四季文昌 (已結業)

之前食過尖沙咀店，感覺相當唔錯，今晚女子組聚會有人提議再食，但地點轉為太子呢間分店，出港鐵站行幾分鐘就到，相當方便又易搵! 上埋呢條充滿"圖書"味嘅樓梯就到用餐區店內面積寬敞，設有卡位或大圓枱，樓底夠高空間感十足，加上新年佈置，作為親友食團年/新年飯都一個唔錯地方未人齊，叫D小食食住先， 呢客單骨雞翼(黑椒蜜糖味)，炸好嘅雞翼淋上蜜糖，炸漿唔太厚，輕易食到鷄肉!入口熱辣辣，蜜糖嘅香甜味中帶點黑椒嘅微辛，單骨一"算"就食晒成條肉，不出幾分鐘已經被我地KO晒!呢度以 椰子文昌雞鍋馳名，今晚搞搞新意思，黎個雙拼鍋底 : 椰子文昌雞鍋 (半隻)拼玫瑰花牛奶椰子鍋放好鍋底後，一邊係椰子水湯底，內有幾片椰肉; 另一邊為玫瑰花牛奶椰子鍋開爐等湯滾起後，再放椰子文昌雞鍋 (半隻)落椰子水湯底，以枱上沙漏計時(6分鐘)後就食得先飲湯，味道充滿椰子清甜味，鷄肉滑中略帶少少嚼口枱上有3款特色醬汁可點鷄食，亦有沙薑粒，小青檸及辣椒粒伴食食火鍋點能夠無凍飲?  呢度有特色飲品供應，睇下呢2杯外型係咪好吸引呢?!  介紹返 : 係大紫(黑加侖子梳打)及青檸梳打，夠大杯仲幾好飲，飲一啖..............爽

其實本身係去吉野家打邊爐既，但點知賣晒，所以近近地黎左四季文昌（因為之前打過一次覺得唔錯）。又勁好彩星期六晚8點幾竟然仲有房既大枱！又坐得舒服！3.6牛乳湯底非常鮮甜，同好多野都好夾！本地手切牛肉上枱時真係十分fancy😂😂墨魚滑、豬肩肉都好正！但值得一提既係，呢度既菜十分新鮮、鮮甜😂成班人邊左打齋邊爐咁，好健康😂除左野菜籃，仲嗌左雜菇籃、豆腐、娃娃菜、響鈴咁。同埋稻庭烏冬真係岩晒打邊爐！

小編最鐘意食雞煲， 不論辣雞煲、醉雞煲、椰子雞煲，都係小編最愛～ 而椰子雞煲來說， 小編就最鐘意去「四季文昌」， 因為價錢都算經濟實惠，不錯吃！😏 臨緊大閘蟹🦀季節， 「四季文昌」出左新menu呀～ 係二人蟹逅套餐（$588）呀！😍蟹迷必試！ 🦀🦀🦀🦀🦀🦀🦀🦀🦀🦀🦀🦀🦀🦀🦀 一個套餐包： 日本大閘蟹 (2隻) 原味椰子文昌雞鍋 (半隻) 手切黑安格斯牛小排 海鮮火鍋雙拼 (紐西蘭馬刀貝、脆鯇片） 三色蟹 (蟹粉鮮蝦水餃拼蟹膏墨魚丸、蟹粉墨魚丸) 日本直送野菜籃 蟹形薑汁糕 🦀🦀🦀🦀🦀🦀🦀🦀🦀🦀🦀🦀🦀🦀🦀 又大閘蟹，又椰子雞鍋，又牛肉，又海鮮， 食物多樣化～☺️ 先來原味椰子文昌雞鍋 (半隻)， 先將椰子水煮沸， 再加入海南文昌雞， 用枱上嘅沙漏倒數， 雞件要大火下鍋，焗8分鐘才可享用～😌 一打開蓋就傳黎陣陣椰子清香， 梗係要飲番碗湯先！ 椰子味香濃，清甜味美， 雞件剛剛熟透，肉質鮮嫩多汁～😋 可以蘸椰子雞指定醬汁啦， 醬油中加d生蒜、辣椒🌶️和生鮮青檸汁， 香辣惹味～又是另一番享受～☺️ 日本🇯🇵大閘蟹（2隻） 蟹肉較鮮甜， 但蟹膏質感沒內地大閘蟹般結實， 呈奶油狀，味道也較淡，卻

跟喜歡吃火鍋老友好久沒見，之前吃過雞煲、海鮮粥底火鍋，今次就跟她一試清新的椰子文昌雞鍋吧！到餐廳要先上一層，沿途的書櫃景好有文青感覺！就連餐廳內部都充滿文藝氣息，是必打卡位！來到當是是吃椰子文昌雞鍋啦！一片片椰子跟半隻雞放到椰子水內，等到沙漏完了就能吃！建議先喝碗湯，清新的椰香加上雞味甜甜的很好喝！雞肉質滑，椰肉煮久點吃也好吃，不浪費！雞可點秘製醬汁吃，鹹香的，酸甜的都有，各有特色這裡的上菜速度頗快，很快就堆滿枱面，超級壯觀不過好像太興奮點太多了哈哈！四季牛肉拼盤的定價雖否便宜，但看這有不同牛的部位，鮮艷紅色的超豪華拼盤已經覺得值回票價了手切安格斯牛頸脊、A4和牛肉眼、黑安格斯牛小排和牛柳粒全部又軟又滑，又重牛味，好正牛舌粒和牛舌長切爽中帶軟，咬下去又有牛鮮味和清甜椰味，讓我倆都念念不忘竹笙墨魚卷是個特別的組合，在竹笙內填滿墨魚滑，真的塞好塞滿吃時先感受到椰香爽口的竹笙，再咬深點就到彈牙的墨魚滑，口感相當豐富個人對於手作食品都感興趣，所以點了文昌鴛鴦拼盤。自家手作水餃有豬肉，木耳和約兩隻鮮蝦仁，而四季福袋內充滿調味豬肉末和芋頭。兩者都用料十足，味道也具特色在七、八月這海膽當造的季節，店

朋友上網搵到呢間打邊爐, 我見地點大家就腳, 上嚟OR睇d食評同相又好似唔錯, 而且又有得book位, 於是嚟試下咁啦~ 不過佢firm枱果陣話遲到唔會留枱, 心諗呢間嘢有乜咁巴閉? 原來真係好多人食, 雖然佢話限時, 但夠鐘果陣冇人等位, 佢都唔會趕你走, 由得你食, 因為大把人早過我地嚟, 但我地夠鐘佢都未走, 所以我地都可以慢慢歎~  原味椰子雞嚟呢度係必食, 因為冇得你選擇, 個湯底係指定椰子雞, 差在你叫原味定加其他料, 而我地係選擇原味~ 由於係指定, 所以每張枱都已經放定煲湯响度, 不過好奇怪, 個煲就超大, 但啲湯就得1/3煲左右, 硬係覺得佢唔夠水囉~ 不過就好香椰子味, 但有D椰子肉, 甜甜地又鹹鹹地咁, 幾得意~ 日本直送野菜籃唔知佢係真係日本直送定街市買菜啦~ 係就係幾新鮮, 但唔知有冇洗過, 都有d污漕嘢, 唔係洗得咁乾淨~ 個菜籃都好多款式, 有d菇、菜、蘿蔔片、蕃薯片之類, 樣樣有d, 唔駛只係得一款菜咁單調~ 玫瑰黑豚腩片只不過係將d腩片卷成玫瑰花形, 賣相係靚d, 但我覺得佢都幾貴, 而且超肥, 肥膏2/3, 瘦肉1/3, 開頭都成片成片放入口, 但實