李好味 (已結業)

平時行過見到個招牌同名LEE LO MEI已經覺得好搞笑，今次終於有機會同朋友一齊黎試地下有個好大既BAR 岩哂HAPPY HOUR飲野，不過今次我地食飯就坐樓上佢地連MENU既名都好搞鬼，好有創意「正腸粉腸粉正」地道既香港腸粉 跟埋隻半熟蛋可以拮穿個蛋黃撈埋黎食好好食 食到停唔到口 推介必食!「李鹵味」名副其實既鹵味拼盤，我自己唔太好鹵味，覺得一般，但朋友不嬲中意食鹵味就都覺得唔錯 「蟶子駕到」成碟都鋪滿蟶子，仲有一粒粒既炸豆腐 ，辣辣地幾惹味，送酒一流，望落份量好似好少但都有好多蟶子肉「金毛獅球」獅子頭配窩巴，呢個都唔錯，但相比其他野食就唔係特別突出Menu仲有好多野想試但今次試唔哂，見好多人都有推介李小龍蝦下次有機會一定會再黎試地下個Bar有個好大既logo同半露天位，打卡一流

之前外國朋友來港問我中環有邊D餐廳好食，偶然發現到呢間港味十足嘅餐廳，結果自己都忍唔住嚟試！餐廳分上下層，下層飲嘢多，我哋用餐組所以去咗上層，呢度反而更似以前大排檔，連餐具都好懷舊呀～～～乒乓菠 $118呢度Ｄ菜單名都好搞笑，唔睇介紹都唔知係甚麼來的，見到係菠蘿乜乜乜即刻叫，原來係菠蘿包burger，裡面仲有成塊好新鮮好甜嘅菠蘿，同好飽滿嘅漢堡一齊食，就好似廣告咁一咬生果汁肉汁同時爆發，李好味炒飯 $208就咁睇都已經睇得出炒飯包含多種食材：蟹肉﹑蝦﹑帶子，飯粒係比較扁身相對有咬口，炒飯都炒得好乾身唔會漿住曬，加埋適當嘅調味，令海鮮鮮味充分凸顯！老魷鬼鬼 $148每件size製作成一口大細，方便一啖入口，外層炸得夠酥脆，放耐咗都唔會淋曬，裡面釀咗法國魚子醬同墨魚滑，所以口感同一般鬼馬油炸鬼有分別，味道更濃郁。正粉腸。腸粉正 $108腸粉炒過之後依然滑溜，醬汁好均勻咁掛在每一條腸粉上，唔會太油，加埋半熟荷包蛋一齊食口感更加豐富，隻蛋真係錦上添花。扮上菜 $108 用煲上嘅炒菜我都係第一次見，咁反而可以keep得住菜嘅溫度，菜有少少油容易入口亦好夠味，新鮮又爽口唔會變一陀，記得要叫蒜蓉呀。