金鶴拉麵 (荷李活道) (已結業)

金鶴拉麵，近期好出名下既拉麵店，多區都有分店，原以濃雞白湯出名，愈來愈多其他時令特色、串燒小食等，相當吸引😜店內簡潔舒服，服務非常好👍🏻有介紹又有講解，好主動同溫柔既服務🪄讚極濃龍蝦湯拉麵🦞期間限定，龍蝦好受歡迎已經一早賣晒，得返龍蝦湯配叉燒，都要試一試，上枱好精緻🍜香氣撲鼻，忍唔住試湯先啦，係睇得出既濃，濃過飲既龍蝦湯，入口好綿，唔會好咸，好濃蝦鮮味🤤好正，配埋拉麵，少少偏幼，掛湯一流，都有蛋味，有咬口，好夾個湯，相當唔錯💓溏心蛋都正，因為湯底夠濃夠味，所以食配菜、叉燒都好好味🥳愛好龍蝦湯既必試！日式餃子🥟價錢好抵，炸餃子黎，好香脆，都算唔錯，係時試下佢都幾出名嘅串燒🍢鹽燒雞中翼，上枱時非常香燒烤味同鹽香，大隻而肉嫩滑，鹽燒得好好🤓汁燒豬頸肉，依個價錢份量都係好驚人，好吸引，照燒汁好好味，豬頸肉又腍又夾燒汁😎食完好想再食拉麵、串燒都超高質(而好似鰻魚飯都好出名)，完全已經超越左一般拉麵店既定位❤️‍🔥依個地段食日本野黎講，價錢係超值，食串燒飲酒都有得諗🤪

極濃龍蝦湯拉麵（配一隻龍蝦尾）$198期間限定拉麵，一開頭試啖湯先，好香好濃郁既味道，證明係真材實料。龍蝦肉結實彈牙。配料都幾多，有荀條、京蔥、木耳絲。北海道極濃蟹湯拉麵 $138有好多蟹肉，湯好甜，配半隻糖心蛋，正。日式叉燒好軟腍，油香同肉香都唔錯。呢到既拉麵軟硬我覺得岩岩好，一定要掛湯食，同時將麵和湯汁一齊吸入，好正。日式餃子 $38外皮都幾脆，煎得唔錯。座位闊落，有吧台位，可以欣賞廚師整野食。而且有會員制，第一次幫襯即場down app做會員有100分，可以即時換野。

位於中環既金鶴拉麵，全港有數家分店做得頗為成功。金鶴主打既係雞白湯而非係香港主流豚骨湯底。裝潢走暗黑風格滿貴氣，位置比一般拉麵店闊落，有傳統可供食客同廚師近距離交流既吧檯位置亦有方便傾偈嘅一般餐檯。.極濃‧雞白湯 💲138餐廳主打既雞白湯都分兩款：包括普通同極濃版本。因為好喜歡近乎忌廉湯幼滑質感既雞白湯，所以點左極濃版。湯麵一上桌已經香氣四溢，湯頭確實係極濃稠鮮美，入口清甜卻一點都不膩。現炸牛蒡絕對係加分位，雖然店員提議儘快即食，但還是比較喜歡泡湯吃。配料有慢煮雞肉、叉燒、溏心蛋仲有筍絲，拉麵是最傳統款質素正常。.辛味拉麵 💲88朋友想食比較刺激既口味所以點左辛味拉麵。初初以為辛味會係雞白湯既辣版原來唔係。湯係高湯底配辛辣香料調味，辣度不高適合喜歡微辣既朋友。拉麵配料基本上同雞白湯接近但無左炸牛蒡，但多左露筍同野菌。對比下個人覺得佢地既招牌雞白湯做得比高湯版本出色。.若雞之唐揚 💲38口痕試埋炸雞塊，表面脆內裡不乾有肉汁。份量好足三件都大大舊，碟旁仲有鹽爸提味，性價比高。.日式餃子 💲38餃子帶炸感有點點乾身。.總結：晚飯途中見都見到好多人提取外賣先知原來拉麵除左堂食，仲可以外賣自取。

呢間餐廳主打雞白湯湯底拉麵🐔亦提供蒲燒鰻魚飯、日式沾麵、小食、串燒等🎌💗極濃雞白湯拉麵 ($138)奶白色嘅雞湯以日本赤雞高温熬煮6個鐘，再撞入鰹魚魚介湯，以攪拌器打至起泡，入口濃厚而不膩，充滿骨膠原🍲；雞叉燒選用日本薩摩赤雞胸，以黑椒同鹽調味，低溫慢煮保持厚肉鬆軟🐓；豚肉叉燒肉質鮮嫩爽滑🍖；拉麵口感順滑彈牙，掛湯力十足🍜；配料包括有炸牛蒡、糖心蛋、木耳絲、竹荀同大蔥💗北海道極濃蟹湯拉麵 ($138)選用北海道直送花咲蟹，蟹湯濃稠鮮味🎏；放上滿滿鮮蟹肉，鮮甜無比🦀；豚肉叉燒肉質鮮嫩爽滑🍖；拉麵質感順滑彈牙，掛湯力十足🍜；配料包括有糖心蛋、木耳絲、竹荀、紫菜同大蔥💗日式餃子 ($38/ 4件)餃子煎至外表焦脆，餡料以豚肉同椰菜包製，飽滿多汁，蘸上微酸嘅餃子醋提鮮🥟

上次試過天后， 今次試下中環。 中環店相對比較大， 但餐牌選擇種類比較小。 用手機落單， 減少不必要接觸。👍🏻(5⭐️最高）今次再試了炸雞飯（4⭐️)飯量有一飯多d， 三件大炸雞。夠汁可撈飯😂，但炸雞好似有少少過左火， 濃左少少。 要改善一下😂😂厚切日本雞胸肉飯（3.5⭐️）有4件雞胸肉， 大件， 但飯量比較少， 勝價比唔算高。 但會適合減重增肌人士日式餃子（4.5⭐️）因為做左會員， 有得儲分， 用200分可以換到一份4件餃子。 外皮被炸至脆脆😍， 裡面的肉質又唔會過熱😍

中環太多食西餐既店舖，想搵一間高質日式拉麵真係唔容易架！經朋友介紹 佢地話＂金鶴拉麵＂好掂架！ 你係附近番工，一定要去試下。疫情期間外賣自取有優惠呀！好啦 既然佢咁推薦 今日收工就特登去叫外賣。因為時間仲早 我去到果陣都係６點幾，唔算多人！ 入到去都覺得地方好乾淨，開放式廚，可以睇到師傅純熟既技巧睇得出係有經既師傅。而且雖然係開放廚，但真係一點點既油煙味都冇！抽煙系統整得好，心諗 下次一定要試下堂食先好快落完單，等左１０分鐘左右，熱辣辣既野食就準備好啦，急不及待拎番屋企品嚐啦！主食： 鹽味拉麵， 湯底一D都唔油，食到鰹魚湯底味，而且外賣湯同埋麵分開裝，好低讚 唔會浸淋哂Ｄ麵小食： 日式餃子餃子炸到好脆口！對於鐘意食香口野既我 真係冇得頂 配上一個餃子醋，食到好開胃小食： 鰻魚串＋炸雞鰻魚串好新鮮，厚切鰻魚，食落口真係淡淡鰻魚，好滿足整體黎講朋友真係冇介紹錯！好掂既一間拉麵台，不論小食定係拉麵都好高質！下次一定要黎堂食先得

今次試咗佢地嘅極濃雞白湯拉麵($138)，個湯底真係好出色，有超濃厚雞湯味，而且配菜都有好多，有兩片赤雞、溏心蛋，仲有埋叉燒，大力推薦！而小食方面，我地今次叫咗日式餃子($38)同唐揚炸赤雞($38)，餃子煎到金黃恰好，每一啖都會食到肉汁嘅鮮味，炸雞酥脆多汁，配上佢地特制嘅調味粉令赤雞更加惹味。甜品方面，今次仲試咗抹茶軟凍($33)，抹茶味濃，而且食落好煙韌，抹茶作為飯後甜品都可以幫助消除油膩感。呢度環境舒境，而且仲好有日本feel，服務員嘅態度都好好，我地一黎到就有佢地新出嘅西班牙檸檬手工啤酒試飲，啖啖檸檬嘅香味係口入面散開，令人回味無窮！有機會一定會再黎食！

星期日打算去中環試下新開鯛魚拉麵🍜，但原來佢星期日休息😢！唯有去附近既金鶴拉麵，食返個雞白湯拉麵補數！金鶴拉麵既雞白湯拉麵非常出名。湯底用左6小時熬製雞湯，所以你會食到一陣純雞香味。雞湯經過泡打後，非常滑身，我覺得非常似罐頭忌廉雞湯😂！濃味又滑身，我差唔多飲左成碗！配料方面一點都唔馬虎，炸牛蒡非常吸引，疊到好高，牛蒡條非常薄身，又炸得脆口😋，不過有少少油膩感😂！另外，拉麵有兩片厚切慢煮雞肉，食落好稔，帶有微微雞味👍🏻！叉燒口感相約，但較薄身，口感差一點！醬油糖心蛋處理得剛剛好，中間流心好吸引😍！拉麵就中規中矩，都掛到湯。不過果陣雞白湯味道真好濃郁，加上濃稠口感，更讓人回味！餃子🥟細細隻，因為係炸餃子，食落好脆口👍🏻！整體上，拉麵真好好味😋！不過，你問我，座銀定金鶴好味D，我覺得雞白湯味道都差唔多，都係咁濃郁！不過我覺得好似座銀D湯打得更鬆。另外，座銀雞白湯拉麵有海鮮口味，雞湯味道更有變化同更豐富。