胡爐 (已結業)

完成渣打馬拉松的晚上，又來了尖沙咀厚福街吃火鍋。分別的是跑道上滿腔熱血的跑手不見了，換成車水馬龍的街道、熙來攘往的人群。H8 全座都是大部分都是食肆，等電梯也要些時間。來到16/F，第一感覺是招待位置比較窄。本來胡爐是走高級火鍋路線，現在轉做半放題後質素不變仍然高質，沒有因為放題而將貨就價。最優惠的是星期日和星期一至四價錢相同，這點很讚！店內的裝潢古色古香，播放優美的古典音樂。醬油配料選擇不多，有比較基本辣椒、炸蒜、蔥花及蒜蓉。半放題就是有些食物不設追加，部份配料任點。非放題的項目：1. 湯底5款湯底有雞、鴨、牛、蜆，有辣有不辣，應該總有一款合心意。我們就選了比較少吃到的黑白胡椒卜卜蜆鍋，蜆的份量也不少，味道也很鮮。胡椒湯飲下去順滑不嗆喉。2. 每位一份日本鮑魚花膠鵝掌調味和火喉做得不錯也很入味時令海鮮拼盤、胡爐拼盤及手工丸餃拼盤為2人份量3. 時令海鮮拼盤店員介紹先吃海鮮，有鮑魚、帆立貝等。在電磁爐上不用等很久就可以吃了，當中鮮味也不錯。4. 胡爐拼盤（澳洲和牛、牛舌蕊、黑毛豚豬肉）和牛油脂分布平均，牛味道不錯黑毛豬較少在火鍋吃到，放題中更見罕見，味道和質感也不錯5. 手工丸餃拼盤（

之前試過同集團嘅醉胡爐，得知另一間胡爐有半放題火鍋，今日就嚟試吓呢一間分店。餐廳內環境寬敞，佈置亦有心思。呢個半放題先會安排指定嘅火鍋配料，食客首先揀選火鍋湯底，然後就用QR code落單order任食火鍋配料。加$38仲有啤酒汽水任飲，打邊爐有得任飲當然要加啦！食火鍋前首先品嚐一吓麵包蟹，麵包蟹既多膏又多肉，而且非常鮮甜，雖然有醋提供，但我覺得原味已經係最好味。醬料款都非常整齊，連顏色都配搭得好靚。我哋揀咗蕃茄牛腩鍋，入面果然有好多牛腩，建議可以先飲一小碗湯，再慢慢食牛腩。牛腩越煲越好味，所以一定要慢慢品嚐。時令海鮮拼盤分別有海蝦、大蜆、鮑魚同扇貝，全部非常新鮮，雖然海鮮唔係任食，但個人認為份量都足夠。胡爐拼盤就有澳洲和牛、牛舌心同黑毛豬豚肉，和牛同豬豚肉都係大大塊，而我就最欣賞佢嘅牛舌心，夠晒爽口。手工丸餃拼盤嘅丸類全部都係自家製，包括有黑松露墨魚丸、手打蝦丸同芝心丸，其中黑松露墨魚丸彈牙得嚟又啖啖充滿黑松露香，最令人回味無窮。而鮮蝦雲吞、XO醬帶子餃同魚皮餃亦各有千秋。任食火鍋配料方面都好多選擇，而且每次出餐都會配合返你嘅人數而作出適當嘅份量調整，等你每樣都可以慢慢淺嘗一下，安排

朋友之前同我推介過「胡爐」嘅火鍋好正，但睇餐牌好似好貴咁😣，因為係單點。不過最近尖沙咀H8店推出半放題，閒日食計返都係三百幾蚊一位，絕對係令人心動一試嘅價錢。餐廳嘅半放題包括自選一款煲底、至尊拼盤(即當中嘅食材不設任點)以及超過三十款可供任點嘅火鍋料。🥢正價時段食每人收費$298，星期五、六同公眾假期加$30，另收加一服務費同醬油費$8。如果要埋飲品放題，每位額外比多$38。當揀完煲底後，至尊拼盤嘅食材亦會一併送上，基本上未嗌任食嘅部份都已經飽咗七成，非常豐富😍。煲底有得揀，例如有惹味雞煲、胡爐醉鴨煲以及黑白胡椒卜卜蜆煲等。我哋要咗雞煲🐔，辣度揀咗小辣，但對我嚟講都有啲過火🔥，好彩嗌咗任飲啫。佢隻辣唔講得笑，但麻味都好足，所以令我又愛又恨。雞肉份量多，長期滾住肉質都保持嫩滑，而且亦無斬到碎濕濕呢。當食到咁上下，就可以請店員加湯，轉打邊爐🍲。加湯後，辣度明顯減弱，不過愈食都有愈辣嘅感覺，因為湯入面嘅香料煲爛後，令到湯底更濃味。時令海鮮拼盤，是日五款海鮮包括海蝦、大蜆、青口、扇貝以及鮑魚。🦐海鮮全部都幾新鮮，而且大大隻，鮑魚難得淥完都唔韌，而扇貝就好夠厚肉。胡爐肉類拼盤🥩，左至右分別係澳洲

今晚行經厚福街避雨時，與其乾等，我們索性上「胡爐」醫肚！搭升降機直上16樓，開門即見大大個招牌！食肆裝潢典雅，據聞以為是單點放題，近來才改為更抵食的半放題。雖然任食，但食品質素感覺不變！半放題每人$298，可自選煲底和任點火鍋料，加$38則飲品任飲！由於我們不好辣，所以就揀了惹味雞煲！雞肉嫩滑，跟其他火鍋店相比，它更沒有碎骨的麻煩，食得放心！半放題包時令海鮮拼盤，五款海鮮，當中有我至愛的蟶子！除了海鮮，還有胡爐牛拼盤；當中有牛舌心和黑毛豬豚肉外，最估唔到半放題竟然可食到澳洲和牛，一碟更有成5-6塊呢！手工丸餃拼盤有墨魚丸、芝心丸、雲吞等，每款一粒，畀我試勻六種口味！指定拼盤外，由於個胃還有空位，我們再點了幾碟火鍋料，廣島蠔我們更encore又encore呢！埋單每人$369.6，最後嘆埋海鹽雪糕，就滿足地離開！