鉄人旨花 (已結業)

記得我有一位非常挑剔的朋友，常常說要找一家食材新鮮好味，又要環境舒適，服務不可以太爛，價錢又不可以太貴的餐廳。對於這位朋友的超高要求，我每次都說「你自己煮吧!」這幾個字作出回應。試過「鉄人旨花」的出品之後，我再次說多句！終於可以為這位愛挑剔朋友，重新作出認真的介紹啦!一直都知道「鉄人旨花」是位於銅鑼灣...但當知道西環這一間是主打丼飯及日式定食...就轉戰西環。去到門口感覺跟銅鑼灣店的大有不同，這一間感覺較為親民，就像日本的小居酒屋一樣，這一刻我想起去年到訪過大板的旅行回憶！店舖面積不太大，眼看二十多個座位，長方形的佈局。看見這裡的日本風坐墊怎為可愛還有些繡花圖案，和式味重！餐具也是別出心材的！在牆上也掛著一些特別菜式、是日推介等等。如果想不到吃什麼可以試試推介的食物。餐牌上的設計跟的想像中有很大的出入，因為門口是居酒屋風格，入面也充清日本風情，但餐牌設計就較為過份簡單及平實，先不論設計，看看食物及價位！價錢屬於中價吧，但我相信質素是有驚喜的，始終「鉄人旨花」也是口碑不錯的餐廳🍴三個人三個餐：每款定食都會送一客味噌湯！每次去吃日本料理，都會隨餐附送一碗味噌湯，看似最簡單、普通不過的日式食物代表，在家中卻總是煮不出在日本喝過的風味...這裡的不會太鹹雖則沒有很鮮甜，但非常夠味！當中有少量👉🏻白蘿蔔和海帶，增加口感！旨花丼盛 $248入面有我最愛的👉🏻右口魚邊、三文魚、「季節」油甘、牡丹蝦同埋鮮帶子賣相美的不在話下，多色又香味俱全一望就覺是高水準丼飯刺身是非常新鮮的，右口魚邊帶點油膩，肉質極之柔軟，介乎入口即溶，享受到它厚實的肉身而又彈牙的口感。超好食！在刺身級的蝦類中，牡丹蝦可算是知名度最高的一種，大約有半隻手掌咁大，甜美的蝦肉，豐腴甘香的蝦膏，還有細綿帶爽的口感！三文魚同埋鮮帶子食落新鮮，肉厚肥美！味道鮮味甘甜全部刺身撈飯食一流！飯裡加了點壽司醋，精準地抓住刺身與飯軟硬的口感和味道！美味與否，飯與刺身兩者相當重要。:)另一個是我認為值得推薦的定食...極上壽司盛 10件壽司$238👉🏻鮮帶子、海膽、藍鯨拖羅、三文腩、火焰鰈魚邊、吞拿魚、甜蝦兩隻、同埋花虎特大熟蝦呢十樣...如果你喜歡吃日本刺身，相信是無一不喜歡...每件壽司即叫即手握，新鮮就一定的，但司傅握既力度非常好，每件夾起都唔會散開。上枱既時候感覺太精緻了吧！ 每件壽司擺位、距離、顏色調配相信是花過心思去擺盤的，跟外面的連鎖店不能媲美。壽司飯上有幾件都會在面層加添一些日式食用裝飾，如黑松露、三文魚籽等等，更美之餘又可以豐富口感！吞拿魚之最最有營養的藍鯨拖羅真係好好食...唔同部位有唔同口感，呢件係品嚐到鮮嫩肉質及清甜魚味可能是佈滿油脂吧！而三文腩新鮮美味，沒有雪味又沒有根，咬落好滑，甜蝦配黑松露都深刻，因為意外地夾！反宜吞拿魚蓉壽司雖然不是我最喜歡，但我認為是最特別的！圓形的形狀加上面層的三文魚籽再配飯，朋友吃了說有三種口感！並且完全沒有不新鮮的腥味。好像吃這個極上壽司盛沒有點太多Wasabi，因為已經夠鮮了！最後一個是...野菜雜菜海鮮鍋 $198豬骨濃湯或者泡菜湯底選擇，想品嚐日本風的味道便選了豬骨濃湯...上枱速度這個是最慢的...來的時候湯底入邊有野菜同埋一舊魚骨。湯底呈現奶白色！👉🏻另外分開上一碟海鮮：帶子、蝦、蠔、蟹鉗、魚！材料每樣都係色彩鮮色可見火鍋配料夠新鮮！湯底濃郁，先來一口，超級鮮甜，心心眼出現了！未落食材就咁鮮，落左未仲濃味呢？入面有野菜，好像娃娃菜及金菇也在內並吸收湯底精華。鍋物配料過一會就落了，最喜歡是魚膠及蝦，滲透湯底美味次餘，魚膠肉好嫩，纖細口感一次送進口中，好甜！新鮮程度滿分！鍋底內的野菜我吃了非常多因為非常好吃啊！作為晚餐的結尾，可能是日本人之道會送上簡單的日式甜品抹茶蕨餅剛係Mochi Mochi，作為飯後甜點不錯，細細的，煙煙韌韌，像糯米糍一樣，抹茶味道甘香，若能配上一杯溫暖濃郁的抹茶共享，簡直堪稱美味絕配。❗❗總括感受環境: 簡約和風設計舒適，感到很放鬆，有點慢活服務: 有禮但略嫌訓練不足價錢: 成正比，中價位但有高質食材，細緻擺盤，有心經營菜式: 選擇不算太多、但食材普遍質素不錯，感覺廚師會有考究亦對原材料選擇有一定的苛求。…查看更多

最近工作嘅疲累真係令我諗起上年同男朋友喺大阪旅行嘅點點滴滴黑門市場嘅刺身、丼飯、日本特色甜品等等都令我念念不忘。今日特意同男朋友嚟到西營盤呢間鐵人旨花，一解我「思鄉之情」:)知道佢銅鑼灣有另外一間分店，嗰間嘅裝修感覺比呢間有規模，所以嚟到呢間門面，其實有少少認唔出。店裏面積唔係好大，大約只有20個座位，更似一間日式居酒屋好鍾意佢靠牆嘅座位用咗日式坐墊，日本繡花圖案，別樹一格。睇睇餐牌，其實佢價錢屬於中價，唔可以話係好平，質素如何？就馬上揭曉！我哋兩個人叫咗一個壽司定食，一個丼飯定食同埋一個野菜海鮮鍋。定食附送湯一碗旨花丼盛 $248三文魚、「季節」油甘、右口魚邊、鮮帶子同埋牡丹蝦每款刺身都新鮮到不得了，鮮甜肥美朋友介紹我要食有口語變其實我真係從來都冇食過資質比例比較高完全達到入口即溶，香滑嘢未！牡丹下大到有半隻手掌咁大，肉質彈牙爽口；三文魚顏色鮮艷奪目，睇得出好新鮮，而且肉厚肥美！佢個飯撈咗壽司醋，酸酸地，米飯黏度煮得啱啱好。整上壽司盛10貫 $23810件壽司分別係：三文腩、日本鮮帶子、花虎特大熟蝦、吞拿魚、藍鯨拖羅、甜蝦兩隻、海膽同埋火焰鰈魚邊睇住師傅即叫即手握，所以製作需時，大約12分鐘左右壽司就上枱。呢度嘅壽司睇落比較的骰迷你，相比出邊連鎖壽司店更覺得係高級精緻。除咗壽司飯上面嗰件刺身外，仲有放咗啲好精緻嘅花或者三文魚籽做裝飾。對我黎講，Wasabi都係重要嘅一個項目，佢嘅Wasabi好新鮮，唔似係普通壽司店唧出嚟嗰啲。我最鍾意係佢嘅吞拿魚蓉壽司，除咗外表特別之外（其他壽司都係長方形，佢係偏向圓形）佢嘅吞拿魚蓉相當肥美，味道鮮甜，配埋魚籽喺上面，一啖3種口感，正！另外一件令我印象難忘嘅就係鮮帶子，帶子脂肪比例唔高，所以相對其他刺身，佢唔能夠用佢嘅脂肪油去帶出佢嘅美味，唯一可以表達到就係佢真係要好新鮮，食落鮮甜厚身。野菜雜菜海鮮鍋 $198可以選豬骨濃湯或者泡菜湯底，因為男朋友唔食得辣，所以揀咗最穩陣嘅前者。海鮮鍋上枱嘅時候湯底入邊已經有野菜同埋一舊魚骨。另外分店上咗蝦、蠔、蟹鉗魚件同埋帶子，我個人認為最簡單嘅食材方法最容易暴露食材係咪新鮮尤其係未煮嘅火鍋配料，因為未經加工冇得掩飾，但係鐵人旨花嘅材料每樣都真係好新鮮肥美！湯底濃郁，野菜（金菇、娃娃菜、甘荀等等）吸盡湯底嘅精華，當中入邊嘅魚膠溶化，滲透入湯底中，更有另一種層次嘅美味。鍋物配料中我最推介係生蠔，半隻手掌大嘅生蠔絕不欺場！肉厚肥美，咬落去爆出嚟嘅汁有咸咸地嘅海水味未能一解思念日本之愁，當日與黑門市場一別，未知幾時可再相見！鐵人旨花嘅服務生雖然唔係日本人，相比日本嘅居酒屋始終欠缺左一種氣氛，但食物絕對能夠媲美日本食到嘅刺身味道…查看更多