我愛慢煮 (普慶坊) (已結業)

🥩中上環抵食慢煮料理 高質小食🍟呢間餐廳位置係中環Soho區pmq附近平時去完pmq 大館 做完文青 夜晚仲可以去飲杯野放鬆下 價錢定位大眾化 初頭以為慢煮食物實好貴😂男朋友生日就同佢嚟咗開餐🤤🥩慢煮36小時紐西蘭牛面肉$148肉質軟硬適中 唔會似有啲炆牛肉淋哂而且慢煮後非常入味 食得岀有紅酒香味🍷肥瘦適中 夠哂厚肉入口啖啖肉 份量都好多🐑澳洲羊T骨$138肉質比較實同帶筋 可能因為T骨嘅關係煎完唔會太熟 生熟到剛好 但筋位比較多有啲難咬 我就覺得一般加咗配菜 - 牛油炒野菌 / 蘆筍苗 各$38牛油味濃 但有少少唔夠鹹 算合格✅🍟黑松露薯條$48其實本身餐牌係蕃薯條😂因爲大少想食薯條轉左🤣🤣吖！呢個薯條我比好高分🥺💯佢本身個炸漿已經有味 好似平時薯圈薯皇咁真係炸得好脆 點埋個黑松露沙律醬👍🏻👍🏻🍕日式蛋黃醬粟米煙三文魚薄餅$38呢個$38堅抵食😂平到笑 仲有3塊煙三文魚仲要超多 成件事好濃味 我中意！💖炸吉列蠔$48有成8隻咁多 真係超抵食 平時食炸蠔貴好多份量又少好多呢到嘅蠔炸得夠脆 比較細隻 但味道不錯👍🏻🥥椰子水青檸薄荷特飲$38係平時飲樽裝椰青水嘅濃烈版😂加埋青檸酸酸地同薄荷

西營盤MTR站行幾分鐘就到，不過有d斜路 當食好野之前，做下運動 消耗一下 小食拼盤 $98應有盡有，份量好大份唯一美中不足係薯條唔係甜番薯條日式蛋黃醬粟米煙三文魚薄餅 $38 $38都有3 slice pizza ，好抵慢煮36小時紐西蘭牛面肉 $148 慢煮唔想食steak都有option.牛面肉煮到好soft，入味牛油炒蘆筍苗 $38係咁咦 扮下食菜🤭牛油香重👍🏻荔枝接骨木花特飲 $38 推介！食咁多熱氣 唔叫飲品點得芒果蜜桃水果茶 $38睇相好吸引，不過熱飲賣相冇咁吸引P.S.呢間餐廳唔洗加一，因為係自助式點餐

是日要到上環工作，事前已上網找尋那區的美食。看見有一間慢煮店，價錢亦合理，便相約朋友訂位一試。餐廳裝潢走年輕時尚路線，適合三五知己聚會聊天。Pizza, 小食，意粉，甜品樣樣有。沙律菜新鮮翠綠，味道酸酸的，很醒胃。新鮮烘起，熱辣辣。餅底香脆可口有大大片的三文魚，嫩滑甘香，和蛋黃醬很夾 。來到這裡，當然要試一試慢煮菜式吧！我們選了牛面肉，差不多有十片牛味濃，肉質很軟腍不嚡口。醬汁有點紅酒的味道，不知是否真的加了紅酒呢？慢煮岀來的原來亦很美味。新鮮即製香噴噴，口感香滑，味道濃郁。因為加入了菇類，味道和平時吃的卡邦尼意粉有點不同～蛋黃亦要自己趁熱拌匀。雞翼炸至金黃，外脆內嫩，加上七味粉，辣辣的，淡淡熱情果味，加了一片菠蘿，感覺清新，消膩去滯好幫手。

回鄉數天返港後放低行理，唔想煮飯既情況下就決定出街食。我地4大1小，由於要就老人家同小朋友，再加上係紅日，上環能選擇既餐廳不多，最後揀左呢度。位置其實都有點“隔涉”行到上去成身汗。餐廳採自助式形式點餐，先睇好食咩，再到收銀處點餐付款，再由員工送上食物，餐具需要自行拿取。好快食物就源源不絕甘送上喇。呢個沙律我地一致認為好食，佢個汁好開胃個人覺得無咩特別其實餐牌本身係蕃薯條，不過收銀同事話可以轉返做普通薯條，所以我地轉左。我影漏左個醬，D黑松露係個醬度，個醬好正！同薯條好match！薯條又炸得好脆！連平時少食炸野既奶奶都食左好多條呢兩個都無乜特別，個露筍可以俾多小小味。個餅底烘致脆卜卜，一啖咬落去有軟有硬，好正牛面肉真係第一次食，食落好似牛脷，不過唔夠入味。個份量都幾多，而且有厚度。呢個好juice，D肉好淋！不過就偏咸，而且越食越咸呢個係點俾阿女食既，佢都食左大半，應該唔差。另外飲品方面本來想試雞尾酒，但因為調酒的人未返工，所以叫了三杯手工啤同一杯芒果蜜桃水果茶，味道都不錯，希望下次黎可以試到其他。(飲品忘記拍照)總結 : 整體黎講都係一家唔錯既餐廳，呢區黎講CP值算高了。如可增設兒童餐

難得見番舊同事，梗係要搵一個岩吹水嘅地方啦！位於上環的我愛慢煮，離地鐵站約10分鐘路程。因為冇車上去嘅關係，點都要行少少路上黎。唔太識路嘅我重行哂成條樓梯😂原來係樓梯中間個間就係。-當日平日晚上，都好多人收工去聚會。餐廳位置附近好多唔同cafe及餐廳，沒有大型車輛駛入，遠離塵囂，有種只有上環先有嘅「chill」。門面- 但店名好似唔夠明顯😂個牌只是街名（？）搞到行遠咗。放門口的餐牌係晚上更唔明顯。不過壁畫吸引人走去望下👍🏻餐廳係半自助形式，先去櫃枱點餐比錢，餐具、醬汁及碟要再係櫃到拎。-1️⃣全晚的最愛！豬鞍架（$98）上碟熱辣辣，慢煮令到豬肉超林，好易切！但肉一啲都唔乾唔老，重好juicy！唔會話大大舊食到飽一飽，煮法x味道x價錢x份量 - 呢個價錢簡直超值！⋯2️⃣荔枝接骨木花特飲（$38）接骨木花飲料幾Fresh，果肉又多，唔會話一味加荔枝甜漿就當係荔枝飲料。接骨木花Soda比例較多，但個人認為太多冰。⋯3️⃣日式蛋黃醬粟米三文魚薄餅（$38）呢個超抵食！$38咋！4個人分份量剛好又試到好多野。三文魚烤到岩岩好，醬汁又夠！而且餅皮唔dry又唔厚，份量剛剛好！⋯4️⃣黑松露蕃薯條（$48）又係超抵

呢間店距離地鐵站都幾遠，大家可以喺西營盤A2出口出，行到東華醫院再上啲，然後轉左上樓梯，就會見到我愛慢煮呢間野係食西餐的，但佢嘅裝飾有種中國風😂入面有兩層，我地就坐喺第二層咸蛋黃醬吉列蝦同咸蛋黃醬炸雞鎚係必食從來未試過咸蛋黃牆同呢兩樣野咁夾，而且炸雞鎚仲要好juicy，真係好高質，唔食會後悔到叫三聲黑松露蕃薯條又係超好食，就算唔點醬都本身有甜味，食到停唔到手，份量又大，同朋友一齊食唔驚唔夠食啦。啲醬食落似係手工整嘅，比普通出面買嘅黑松露醬好食好多驚唔夠飽，就叫多2個薄餅，一個芝士四川雞肉薄餅，可能佢帶有小小嘅辣味就叫四川風味掛😂 唔係好食得出😂同埋日式蛋黃醬粟米煙三文魚薄餅，個煙三文魚略咸，但同薄餅底一齊食又可以中和返佢嘅咸味，所以都ok嘅黎食慢煮，又點可以唔食佢地嘅慢煮羊同牛呢?澳洲羊T骨牛肉眼最後叫左個甜品，個窩夫略乾，要沾上雪糕食，先好食呢間西餐廳真係好高質，雖然遠，但係係值得嘅

平日極少到香島區覓食，因為又遠，價錢又比市區貴呢日就同個澳洲同學出黎食飯，佢就住係上環上次佢同朋友食過呢間覺得又抵又好食，咁就帶左我黎如果唔係有地膽帶路，都好難搵到呢間餐廳啊呢度裝修都幾特別，就黎情人節，同情人黎撐腳枱腳絕對唔肉赤！餐廳名叫我愛慢煮，顧名思義主打慢煮牛肉！黎到就上openrice睇下其他人有咩推介，就諗住叫個慢煮牛面肉，點知賣哂最後我地叫左個日式蛋黃醬粟米煙三文魚薄餅，咸蛋黃醬炸雞鎚，美國黑安格斯牛肉眼（12oz）配露荀，同加拿大法式豬鞍架（8oz）首先登場既係三文魚pizza，以＄38既價錢黎講既性價比真係勁高，有幾塊大大塊既三文魚，d配料差唔多鋪滿整個pizza熱辣辣芝士仲有拉絲味道非常好，pizza底仲要脆卜卜，冇得輸跟住輪到咸蛋黃炸雞鎚，本來係雞脾下鎚，但店員話雞脾賣哂，只能換6支小雞鎚雞鎚炸得金黃香口，咬落仲有肉汁，不過咸蛋黃味唔重，同埋小雞鎚比大雞鎚（脾）肉質差，有點失望之後就到肉眼扒，由於係慢煮既關係，冇得揀幾成熟牛扒賣相唔錯，睇落大大塊，煎得好靚不過扒身較薄，我個人鐘意厚身既既加＄38既露荀我就唔岩食，因為我唔鐘意陣草青味，但朋友覺得好食最後就到個豬鞍架

有次去朋友屋企見到佢部慢煮機, 整出黎嘅肉係好味好多, 心思思想再食呢, 咁啱睇到新假期有po, 趁個fd送左佢仔返學就過黎上環試下li間先, 好斜呀條路, 但地點夠穩世我鐘意👍🏻.•慢煮36小時紐西蘭牛面肉 (HKD148)特地來吃sous vide, 平時比較少接觸牛面肉不如一試, 件件厚切嘅牛面肉俾濃厚gravy輕輕蓋住, 咬落有點似腍啲嘅牛𦟌, 以慢煮嘅方法將豐富嘅牛肉味完全保留, 而且食得出唔係雪藏嘅貨色呢! 女仔食li款牛最好不過, 因為佢肉與肉之間勁多Collagen, 來自紐西蘭嘅牛肉望落雖然唔係超juicy, 但食落口感卻出奇地嫩, 10安士for兩個人差d食唔唒呢!•牛油炒露筍苗 (HKD38)長而幼身嘅露筍苗勁鮮嫩, 牛油味香❤️, 食到停唔到口!•日式蛋黃醬粟米煙三文魚薄餅 (HKD38)Li個pizza原來係俾巨多配料淹沒嘅多士, 拉絲芝士, 大量粟米粒, 仲舖滿厚厚煙三文魚, Very GOOD 2至3人開心share.•朱古力布朗尼蛋糕配意大利🇮🇹雪糕🍦 (HKD42)Brownie香濃朱古力加上細密嘅口感, 單獨食有點heavy, 加埋雪糕🍦一齊食就per

星期六和女朋友在上環逛街，上網發現這家The Hangout Corner我愛慢煮，剛好有點餓就來吃個late lunch。餐廳環境裝飾摩登又帶點中式的感覺，非常特別，而座位亦闊落。餐廳主打慢煮食物，豬牛羊鴨，任君選擇 ，亦有其他配菜、小食、及飲品，價位十分親民。黑松露蕃薯條蕃薯條份量十分慷慨，口味香甜天然，熱辣辣的魅力和香脆的口感，加上黑松露蛋黃醬刺激味蕾，十分開胃。日式蛋黃醬粟米煙三文魚薄餅試一個新式口味的薄餅，餅式是美式厚實香脆的風格，三文魚的油香跟蛋黃醬的微酸微甜非常配合。加拿大法式豬鞍架豬鞍帶骨厚切，故肉味更濃厚，口感也更豐盛，慢煮的做法令肉汁流失減至最低，所以一咬肉汁豐盈，甘腴可口，水準之上。慢煮36小時紐西蘭牛面肉牛面肉獨特之處是牛味濃郁以及有豐富的膠質，經過慢煮更能將這兩點突出，入口軟嫩而不失嚼口，牛肉味香濃，令人難忘。紅苺茶純粹天然果酸果糖，果香和花香，滋味比一般的人工糖醋美妙得多。

與男朋友散步途中經過突然見到外牆壁畫這麼特別 見到menu價錢親民便入去坐下休息店內燈光柔和坐得舒適價錢這麼便宜，但黑松露醬比得鬆手，黑松露沙律醬味道很香，如果蕃薯條可以再脆點，完全perfect牛油炒蘆筍苗淡淡的牛油香，露筍苗爽脆日式蛋黃醬粟米煙三文魚薄餅這麼好吃竟然賣38蚊下次我一定再來試其他款配料落得很足，餅底鬆脆慢煮36小時紐西蘭牛面肉牛肉味香濃，肉質軟淋，筋位一點也不韌推介 鹹蛋黃醬吉列蝦不油膩，鹹蛋黃醬很香 ，惹味非常

近來多了以慢煮的方式烹飪食物，在上環有一間西餐廳，可以一嘗慢煮食物。西式餐廳用古舊的裝潢，掛著木牌匾，帶點些少中國特色。加拿大法式豬鞍架 8 oz這豬鞍很厚身，賣相很美觀，肉質又軟熟，嫩滑，味道濃郁，烹調得很恰當。日式蛋黃醬粟米煙三文魚薄餅這薄餅份量適中，味道很配襯，平均每一小塊都有三文魚，薄餅不會很飽肚，可以吃多幾款其他菜式。焗白汁煙三文魚意粉又一個三文魚配搭的菜式，意粉有濃厚的芝士味，面頭焗出很美的色澤。椰子水橘子特飲這特飲很清甜，帶點椰香味，飲管是紙製的，減少使用塑料，很有心。在上環或西營盤到這餐廳需要些少腳骨力才可以去到，但能吃到美食，行些少樓梯也沒所謂吧！