添好運點心專門店

营业中

休息中

朋友食過一次呢度嘅酥皮叉燒包一試難忘，仲話一定要去試下，今日去旺角都特登過黎黎朝聖。上網睇原來係人氣食店，但好彩我地去嘅時間唔係繁忙時間唔使排隊就食到。🍍酥皮叉燒包朋友推介必食！果然冇令我失望，上黎仲係暖粒粒，皮薄餡多，薄薄一層酥皮，有啲似墨西哥包，但唔會過甜，香甜帶奶香。包身鬆軟，啖啖叉燒餡，外脆內軟，令人回味無窮🤤🦐晶瑩鮮蝦餃 $30大大隻摺摺分明，餡料鮮蝦彈牙有咬口，但餃皮懷疑蒸太耐淋曬，同埋都有啲厚，頗為失分。🍚土魷馬蹄肉餅飯 $27肉餅滑嫩，但份量真係頗少，食到下面啲飯已經冇曬肉餅送。鮮蝦腐皮卷 $28炸腐皮方面，腐皮炸得剛剛好，咬落口唔會成啖油。餡料方面，每粒都有半隻蝦。唯一不足份量偏少，價錢過於進取。鮮蝦燒賣王$29大大粒，豬肉魚肉比例均勻。燒賣皮唔會過軟，有杞子係面頭畫龍點睛都幾有睇頭。服務方面，樓面姐姐都幾快手，10分鐘之內就沖好茶落埋單，上點心速度都好快，密密食。4蚊一位茶錢真係難得地平！總體黎講，酥皮叉燒包係添好運生招牌，其他點心就不過不失，但如果要等位黎講我會選擇外賣個酥皮叉燒包哈哈哈！

限聚令下，2人8:00pm唔洗等位，直入入前有店員量體溫坐得好闊落，2人坐4人檯，超正狂點嘢食，點了10樣左下起：鮮蝦腐皮卷、酥皮叉燒包、粉果、晶瑩鮮蝦餃、鮮蝦燒賣皇、叉燒腸、豉汁蒸鳳爪、陳皮牛肉球、紅油抄手、鳳爪排骨飯～～～超瘋狂酥皮叉燒包，大推熱熱地，個面勁脆，包身軟熟餡料多，啖啖都吃到叉燒餡唔乾柴晶瑩鮮蝦餃大大粒，皮薄，多餡，粒粒有蝦鮮蝦燒賣王正常，大粒，成舊肉面頭粒杞子，唔知點解見到會覺得養生鳳爪排骨飯啲料鋪滿面，飯唔少，而且上桌時超熱加埋甜豉油，填肚一流陳皮牛肉球我唔吃牛，冇試但勁大粒有配口gip汁仲有其他點心冇特別影一嚟到就食2個人食10碟，飽到^o^茶錢$4@唔貴2人埋單都係$241

又一間米芝蓮推薦食店，難得經過添好運，有機會試一試當然不錯。係門口睇咗一陣有咩食物，猶豫緊食唔好個陣，店員就叫我地入去試下。環境而言，每張枱位置都偏細，坐得有啲逼。賽磅蟹春卷炸得好脆，不過略嫌炸皮有點厚。餡料係賽螃蟹蟹肉，平時比較少見，幾特別，蟹味都算突出。晶瑩鮮蝦餃皮幾薄，蝦肉都多，啖啖肉。豉汁排骨飯排骨幾入味，有陣陣豉油香，同白飯撈勻同食更暖笠笠。蜜味叉燒腸腸粉皮頗滑溜，叉燒都唔錯，整體正常。鮮蝦燒賣皇每隻燒賣上面有一粒杞子，幾得意。燒賣內裡饀料都幾足，肥滿飽美。

午飯時間，餐廳門口大排長龍，等候的人不少是慕名而來的遊客。等候大約半小時，便有二人位入座，過程算暢順。點餐紙的點心款式不算多，但有不少罕見點心，可見點心紙的設計大概精選了最受食客歡迎的菜色。兩個人的食量不算多，選了點心代表的蝦餃和叉燒包，果然沒有令人失望。蝦餃的皮比一般酒樓的薄，餡料亦新鮮，推介！更驚喜的首推叉燒包，熱辣辣新鮮即焗，算得上誠意之作！其他點心的味道不過不失，但特色之處是外間少見的懷舊點心，啱哂尋求回憶的味道！😋

閒時諗唔到食乜，於是就簡簡單單咁去添好運食點心。8點幾唔洗等位就入得，每次去食都會見到幾個金髮碧眼嘅外國朋友，大概就係米芝蓮點心嘅威力😂叉燒包係必食，薄薄一層酥皮，酥脆香口，唔會過甜，而且每一啖都食到叉燒。坊間比較少有，有試過係其他地方食墨西哥叉燒包，個皮甜到呢🤢哩個酥皮叉燒包簡直就係添好運存在哩理由😂糯米雞份量十足，煙韌嘅糯米飯配埋冬菇雞肉，十分飽肚！糯米雞好似都幾搶手咁，試過夜小小去就賣曬啦😢蝦餃不過不失，$28/3有啲貴。蝦餃皮偏厚，勝在入面大大隻蝦好飽滿。有d後悔叫咗奶黃包，因為見人哋啲相係流心嘅，而我哩籠不但唔流心，而且乾爭爭😫最後就係普普通通一個青菜，係出面食飯最驚冇蔬菜落肚，所以慣性叫返過補充下纖維。整體環境比較逼，特別今次坐角落位，坐得唔係咁舒服。個人覺得除咗叉燒包之外，其他點心唔算驚艷，但係為咗個包，我都係會繼續去食架😂

第一次嚟香港，同廣東親戚一同下來，也是第一次嚟添好運！仲早聞“添好運”米芝蓮嘅大名喇，唔算贵又好食，茶座費同點心價格總仲比廣州大多數嘅平，真係平民餐廳！呢個“酥皮焗叉燒包”真係好好食呀，里面D嘢還算挺多啦！還有呢個炒麵同呢個肠粉都唔錯啦！！最愛就係蝦餃啦！！！晶瑩剔透料又唔少！！！但係人真係好多好多，排隊排好耐哦……服務態度唔算太好，仲要繼續提高D！真D唔算贵啊，同親戚三個人好肚饥食了好多嘢，一才共使了220蚊！！下次嚟香港要再拉友仔友女一齊來食！！

這是久違了的點心店, 今日與家人茶聚。我們一行12人於12.00PM已到達點心店, 但依舊很多人在外面等位, 幸好只是等了半小時尚算快速。我們被安排到二樓的一間房, 房內燈光比較昏暗。這點心店已增至有5間分店, 更獲得米芝蓮一星餐廳 (2015-2016), 最優秀開飯廣東菜館 (2015), 最優秀深水埗開飯熱店 (2015), 所以難怪有這麼多客人捧場。先看看㸃心紙, 每位的茶錢$2, 㸃心有蒸點($13-$27), 煎炸點($15-$24), 盎頭飯點($14-$23), 弼品($18), 腸粉($20-$22), 甜品($11-$16)及飲品。我們由於人數多, 所以一共挑選了17款點心, 差㸃選了全部㸃心, 真是大堆頭呀!蒸點:晶瑩鮮蝦餃($27):皮夠薄而蝦肉被包裹得很扎實, 蝦肉爽口鮮甜, 蝦肉的份量尚算大。鲜蝦燒賣皇($27): 豬肉的比例比蝦肉多, 蝦肉的肉質爽口。豬潤燒賣($27): 蝦膠鮮甜爽口, 豬潤軟腍蒸的時間不會過久。古法燸米雞($27): 裡面的餡料有燸米, 雞肉, 東菇, 醬汁鹹味適中。豉汁蒸鳳爪($17): 鳳爪炆入味但略為腍。美味炆鮮竹卷($16):

晚上八時走入深水埗添好運想食下豬潤，坐下馬上點了蝦餃，豬潤燒賣，賽螃蟹春卷，油菜及黃沙豬潤腸。交了點心紙后3分鐘，除了豬潤燒賣及油菜，其他點心都上齊，我十分懷疑是否即叫即蒸。試了豬潤腸粉后有些失望，無乜豬潤味道。蝦餃依然足料但27元一籠好似性價比低一些，春卷炸得脆口但賽磅螚少了點，咬口少了些。唯一覺得維持水準是豬潤燒賣，玫瑰露及豬潤的味道依舊。感慨分店開多了，老店管理就難以為繼。

離開職場，可以在星期一的早上，十點半，避開了排隊時段，來到添好運，悠閒地吃個早餐。 先來一個最基本的，蝦餃是也。扮相不佳，一點晶瑩的感覺也沒有。 咬開始發覺，餃皮是有點晶瑩的。內涵又如何？足料。蝦的味道可稱得上是鮮蝦，份量亦飽滿。 再試一個非傳統點心，沙嗲牛肉煎包。一客三個，扁扁平平的，不會太飽肚。 饀料略嫌單薄，味道亦未見突出。16元三隻，不可強求了。 最後試一個介乎傳統與新派之間的點心，賽螃蟹春卷。賣相未見精緻，平凡得很。 饀料本身是好味的，但包在春卷內，不單只起不了協同效應，反而起了互損的作用。 埋單64，平民嗎？無此感覺。後話，用餐時，前後左右有洋人，大陸同胞等。剩下的本土人士都多為前來朝聖者，自己感覺像是遊客。

是日為小妹之農曆生日，要找間『好意頭』的食店來午膳，自然想到『添好運』；門外也有不少人，我們向店員取籌時，說只是兩位，她說剛剛有枱，不用等，可即內進 貴為米芝蓮推介食肆，店內店外也展出媒體的報導和讚譽 :座位是有點擠迫的！通道亦過窄！填交點心紙 :鎮店之寶，必吃之選！ 酥皮的口感有點像菠蘿包，外脆內軟，熱辣辣的，叉燒用料上乘，多汁鮮甜，超好味！飯粒軟硬適中，夠熱，肉餅質地鮮嫩，土魷不會過韌，馬蹄爽口。皮很薄，鮮蝦大隻，入口彈牙，相當不錯。芡汁過多，太油膩，餡料普通，略為遜色。煎得甘香，軟硬適中，不會一夾就散，加入蝦米及臘腸粒作餡料，更加入味，口感更佳！嗜辣的，沾些辣醬就倍添惹味！價廉物美，物超所值！

這兩年來，已去過深水埗添好運四至五次，幾乎每次都要取籌，排隊，久等，搭枱，坐得逼逼夾夾地吃點心；某個星期日，黃昏六點半，途經這裡，入座率竟然不足一半，可能未到常規晚飯時間，又或者多數人都不習慣吃點心當晚餐；哈！今次真的可以兩個人坐四人枱，在舒適寧靜的環境下，慢慢品嚐優質的米芝蓮點心

再上一次到添好運飲茶是帶台灣朋友來的, 已經有大半年時間了 ! 剛過了吃午飯時間 , 直接進去不用等位置 ! 店內依舊有本地食客, 跟遊客, 如果我是遊客能來到這裡吃東西一定很開心, 因為價錢不太貴, 又有本港的飲茶文化 !

今天又和女朋友大人出動, 在下午五時多才食午餐...女朋友說蝦和春卷貌合神離, 我覺得還可以。熱度不足...味道還可以。初試添好運的酥皮焗叉燒包, 是這一餐的亮點。他們說點心是即叫即蒸, 的確蒸籠上的是熱度十足。而其他(尤其是腸粉)我相信是預制的關係, 熱度還有可進步的空間。但總括而言, 還是比一般大集團酒家好吃。

男朋友見到添好運喺深水埗開咗分店, 諗住應該冇旺角等位等咁耐, 咪去食囉.呢度地方好大, 不過坐位就比較迫, 我地9:20去到, 諗住食幾樣先, 之後再叫, 點知亞姐話9:30截單, 要咩就一次過click晒, 冇計啦, 佢收10:00其實食物質素就好好, 不過服務就真係麻麻.我同男朋友同分別兩對食客坐長形六人枱, 我地坐最入邊, 初初我地碟蝦腸嚟到, 亞姐由最開邊個路口位叫我地個枱号, 佢完全冇諗過行入嚟比我地, 咁都算啦, 我男朋友未接實碟腸粉佢就準備縮手囉, 好彩個碟唔太熱, 接得實咋, 唔係中間位既食客就遭殃; 之後d點心分別咁到, 佢又係企喺最開邊叫我地枱号, 之後就放底籠點心喺中間張枱就走咗去, 中間枱位小姐都唔好意思硬住頭皮遞比我地; 其實我可以體諒佢地做生意既係地方淺窄, 不過唔係咁樣囉, 掉底d食物走行走去. 今晚所食之點心 (兩個人食8碟) 晶瑩鮮蝦餃: 冇乜特別, 不過d皮真係好薄. 欖菜肉鬆四季豆餃: 欖菜肉鬆四季豆呢味餸本身好好味, 不過做蒸餃完全唔夾, 而且好少欖菜, 唔夠味. 香滑馬拉榚: 好好味, 好鬆軟, 正. 花醀杞子蒸滑雞: 唔夠花醀酒味, 不過