外灘拾號 (已結業)

以往係上海食既上海菜真係好好味, 但香港唔係好多地方食得到, 友人有次經過見到"外灘拾號" ，個名咁勁, 裝潢又有番咁上下，就約大家試試菜, 點知, 用外灘的價錢，食物質素卻...當中唔好味多過好味，可能我地叫錯餸啩，我地五個人都叫左唔少菜，四個前菜,一個主食，三個主菜, 一湯一甜品，大家越吃越失望, 食到甜品簡直想叫"回水"!!!前菜:馬蘭頭百葉卷 - 賣相好靚，馬蘭頭都有好濃郁的青草味，可惜好似岩岩係雪櫃拎出嚟，冰涷既，如果係室溫會好D~ 雖然話係涼菜，但唔係冰菜吧?2. 本幫脆鱔 – 一般般啦~ 友人認為炸過龍~3. 四喜烤麩 - 我已經唔記得烤麩係點既味4. 蔥油海蜇頭 – 這個海蜇頭係$88!!! 但份量只有烤夫咁大碟…青瓜多過海蜇頭，海蜇頭零零碎碎的…好似用剩餘的撈埋一碟, 真係十分過分…過分到我唔記得影相…主食:-蔥油拌麵 - 太油, 太咸, 太淋…sorry 我唔應該用上海既來比, 但我係上海食既RMB18蔥油拌麵, 份量大大的，味道好好，甚至香港及台灣既同事們會再ENCORE 的~!~! 太太太太失望喇…其實都唔係碟碟都唔得, 個湯同兩個主菜味道還可以接受既。就係:-

最近食晏食到唔知食咩, 朋友介紹下認識左外灘拾號!等左唔係好耐就有得食.我地兩個人叫左花雕醉雞,本幫脆鱔仲嗌左碗外灘蒙牛刀削麵一向對花雕頭盤好有要求, 皆因我是FANS!花雕醉雞最緊要係入味, 而外灘又做到喎!(當然冇醉到番唔到工) 味道不多不少而且抵食, 呢碟我地由頭食到尾都仲食緊!再來本幫脆鱔, 為左就我同事, 唔食鱔0既我都試左試.個色深左少少但唔腥亦唔會好咸, 仲要脆脆唔覺唔覺食左好多!P.S.佢冷盤其實唔算平但真係多同其實好抵食! 比起其他連鎖真係冇得比喎.讚!!食左碗牛刀削麵(由於太趕食就無影相), 兩個女仔午餐食其實都幾夠,我地選刀削麵因為出面好少有得食, 個湯又係濃濃牛味. 真係飽到無朋友!最後食埋高力香蕉豆沙, Perfect Lunch!香蕉唔係好濃, 反而咁就食到香蕉同豆沙味道. 好喜歡, 堅持食左兩粒!大家去呢間食LUNCH應該星期一去食, Blue Monday食完包令你變成Happy Monday! 

今晚一家5口出街食晚飯試新野，接完媽咪放工係長沙灣廣場行過去。店內裝修好靚又好舒服。叫左上湯菠菜，脆鱔，小籠包，內蒙雪花牛肋骨同賽螃蟹上湯菠菜，除左上湯仲加左D金蒜和金華火腿，好夠味，一D都唔單調。本幫脆鱔，以前未試過食，食落去好鬆脆，乾身,醬味濃，每條脆鱔外表都包圍著D醬好平均, 味道甜中帶酸, 沒有泥味, 送酒一流。小籠包 : 熱辣辣，皮薄餡正，勁多肉汁，不錯。內蒙雪花牛肋骨 : 成條牛肋骨甘上檯，好靚。未食以為好肥好膩，食落D肉出奇地腍，又好入味，冇咩肥既感覺，點埋D醬黎食冇得頂，送飯一流。最後一味 - 賽螃蟹，蛋白炒得好滑溜，蛋白亦好香，好好味。

香港的租金昂貴，不少食肆因此進駐了工業區。九龍灣工商業區，現已儼如一個新興的美食天堂。另一邊廂，在長沙灣、荔枝角一帶，亦愈來愈精彩。某個周末下午，來到長裕街的「外灘拾號」午聚。這間裝修瑰麗的上海菜館，在無華的工業區裡，份外明亮。長裕街一帶平日熱熱鬧，今天卻無比寧靜。其實我蠻喜歡周末的工業區，沒有嘈吵的聲音，也不用排隊等候入座，可以放鬆地享受午後時光。　外灘拾號的裝修頗精緻，傳統之中有摩登的味道。一進門便見到偌大一個酒櫃，充滿時尚感的金屬四葉草吊飾引人注目，亦有古典味濃的陶馬擺設。座位方面，有圓桌、卡位，以及私人廂房，椅子全都是皮造的。而今天我們幾個朋友，被安排在一張大圓桌就坐。　這次午聚，我們點了一些前菜，以及服務員推介的一些菜色。先說說前菜，最早上桌的是「花雕鴿」。淺淺的花雕酒香，濃淡得宜，不會喧賓奪主。搭配乳鴿，跟平日常吃的醉雞比較，味道各有千秋，但鴿肉就多了一分嫩滑。　一向很喜歡「馬蘭頭百葉卷」這道上海前菜。有朋友問，馬蘭頭是甚麼？其實它是上海的一種野菜。加入麻油等調味料後，甘涼之中滲透陣陣清香，十分爽口。雖然只是簡簡單單的小菜，卻很美味。　不少上海菜館都能吃到燻蛋。外灘十號在傳