L.D.K. by Ufufu Café (新都會廣場)

营业中

休息中

今午在這cafe叫了日式肉汁蛋包飯 (Omelet rice with Japanese Gravy)。我知道我的決定是正確的，因為個蛋包的蛋真係好嫩滑可口呀，再配上内裡的飯粒及日式肉汁混合，我不需數十秒就把它送進口中了，之後會是怎樣? 當然是裂口滿足而笑的了。

差唔多下午1600到，唔需要得位，可以直接入坐。一入到黎有陣陣焗嘢食嘅香味，應該都係黎自個甜品bar 枱，好吸引。哩個時間大部分人都食緊甜品做下午茶，但係我係黎食lunch嘅！佢有兩本menu ，一橙一綠。一本係甜品、飲品；一本係小食、主菜。今次係為飽肚而黎，就只係叫左一份「日式肉汁蛋包飯」。日式肉汁蛋包飯$78 （少飯）上枱時，飯有明顯岀煙。碟4/5嘅半徑都係蛋，側邊就係一圈肉汁。包住飯嘅蛋，仲有蛋汁。側邊嘅肉汁，有少少似牛尾湯嘅味道。撥開上面嘅蛋，原來入面嘅飯係有味飯。有菇片同牛肉絲。就咁睇好似咩都好重口味，但自己覺得味道適中，可以接受！🍈坐側邊嘅左右兩枱，都點左哈密瓜pancake ，睇落都好靚，係可以再黎嘅餐廳。🥞

近年葵芳新都會廣場進行過翻新工程後，不單多開了商店，連餐廳也多開了不同類型，以後到葵芳不止到葵廣掃街行街，想舒舒服服食一餐也有不少選擇。 以芭菲為其主打，來自九州佐賀縣的日本過江龍 Ufufu Café，也於葵芳新都會開設了西日式洋食的副線 - L.D.K. by Ufufu Café，濕平完後想食杯芭菲，於是順道吃個午餐。 呈L型的餐廳佔地不少，裝修風格走和室簡約，可能時間尚早，星期六中午入座光顧的人未算多。 餐牌分為主食和甜品兩本，主食有：烏冬、蛋包飯、鐵板燒、和風意粉等，選擇並不是很多。 餐牌內所有主食都可以加錢轉為套餐，有沙律、酥皮湯或白飯選擇，我們點了其中一主食加$38有沙律和焗酥皮粟米湯的套餐： 沙律 沙律菜挺新鮮，加了日式沙律醬富豐了味道。 焗酥皮粟米湯 酥皮焗得頗為金黃，鬆化可口又不會過火，浸到湯裡頭，為香甜的粟米湯更錦上添花。 日式肉汁蛋包飯 $78 西日洋食當然離不開點碟蛋包飯來嘗嘗，不過餐牌內的蛋包飯類別，多塊肉索價差不多貴一倍，有點不划算，寧願省下來點芭菲。考慮到另一碟點了牛肉鍋，於是點了個無肉的肉汁蛋包飯。 標榜採用福岡雞蛋和新瀉

一向對日本餐廳情有獨鍾，無論裝潢設計、座位擺設都予人一種舒適感覺。今天就來到「L.D.K. By Ufufu Cafe」的葵芳店。店內燈光柔和，配以輕鬆的背景音樂，是朋友和情人約會的好地方呢。午餐時段有優惠套餐：只要點一款主食，加20元便可享用沙律、餐湯和飲品。煙三文魚頗有魚香，沙律菜亦十分新鮮，拌了沙律醬，但味道沒什麼特別。這個柚子沙律難得成為筆者喜愛沙律之一（筆者本身是不愛吃沙律的。）。酸酸的柚子醬令人異常開胃，而且也蓋去了沙律菜的草青味。餐湯質地creamy，有著濃郁粟米味。蛋包飯賣相看似簡單，但做法不容易呢。既然是日本餐廳，當然是採用珍珠米了，米飯有少許黏身，咀嚼之下頗有飯香。配上香噴噴的肉味醬汁，不知不覺會吃掉整碟飯。雞蛋十分香滑，蛋味十足。明太子一向是筆者的喜愛食材，愛其咸中又帶點微辣，佐飯一流。餐廳以明太子配忌廉來調醬汁，卻意外的夾，入口先是香濃細滑的忌廉味，再來上喉的是明太子的咸辣味，多重味覺享受。意粉彈牙煙韌，烹調時間掌握得很好。隨餐也附有檸檬紅茶作餐飲，味道和普通在坊間喝到的檸茶一樣，故未有拍照。

平時行葵廣，通常都係掃街食到飽。今日約咗個好耐冇見嘅朋友食lunch，決定去新都會坐定定食個飯，交換下近況先再去葵廣血拼。Lunch時間都幾多人等位，我地12:45拎飛排第4張枱，好彩等咗15分鐘左右就有位。今日我地一人叫咗一個lunch set，order沙律/主食，加廿蚊就可以跟個沙律，湯/飯，飲品。最怕飲唔凍唔熱嘅湯，鐘意呢個餐湯好夠熱。沙律份量好足，沙律汁酸酸甜甜好醒胃。意粉煮得好好，質感煙韌彈牙。蜆肉量算多，再配上本菇，個汁清清地唔錯。意粉碟好靚好日系。日式咖哩汁甜甜地，唔辣，好濃郁，配上香嫩滑蛋，味道好夾，食到停唔到口，值得一提嘅係，入面唔係白飯，係蕃茄汁撈飯，好好味。唯一不足係，飯量比較少。****價錢方面，主菜價錢唔平，around hkd$78-198。環境方面，枱與枱之間嘅空間較小，傾計唔係幾方便，我地拿拿臨食飽走人。

L.D.K. by Ufufu Café  係一間來自日本九州嘅日本料理餐廳，星期6帶埋仔仔去食。可能過左午餐高峰時間，唔洗等就入左去了揀食lee間既原因，為左佢個兒童餐。價值$68蚊嘅佢 份量對小朋友來講都幾足，有肉醬意粉，炸蝦，雞翼，薯角，八爪魚腸仔，不過味道比較濃DD但都有DD菜跟番～健康番小小注意：佢唔一定俾車車餐盤，有機會係子彈火車餐盤，開頭俾錯左，仔仔係拒收既，好彩餐廳肯換番。如果小朋友有指定既，最好落單時講清楚～最後 食完會有小玩具送～（不過店員太忙，唔記得）大人方面我地叫左日式肉汁蛋包飯 （$78) 同 蕃茄卡邦尼意粉（$88)  ，份量唔算多，味道不錯卡邦尼意粉相當creamy，重有厚切嘅煙肉蛋包飯d蛋好滑～入面包了有用醬汁炒過嘅飯，但味道不濃，加埋肉汁，好好味我地另加左$48 變套裝～有個酥皮湯，沙律同一小碗白飯，食埋就夠飽了 不過整體來道～對平常食得較淡嘅 我地 來講都係濃味左D  希望下次可以試埋店內嘅甜品，賣相真係好靚，好日本呀～