影片
更多
2021-08-09
1142 浏览
蛋撻源自英國既Custard Tart，係一種以蛋漿做成餡料既西式餡餅，加入本地元素，變成中西合璧、好有香港特色既蛋撻。蛋撻不嬲都係香港人下午茶嘅美食，因為一件熱辣辣新鮮出爐既蛋撻，酥皮鬆脆，蛋漿滑溜，加上一杯熱奶茶，就可以抵銷港人半日嘅辛酸，但一件普通嘅蛋撻，點可以滿足到嘴刁嘅香港人。而鬆香既酥皮同香脆既曲奇皮，更加一直都係一班蛋撻迷既世紀大戰，各有所好。上次介紹咗長沙灣一間人氣高企嘅酥皮蛋撻，今次介紹嘅係人氣長龍老字號麵包店出品既蛋撻，好多明星都係佢哋嘅熟客。豪華餅店係一間喺九龍城衙前圍道同福佬村道交界既著名西餅麵包店，由1970年代開業，開業四十幾年，係九龍城區老字號，一講蛋撻係人都知呢間小店，長期人氣旺盛，高峰期每日可賣3000多個蛋撻。屹立接近半個世紀，大部分客人都係熟客，明星名人客唔小，周潤發、蔡瀾同蘇施黃都係熟客。要數香港最據歷史嘅麵包店，呢間絕對係其中之一，身為香港人嘅你，有冇去過幫襯過？麵包西餅品種非常之多，有多仲要係懷舊款式，好似有海綿蛋糕、花卷、三角朱古力，如果想重拾幾十年前嘅味道，呢度就啱哂。依度嘅招牌係酥皮蛋撻，每次小量製作，烘好即賣，酥皮薄而酥脆、蛋漿又滑又
豪華餅店係一間喺九龍城衙前圍道同福佬村道交界既著名西餅麵包店，由1970年代開業，開業四十幾年，係九龍城區老字號，一講蛋撻係人都知呢間小店，長期人氣旺盛，高峰期每日可賣3000多個蛋撻。屹立接近半個世紀，大部分客人都係熟客，明星名人客唔小，周潤發、蔡瀾同蘇施黃都係熟客。要數香港最據歷史嘅麵包店，呢間絕對係其中之一，身為香港人嘅你，有冇去過幫襯過？
麵包西餅品種非常之多，有多仲要係懷舊款式，好似有海綿蛋糕、花卷、三角朱古力，如果想重拾幾十年前嘅味道，呢度就啱哂。依度嘅招牌係酥皮蛋撻，每次小量製作，烘好即賣，酥皮薄而酥脆、蛋漿又滑又多，抵食夾大件。除左酥皮，同時提供曲奇皮蛋撻、葡撻，人人一買就買1-2打。
老闆兼糕餅師博有超過40年做餅經驗，對做西餅、蛋撻有堅持，着重用料，用料多年不變，好似發哥必吃既合桃蛋糕，用上美國合桃，口感同比較平價既中國合桃完全不同，食落爽脆；而提子包用既提子係澳洲貨，食落甜而不膩；仲有招牌蛋撻會用上澳洲麵粉做，非常講究。小店前舖後工場，大紅招牌相當醒目。呢度除左出名酥皮蛋撻，最廣為人知既就係發哥係呢度既常客，老闆娘話發哥係餅舖開業既第二年，即1979年已經開始黎，幫襯左足足40年，非常長情，除非去外地拍戲，如果唔係一星期黎一至兩次，通常都係朝早八、九時，呢家仲會經常出現。
當日係星期六晏晝去，大概二點半到，雖然未到人流如鯽，但每隔兩分鐘，就會見到有人行入去買麵包或者蛋撻。
店舖係傳統舊式老餅店，餅店突出，因為佢好搶眼既紅磚牆身、高掛既大紅招牌，1977年開業至今都無改變過。店面細，基本上只係可以比一個人入去落單玻璃櫃入邊係幾十款唔同款式既麵包蛋糕，一眼睇晒，好似瑞士卷、忌廉蛋糕、提子蛋糕、合桃蛋糕、班蘭卷、朱古力、曲奇、蝴蝶酥、雀巢蛋糕、合桃酥、豆沙酥、花卷、花生等，店內仲有啲小蛋糕、曲奇等。
店面既上方貼有名星食家係報紙、期刊推介豪華餅家既文章，好似有蔡瀾、蘇施黃等，傳媒包括有英文南華早報、蘋果日報等。 店面積雖然不過100平方呎，但廚房有12位師傅同時工作，麻雀雖小五藏俱全。
酥皮蛋撻
$9
47 浏览
1 赞好
0 留言
-
1️⃣ 酥皮蛋撻 💰9（👅: 9/10）
酥皮蛋撻
$9
36 浏览
1 赞好
0 留言
一個好食既酥皮蛋撻，我覺得首先皮要酥香鬆化，厚度要適中，酥皮與蛋漿的比例要恰到好處，食起黎先有層次感，因為酥皮太厚無層次，太薄又好易變實，承受唔到蛋漿重量，未係焗爐裏發起就已經比蛋漿壓扁。而蛋漿口感要滑，唔可以離邊，如果唔係有虛位既蛋漿食落會韌。蛋漿比例要適中，入口先夠滑同帶蛋香，如果蛋分量太少，蛋漿會過稀唔夠蛋香。蛋撻味道又唔可以太甜，如果唔係會搶左酥皮既油香。
酥皮蛋撻大細差唔多掌心咁大，睇落脤卜卜，個個都係色澤金黃色，酥皮比一般麵包舖厚好多，不過比起金園好似無咁多層，聞落好香牛油香味，羅上手足秤重料，價錢上來講$9一個，算係中高價，比喺金園茶餐廳貴一蚊。
一個蛋撻點好食法，凍都唔會係好食，而呢度嘅蛋撻會keep住出爐，而且買嘅人唔小，所以可以買到新鮮出爐嘅蛋撻，而且蛋撻會放喺焗盤上，保持溫度，就算唔係熱辣辣都一定係暖身，如果唔係即場食，一定要返屋企翻焗，因為凍咗嘅蛋撻，酥皮一定係腍身。
蛋撻皮好脆，酥皮睇落有好多層，入口鬆化，連個底都鬆化，層次豐富，有啲人覺得佢好油，我自己就覺得唔油膩，但會食到牛油香，要挑剔嘅係酥皮厚薄程度唔算平均，而且算焗得偏燶。
中間蛋心部份金黃色，聞落有蛋香，食落甜度岩岩好，帶小小蛋香，入口輕巧滑溜，蛋夠晒滑，因為店主不惜工本用貴價既法國忌廉，但唔會太薄身，同時間咬落有韌性，唔會入口即散，質地一流，食落唔油膩。成個蛋漿有厚度，同酥皮嘅比例恰如其分。
-
2️⃣ 曲奇皮蛋撻 💰9（👅: 8.5/10）
曲奇皮蛋撻
$9
60 浏览
1 赞好
0 留言
曲奇皮食落牛油味充足，咬落酥香脆口，
蛋漿豐盈，唔會有多餘既氣泡，蛋漿份量控制得啱啱好，而且烘焗時間都拿捏準確，蛋味食落香濃，但唔會過甜，即使係曲奇皮蛋撻都發揮得唔錯。
-
3️⃣⃣ 花卷 💰15（👅: 8.5/10）
花卷
$15
44 浏览
1 赞好
0 留言
花卷羅上手幾重同大舊，係一款用唔同既材料整成既懷舊小食，以牛油蛋糕質感為主，集唔同既蛋糕組成，好似朱古力蛋糕、斑斕蛋糕、牛油蛋糕、咖啡蛋糕、合桃蛋糕、提子蛋糕同忌廉。
蛋糕咬落質感濕潤，合桃令口感更加豐富，食落去牛油味比較突出，但同時其他蛋糕既味都食得出，係幾特別，而忌廉係鹹忌廉，所以食落係鹹鹹甜甜，忌廉會比較油膩，勝在份量唔算多，不過一件花卷唔細，一個人食哂會有小小濟。
-
🌟九龍城一直都唔係大家常去既地方，因為交通唔方便，呢度無大型商場，以前要特登過黎買蛋撻確實要好有恆心，不過而家屯馬線開通左，去九龍城唔再嘅夢想，呢家既九龍城除左係泰國菜、越南菜林立既地區，仲開左唔小適合輕鬆一下既CAFE，唔再係一個舊區。
酥皮同曲奇皮蛋撻我同樣鍾意，如果你係蛋撻迷，但無黎過呢間40幾年歷史既老餅店，確實枉為蛋撻迷。值唔值得特登黎一試、甚至買一打蛋撻迷返去，就視乎你對蛋撻既熱愛程度。
店主同佢老婆都已經踏入70、80歲，二人鎮守餅店40幾年，由後生做到老，仔女都已經長大成業，雖然已經白髮蒼蒼，長年站立做餅令到雙腳唔好，但佢地都堅持唔退休，為左保住豪華餅店既40幾年金漆招牌。唔知幾時可能無機會再食到呢間歷史悠久既老餅店，如果你鍾情於懷舊西餅，咁呢間可以令你重恰舊時既味道，如果你想跟隨發哥既足跡，可以黎呢度一嚐發哥最鍾意食既蛋撻同合桃蛋糕、會買返去比發嫂既菠蘿包同雞尾包。
-
👅味道: 9/10
🍴環境: 6.5/10
💰消費: $33 (服務費: NA)
张贴
