燒唔會太肥，美中不足係飯偏硬，整體合格但可以有更好既選擇明太子雞翼(3隻)雞翼炸得剛剛好，配埋塞得滿滿既明太子，價錢合理，不錯總結而言，我會推薦大家試佢個黑松露忌廉海鮮烏冬

尋日(9-2-2019 Sat)大年初五,同老公去佢爸爸家前,走嚟東大街食個late lunch,其實已經係tea time,行勻成條筲箕灣食街睇,最後決定食呢間,門面幾吸引,我哋入到去,裝修係好典型嘅日本風,好似去咗日本.講返食,我哋order 咗:1.限量 $68.00嘅日式滑蛋叉燒飯呢個好快上枱,4件叉燒舖咗滑蛋上,食吓啲蛋先,真係好滑又嫩,唔錯;叉燒薄,口感一般;燒汁味道好濃;飯就硬咗少少.味道: 3分2. $82.00嘅芥末果醋帶子冷烏冬(掛烏冬)因為開頭冷氣好似唔多夠,所以order呢個.3隻帶子幾大隻,烏冬夠凍,爽滑又好彈牙,唔錯.芥末果醋味道又o岩o岩好,好味. 味道: 5分3. $38.00嘅月桂冠果汁清酒有蜜桃同巨峄味揀,老公揀咗前者.一支200ml,個樣好靚,日本酒杯都雪到冰凍嘅.斟出嚟係透明色,蜜桃味香甜,但有酒味,似飲果汁多啲,原來酒精只有3%.味道: 1.5分4. 熱薑茶原來日式滑蛋叉燒飯係有餐飲,大大杯,佢哋加咗蜜糖,甜辣味適中,好好飲. 味道: 5分5. $28.00嘅雞軟骨串燒2串卜卜脆又鹹香中帶微辣,絕對係佐酒良伴.味道: 5分6. $42.00嘅大