阿里山 (逸酒店) (已結業)

「古早味」食就第一次食，但聽就聽得多😌in general 就係用傳統製法，比海綿蛋糕sell口感更綿密、蛋味更重的蛋糕。但Jenny就係中意越級挑戰，試試打卡-able朱古力味！𝙁𝙤𝙤𝙙🍫朱古力古早味蛋糕 $85面頭有啲朱古力粒同花紋，幾靚仔😙蛋糕又勁大份，迫爆咗成個盒😆由於Jenny去到咁岩新鮮出爐，拎上手仲暖笠笠😍蛋糕氣孔細而且密，的確比一般海綿蛋糕更軟更濕潤。切開時滿滿嘅流心朱古力，證明佢唔係淨係擺幾粒朱古力扮野🤎而最開心嘅係，佢係真·朱古力😍😍唔係用朱古力粉或者假朱古力，所以食落去朱古力味夠香夠濃，更加有黑朱古力嘅微苦😱正野！Jenny一路食一路停唔到咁享受，連朋友都不斷confirm佢好好食🤤呢間絕對係Jenny會回頭嘅店，聽老闆講之後會喺銅鑼灣開分店，整埋印仔卡買滿10個送一個蛋糕。Jenny覺得今次真係會做有腳嘅雀仔儲印仔🤣(@hungry_meanjen)好食到忍唔住幫它影左輯靚仔相🤣食過嘅朋友快啲介紹Jenny試咩味好🤤

每次經過古早味蛋糕店舖，都會聞到濃濃既香氣🤤今次去到紅磡逸酒店地下有間新既古早味叫阿里山，當中有比較少見既榴槤、日本柚子蜂蜜同抹茶紅豆味，價錢大約$70-$100，同出面其他店差不多，見到店員新鮮熱辣切開一件件蛋糕，非常誘人食慾店內有試食區，店員非常有禮貌，好熱情咁介紹唔同味道同埋切蛋糕比我試🥰每一件都切好大件比我試，好大方🤣－－－－－－1. 朱古力古早味蛋糕 $85 7.5/10一打開見到蛋糕花紋真係心心眼😍好靚好多朱古力豆灑在上面，沒有塌陷同開裂，口感軟綿綿鬆化，有濃濃的蛋香味，而且濕潤而不黏口，不過我覺得朱古力過甜🙈因為蛋糕本身已經有甜味，再加埋朱古力會甜上加甜，如果調校到85%濃度會更佳👍🏻切開中間，有部分有流心效果，如果中層鋪上多點朱古力漿，味道會更濃郁