日喜樓 (已結業)

公司同事聚會, 同事建議到銅鑼灣日喜樓食京川上海菜, 地點亦很近地鐵站, 交通都幾方便。日喜樓設於V point地庫, 環境開揚, 有好幾張大圓檯, 岩哂約埋三五知己食飯聚一聚。晚市茶位每位$12, 沒有前菜等額外小費餐牌上食物款式多, 仲有每月精選優惠, 今個六月其中【雲呑雞 半隻】HK$98 份量絕不可睇小! 呢個份量足夠6-8人, 大約有6碗, 雲吞亦有六粒, 皮薄餡甜, 湯呈奶白色, 極之清甜, 侍應協助將半隻雞拆骨, 雞肉很林, 容易撕開, 不過唔太嫩滑, 湯中另有小棠菜, 盡吸湯底, 整體個湯味道係唔錯, 飲完亦唔會狂飲水, 唔係味精湯。【四川擔擔麵】HK$58擔擔麵較細碗, 湯底紅卜卜, 初初食唔算太辣, 但擔擔麵慢慢吸左湯底味道, 愈食愈辣, 當中有肉碎, 更食到淡淡花生醬香, 麵質很滑, 帶點彈性, 唔會一pat pat。【杞子花彫醉雞】HK$78醉雞很鮮嫩, 雞皮不帶雞油, 質地嫩滑, 浸得入味, 有陣陣花彫酒香, 酒香得黎不帶澀味, 唔錯!【四川紅油抄手】HK$78抄手皮厚薄剛剛好, 餡料豬肉鮮甜, 抄手淋上甜豉油同埋少許辣油, 味道甜中帶少辣, 同時亦加左蒜蓉同

同好耐冇見嘅朋友約食飯， 想搵一間環境比較安靜的餐廳傾計，由於個friend比較鍾意食中式小菜，而我又想試下D創新野，所以我地決定係日喜樓吃晚飯，餐廳同地鐵站都算近，要行大約5分鐘，而餐廳門口裝修以黑色為主調，並以白色燈牌作點綴，比人一種創新科技感，反而店內既裝修則比較柔和，以米白色既燈光配上有質感的枱櫈，創新感依舊，但就多左温暖既感覺。杞子花彫醉雞($78) 頭盤先刺激一下味蕾，食下D開胃菜。先試杞子花彫醉雞。雞肉先以白灼烹調，再泡上黃澄澄的花雕酒。切雞口感鮮甜滑嫩，沾了酒味道略微苦澀，不過有小小甜嘅杞子，反而突出了雞肉鮮香，變得容易入口。咕嚕肉($108)除左醉雞之外，仲想食多份開胃菜，咁就選擇咗食咕嚕肉。D醬汁甜甜地，又唔會太酸。肉塊淋完金黃色嘅醬汁都仲係好脆皮好香，加埋一齊勁開胃。黑松露天椒炒蛋($88) E個炒蛋一放上檯個時，我已聞到香濃嘅黑松露嘅香味，一聞就知松露品質靚又炒得好。食落去有松露香又好惹味，好好食。四喜臨門($58) 小籠包用不同的食材製成包皮，做出不同味道的小籠包。有原味、蒜香、九層塔及茴香。隻隻小籠包嘅顏色都唔同，搭上湯汁令味道出現不同層次。超正。北京填鴨

呢間餐廳既一個主要賣點係有百碟宴食，好似好正咁😍如果揾到咁多人一齊去我都想試下😛餐廳係銅鑼灣登龍街，地點方便不在話下，裏面環境寬敞光猛，裝修都幾high class，座位闊落，感覺都好舒服😊最初以為用ipad點菜，原來ipad只係用黎睇餐牌🤣茶芥$12位，我地揀左普洱，比普通酒樓飲到既好飲👍🏻.🐥杞子花彫醉雞 醉雞既份量唔少，肉質都幾滑，食落有淡淡既花彫酒味，加埋幾粒杞子，甜甜地，味道唔錯！.🦐乾燒蝦球配鍋巴底 (四件)蝦球好大隻，肉質彈牙，加上沾滿甜甜地又辣辣地既醬，好惹味🥰而鍋巴底仲有驚喜🤩原來撈左鹹蛋黃炸架💕鹹香味十足而且非常香脆可口。呢個餸可謂色香味俱全，全晚最讚👍🏻.🦆北京填鴨(半隻)而家做緊優惠，半隻北京填鴨只係$159😉半隻份量都好多😆皮薄得黎好香脆，肉質幾嫩，有小小位置偏肥，但都唔算好油膩。平時食到最後一定會唔夠薄餅皮，但呢度有12塊咁多😂最後竟然係有皮淨🤣🤣但食到一半個皮凍左就開始硬😣由於個人唔食京蔥，所以我只配青瓜同烤鴨醬☝🏻.日喜灌湯小籠包 (四件)熱辣辣既小籠包食落鮮甜多汁，皮薄但完全冇穿，輕鬆將佢夾起😬值得一試👏🏻👏🏻👏🏻

同媽媽食輕量晚餐，我媽媽喜歡食中菜，所以我們選了這間方便就腳的上海菜。在登籠街地庫，好易找因有大大個招牌寫著。落了電梯，有一個個特色小圓椅子，設計都好特別好雅緻，裝飾以花花大自然及圓型的鏡子。地方好寬敞，更有獨立房間讓一班客人可以有私人空間傾計享受；另外也有大廳位置，坐位有圓枱及梳化位，好舒適又休閒的風格，令客人可以慢慢好好品嚐美食及分享！。全無添加的手工菜用上Tapas小碟方式呈現，配合自家研製的中式雞尾酒及雞尾茶。更有出名之首次獨創「百碟宴」，將傳統京川滬菜製成Tapas小吃，每席足足100碟，滿足視覺享受之餘，還可一次過嘗試44款涼菜、熱菜、經典京點及甜品菜式。餐牌是用電子ipad, 分了不同種類，有涼菜、京菜、主菜、甜點等等，更有廚師推介！菜餚顏色豐富又靚的圖畫！地方乾淨整潔，好靚一套的餐具及碗，好高級！1. 杞子花彫醉雞：花彫好香好濃郁，杞子擺放成花花的樣子，好有心思！醉雞份量唔少件，雞唔會好肥，肉滑又入味，雞皮好薄又凍凍口感又彈牙，正呀！日喜灌湯小籠湯包，熱辣辣蒸起，好薄薄的皮又好有技巧的有好多摺，湯汁好多包在皮中，肉香又滑，配上香醋及薑絲更出味又中和了油膩味！必點之選3.