澳洲牛奶公司

营业中

休息中

記得大概喺5年前平日嘅早上都要排長龍等食早餐老老實實真係好鍾意食佢嘅火腿通粉個火腿好似平平無奇但係同出邊嘅嘢有啲唔同通粉係冇坑紋滑脫脫嗰隻個湯底唔知點解總係想飲到美人照鏡杯凍檸茶永遠都係細細杯好似唔夠飲但係其實食完又好飽記得之前未入到去坐低就要睇定食乜一坐低最好唔好諗即刻講怕俾人啤😝最奇怪嘅就係唔知點解嘢飲唔可以喺點餐嘅時候一齊嗌試過幾次樓面嘅哥仔都係話「食咗先啦轉頭嗌啦」五年後嘅今日我再揀日早上去食依然都要排隊依然都係未入去就要諗定食乜今次唔同嘅炒滑蛋🍞方包我轉咗做蛋治居然哥仔問埋我飲咩🤣🤣🤣究竟係我之前搞錯咗定係而家改咗規矩

一間餐廳喺我心目中嘅成功之道，唔係食物好就係服務態度好。就算廚師整得幾好食，但員工態度差的話都唔想再去幫襯，所以澳牛一直係我心目中都係一個奇蹟🤪。有乜理由人們口中一間員工服務差嘅餐廳，會令人愛上，而且一年365日都要排隊。我今次就係第一次去食澳牛，食完之後真係佩服佢嘅。 澳牛當然唔係賣牛奶架啦~澳牛在1950年創立，當時嘅老闆坐船到澳洲，但架船就壞咗。後來返到香港，喺佐敦開茶檔買“本地”牛奶，所以先叫澳洲牛奶公司。而澳牛賣嘅鮮奶只係維記樽仔奶。如果你為咗飲奶而去澳牛的話~咁就... 😂環境食物呢D野都唔洗多講，去到嗰度見到有條長龍的話，已經係常事。大約等10分鐘就會入到去。入到去要聽佢話，坐邊就坐邊。四人搭枱嘅~坐！通風口位~坐！同佢嘈的話...食物的話，早上就食早餐，下午就食快餐/常餐，如果你喺中午時段叫早餐的話...。澳牛的餐叫光速餐，當然叫野食都要光速。坐都未坐定，白衣店員已經問你食乜，你仲諗的話…之前我喺網上聽過員工平日壓力同工作量都好大😲。 蛋治烘底$21 當日唔想食咁多野，就叫咗個蛋治。上菜速度九秒九九都唔洗多提。雖然呢個叫蛋治係較冷門，但兩分鐘都唔洗就上咗枱。朋友叫早餐

終於一嘗澳牛早餐～呢個早上異常地想飲檸茶，咁耐冇食過又試下依家嘅質素係咩水準！熱檸茶～依然好飲，夠熱同埋茶底正！(其實好想飲凍架…..不過唔得啦…養生～)火腿通粉～湯嘅味道同以前一樣冇變！其實湯嘅味道都幾重架！火腿足料，味道正常！炒蛋多士～炒蛋係呢度名物，去澳牛唔食呢樣野唔好同人講去左澳牛😂多士同以前咁上下，入口脆脆地既厚多士。炒蛋呢就….睇個樣都唔同左樣🥶係咩原因咁稀？一攤野咁🙈食落去完全唔係個回事Lu～整體質素平平，還好杯檸茶仲係幾好😗

:: 澳洲牛奶公司 ::由細食到大，街知巷聞、中外馳名嘅茶餐廳。同屋企人食咗N次，印象中第一次食係幼稚園hahahah。之前因爲武肺停業咗一排，一開翻兩老就話要去食，結果晨早十點去到已經排緊隊-,- 。；早餐 $38最掛住個炒蛋（好有動感😂)，滑得嚟有奶香，食過咁多炒蛋都係呢個最得我心，配埋烘過嘅厚多士就係perfect池嘅早餐。通粉正常發揮，不過我鐘意叉燒意多過火腿通，可惜早上無啦o(｀ω´ )o。；鮮奶燉蛋白 $30必食之選，質地動L動L，又滑又香。今次食仲覺得佢無之前咁甜，非常好，💯。

今早喺澳洲牛奶公司食嘢。好耐冇試過嚟食啦。唔使排隊真係好好。味道真的俾其他好食好多😋例如x華同九龍城嗰間，都不及這裏的好吃。但係在疫情下，就有好大嘅風險。我覺得佢哋冇跟食環署嘅要求，2-4個唔識嘅人都可以放喺一台坐，張枱冇膠板隔開。裏面啲枱同以前一樣咁多，都冇少過。我坐嗰張枱原本已經有一個唔識嘅人同我搭枱， 樽細嘅正方形，冇任何膠片分隔，所以當第3個人坐落嚟時， 我杯茶未飲晒都即刻起身走。希望頭先食嘢嘅時候，我會受到感染🙏🏻

據聞澳牛由於武漢肺炎關係, 曾經停業一段時間, 並於上月尾重開. 重開後終於搵到機會嚟食早餐, 竟然唔使排隊, 以前即使閒日早上, 都要排幾個字先入到去.早餐$38, 包火腿通粉, 多士, 炒/煎雙蛋, 熱飲一杯 (凍飲加$2)試過唔少坊間茶餐廳/冰室標榜嘅“澳牛炒蛋”, 雖然賣相差不多, 但都冇澳牛炒蛋嘅神髓, 就算質感差不多, 始終蛋味都唔夠香濃.仲有, 發覺澳牛侍應比以前好禮貌咗 (本身態度都唔差, 起碼佢哋對老人家不嬲係比較貼心).

6299來香港，少不免要帶他們周圍飲飲食食，因為星仔的工作時間比較自由，只要上午在公司露個面，下午就可以出外，如果請一天假期太浪費，加上我的年假亦比他多，所以6299來港，通常早上都是由我帶他們吃吃逛逛，到中午星仔才接手。對上一次帶仔們來澳牛都有年多前，今次又帶他們來吃個早餐。平日早上人龍比假期短得多，大約等了10分鐘已經可以入座。想吃燉蛋和燉奶，所以三個人只點了兩個早餐($36)share，再另點燉蛋燉奶各一。雖然澳牛都係得三個套餐，但因為太耐冇黎，排隊時都有睇定食乜，心中記著，到侍應問食甚麼就可以流利說出。火腿通粉不是澳牛的重點，味道正正常常。炒蛋的確暫時食過咁多間佢係最滑的。多士亦烘得夠脆。奶茶茶味和奶味普通，不算得別香濃。鴛鴦不會過苦，味道可以。燉蛋和燉奶都很滑，燉蛋蛋味十足，個人亦比較喜歡燉蛋。好多人話澳牛侍應態度差，其實有時會否要求過高，以茶記價錢要求餐廳侍應質素呢？以我幫趁過幾次經驗，點菜的確是要快，食完亦不可以慢慢坐，要即走，但卻絕不會催促你食快點，今次和兩個老人家被安排坐四人卡座，全程食左近20分鐘，以澳牛標準算食得耐，全程侍應也沒有加插第４個食客來坐，亦沒有催促我們

聞名不如見面的超特快早餐，非常出名的店，其特色就係快，靚，正，好彩朝早去，唔算多人，一個人，好彩即刻有位入得，但都全場爆滿，到食完出來，外面已經好長人龍，一坐低即刻有阿叔問我要咩，其實都冇咩選擇，就早餐，因為這店為了省時快速出餐，盡量減少餐款，讓客快點上餐，我一坐低點完餐，三分鍾不到，餐就到我面前炒滑蛋，真係炒得靚，所以我先影得靚，件包烘過，脆脆地通粉，湯底好飲，通粉都唔太硬唔太軟，岩岩好，火腿份量剛好點綴通粉，如果整体份量多d更好，整碟野都靚，賣相口感味道水平都比一般茶餐廳高，真係快靚正，不過食完見到門口長龍，如果唔駛排隊就可以考慮下再來

澳牛，不再是我的澳牛。 澳牛，這間曾是受追捧的人氣茶餐廳，及後來演變成於很多香港人眼中只是間'出名服務'的普通本地茶餐廳，質素的滑落，服務的提升，已不是忠於原著的版本，令人暗生懼怕。不過對於台灣遊客、內地朋友來說，可說是必食的名物，長期居於頭五位。情況就等於大家到大阪排隊吃一蘭; 到台灣排隊吃永康、林東芳一樣(當然也不能用上這兩間來相提並論)，好吃，但不是最好吃。 客似雲來，應該是每間餐廳食肆希望做到的景象，而澳牛的確做到了，雖說名氣不及從前高，但任何時間都要等位是無可置疑的，也莫說是正常用餐時間的中午或晚上了罷，門外總有排隊的人龍。幸而這次到訪是十二點前的'非繁忙時間'，等了兩、三分鐘就可以入座，簡直是值得慶賀的奇跡。 依舊那'cher爆'速度、喧嘩不斷的反彈回音、密集式猶如插針的座位安排，令人不安的情緒依舊稍稍提升，這回安排坐於非常'自閉'的面壁思過二人卡座，雖然舒適度不能期望會很高，不過卻十分喜歡，一來不用跟素未謀面的人搭檯坐四人座，二來那高流量人流不用於身旁轉來轉去，三來店員不會經常站在身旁催迫，可以樂得悠閒於澳牛去享受一個茶餐。不過其實我知道門口安排座位的磁性低聲線大叔看

看過潮文'澳牛的黃昏',加上失落蛋漿秘方(相傳去了聯發),心中感到又一個傳奇變平淡.隨著太多自由行幫趁,不想去迫,很久也沒去過.今早七時許經過,點都要試下!閘門只升起了三分一,顧客(包括我)都要彎低身'捐'入去.也許只有澳牛才會令大家折腰.照舊叫早餐炒蛋多士!平心而論,炒蛋味道沒以前那麼香口,但仍算香滑,有以前九成半水準!已拋離其餘茶記啦.總之自己點做都冇這水平,惟有死死地氣幫趁.多士保持水準,夠熱,外脆內軟,陣陣牛油香,正!通粉有進步,湯底沒那麼鹹,可能係一早關係.茶走都算佳作,有點茶香.整體而言都十分好,加上仍是$32,今時今日已是超值.伙記很有禮貌又唔係.今早隔離有一枱同胞,她們吃剩了一小塊多士(約一隻食指大小),想叫伙計打包.伙計見到已算忍耐,說:吃剩一口怎麼打包.同胞愕然:你開玩笑嗎?伙計開始有點火:那有空跟你開玩笑.說完就行開,剩下一臉無奈的同胞.收銀仍是木口木面,和以前一樣.對我來說,潮文好看,但並不中肯.

之前試過佢ge燉奶....非常之滑唔錯！見openrice好多人勁讚炒蛋....就一於去試下la....店裡的選擇不多~11點幾都仲可以叫早餐食^^~平幾蚊lu又可以與朋友叫jo 2個 早餐(火腿通粉+厚多+炒蛋+O Tea)呢度D waiter做野好快~~我地岩岩坐低已經有D壓迫感叫我地叫野食....不過都算親切~同我地有講有笑的！點知我地叫jo之後，同朋友傾jo一句姐...D野食已經送到上黎la...速度快得很！炒蛋真係非常非常好味~好滑，唔使落鹽....味道岩岩好！！好懷念ge通粉....好味....仲有多士........都係好好味~表面脆脆的.....