Hokahoka

营业中

休息中

已經接近兩年無返過家鄉了，經朋友介紹去咗呢間居酒屋，出咗名無乜人聽電話，但我打咗三次就有人pick up了，仲即日有枱，高興！居酒屋就係有一種魅力會令你叫完一樣，又叫一樣，明明飽飽哋，但又會再叫多一樣。我哋兩個人去，竟然食咗9樣嘢，包括海帶沙律、咖哩烏冬、唔記得咩魚的刺身、香蕉天婦羅配雪糕、炸雞、明太子雞翼、烤牛舌（前後兩碟）、酒盜芝士、炸蓮藕餅(?)。本身想食蟹肉可樂餅，但嗰日無供應 基本上每樣都水準以上，最好食要數烤牛舌，味道一流，唔知係咪我個setting問題，感覺好似食到炭烤味，可能只係幻覺。其次係酒盜芝士同明太子雞翼，兩者都係濃味之選，配一啖日本生啤，一絕。最敗筆的係炸雞，一來炸得幾乾下，二來無味嘅，如果一客炸雞要靠沙律醬先好食，咁不如唔好食。但整體嚟講食得好開心，會再去，希望繼續易訂位。

尖沙咀一日遊飲食之旅既終點站，就係黎呢度食晚餐啦。由於朋友一早講左想食日本菜，所以就搵左呢度食晚飯。是日呢個晚飯都食得幾早，我地六點幾已經黎到，因為... 我要趕返屋企睇九姑娘 XD。六點幾黎到都營業緊架啦，入到去見一個客都無，即刻安排左個卡位俾我地坐。坐左一陣見好似有D日本人坐係吧檯食串燒(?)，陸陸續續都有D客人的，不過都幾唔滿下... 唔知係咪我地太早呢？呢度環境幾舒服，坐卡位自成一角講大聲少少都得，無咩客所以唔驚嘈親人=P。一坐前已經有個小前菜啦，之前講過唔再飲酒既人竟然提出要飲Asahi... 兩個人就一人叫左一杯細既。之後就開始叫野食啦，不過成日都不停食既我們是晚都叫左幾多野食，食完朋友話十成飽喎。朋友想食帶子刺身，店員話 3 款拼盤都有的，所以最後我地叫左個最少的 櫻 刺身拼盤，黎到有三文魚，吞拿魚，鱆紅魚，帶子同八爪魚，唔算好豐富，不過基本上我地都好滿意。刺身首先解凍得夠，而且切得幾厚身，唔會有冰碎加上鮮味十足，真係唔差的，起碼無咩邊款我覺得難食。帶子最好味，因為鮮味好出呢。比起上次我去灣仔某食店... 連冰碎都食到... 真係.... 叫了幾個小食，燒牛舌一客兩串唔駛