古今二 (荃灣千色匯I)

营业中

休息中

今日到荃灣行街，哩間餐廳bookmark咗好耐，咁來試試啦。今次揀咗忘不了你，東京爆脆，琦玉網燒牛舌同雜錦天婦羅。雜錦天婦羅送上來熱笠笠，有蝦，日本甜薯同秋葵釀蝦滑，份量都算大，蝦都有3隻。哩間天婦羅都炸得幾有水準，表皮好酥脆，面衣好薄身，唔會吸咗好多油，食完都唔會覺得油膩。蝦肉好緊實q彈，食落沒有雪味， OK。最好味喺秋葵釀蝦滑，估唔到蝦滑同秋葵可以更夾，食落好驚喜，真喺想食多幾件，正。琦玉網燒牛舌叫咗細份，得5件牛舌。不過牛舌喺厚切，成件差唔多有半個手掌大。牛舌燒得啱啱好，表皮帶點焦香，裡面好幼嫩，點落搭配啲酸汁，真系好滿足。哩一份牛舌只要58hkd，真係勁抵食。忘不了你真係好有特色，最上面喺芒果，中間夾咗炸和牛，仲加咗3種口味啲醬汁：芥末醬，沙律醬同照燒汁。每一啖口感都好豐富，酸甜啲芒果加上炸和牛嘅酥脆口感，真係一試難忘，好好食。東京爆脆都幾有特色，飯糰中間喺炸過啲蟹柳同吞拿魚，食落好清爽，唔會覺得好油膩，一次過食咗蟹柳同吞拿魚，抵啦。最後埋單唔夠360HKD，以哩嗰價錢同擺咗更多心思落去，真喺超抵食！

約咗老朋友飯聚 選址在朋友推薦的店Fusion日菜「古今二」 主打創意料理木系清新風裝修配上電燈泡 感覺唔錯牆上有明星合照媒體報導 似乎幾出名食物選擇多價錢合理又好味 擺盤幾靚卷物有創意配搭有層次 應該會再翻兜 -🐾龍捲風沙律🐾 $68超大一盆三至四人食都夠食 超級抵玩生菜上面 係滿滿嘅蟹籽蟹柳中華沙律撈勻後啖啖有餡 食落清新爽脆有口感-🐾茄子燒🐾 $35茄子以日式醬汁燒 再灑上脆身櫻花蝦軟滑又香口真心勁好味 燒茄子控必試-🐾網燒牛舌🐾 $48厚身牛舌燒得啱啱好 軟嫩唔韌有咬口點埋醬汁更惹味 份量都抵食有成六塊-🐾卷物｜富士山🐾 $88餐廳名物之一 係牛油果蟹柳鰻魚卷物蟹柳成座山咁高好澎湃 餡料啲味好夾再灑上脆片口感味道都好正 值得一試-🐾卷物｜東京爆脆🐾 $88以米飯捲著吞拿魚 再捲著香脆炸蟹柳面頭加上沙律醬灸燒 脆卜卜帶點焦香-🐾三文魚頭湯鍋🐾 $88奶白色鮮魚湯底裏 有大大個三文魚頭仲有豆腐同娃娃菜等 魚肉多仲幾嫩滑頗濃郁偏咸少少 份量好足夠幾個人食-

終於試到呢間bookmark左好耐既創意卷物古今二😍由係觀塘開店後就開始大排長龍 宜家銅鑼灣同荃灣都有分店啦😋今次我地就去左荃灣店 平日8點幾好快就有位💁🏻‍♀️.🎈富士山 ($88)呢個富士山既外型真係非常吸引🤤🤤🤤有一大堆蟹柳係卷物上面😋而且仲加左啲脆片增添口感 (就係洋蔥味薯片🤣)卷物包住既係鰻魚同牛油果 基本上都係唔會出錯既組合😋.🎈東京爆脆 ($88)呢一款卷物係肉眼可見既多功序 好有層次🧐係最內層既係蟹柳 用紫菜同吞拿魚包住做成一個小卷將小卷用天婦羅既方法炸脆後再用紫菜同飯包住除左醬汁外仲灸燒過個卷物 所以一上碟就好香🤤.🎈龍卷風沙律 ($68)呢個沙律可以話係好有誠意🤣一上碟既時候我地都比佢嚇一嚇 個份量真係好誇張🤣最頂除左有大量蟹柳之外 裏面仲收埋左d中華沙律.🎈網燒牛舌($48)牛舌燒得非常香脆 面且品質係非常肥美 咬落爆哂汁 💦 口感爽脆 點埋柚子汁剛剛好可以去除油膩感👍.🎈牛肉壽喜鍋 ($138)值得一提既係牛肉係肉眼位 好好味又唔會太un😋仲有好多蔬菜豆腐 同埋一隻生鷄蛋👏👏好似食極都仲有🤣🤣🤣性價超高

千色滙3樓嘅開揚店鋪，因為見到樓面姐姐笑容好好而吸引我入去。因為太餓啦，好快就發板叫左👇金龍卷：其實即係三文魚炸蝦反卷🤭炸蝦是脆脆的，食到最後一件都無淋，雖然唔再熱，但仍是脆的👍👍東京爆脆：呢個賣相唔吸睛，但非常推介，外面有紫菜包住，又有咁多醬汁，究竟點解可以仲脆過個金龍卷嘅呢，我好好奇咁拆開黎睇，發現個結構堅係用心，真心難做，抵佢咁好食😋😋😋龍卷風沙律：同一般嘅蟹籽沙律好唔同。除了蟹柳絲，蟹籽，仲有中華沙律，同埋生菜無切絲，係一片片的，我覺得口感更好。最特別嘅係，唔係單用沙律醬，食落去有少少微辣，味道更豐富😋😋😋茄子燒：一般茄子都會勁油，同埋大量蒜茸，多到都唔知食茄定食蒜。古今二用左櫻花蝦皮做toppings ，除了補充鈣質，更能提鮮😋😋😋三文魚頭湯鍋：正常味，唔腥😎但cp 值勁高，大大個魚頭，紹菜也是滿滿的，食唔完🤣🤣⋯⋯如果中意飲湯嘅值得試試。

收工後同男友出左荃灣買野兼食晚飯，用openrice搵附近餐廳果陣見到呢間古今二，醒起咸豐年前同朋友慶祝生日好似去過觀塘分店，印象中唔錯，所以就試下荃灣呢間😙我地叫左我最愛既雞泡魚乾😍 另外仲有網燒牛舌，東京爆脆卷物同埋牛肉壽喜燒～雞泡魚乾都幾大塊👏 燒得好靚，唔會太燶，唔會太乾身，亦都唔會太甜，好好食😋網燒牛舌厚薄適中，幾爽口，亦都好juicy，同平時食開比較乾身既鹽燒牛舌好唔同😁東京爆脆既餡係吞拿魚同蟹柳，吞拿魚好新鮮😆壽司飯好香，粒粒分明，食落有脆脆地嘅口感，好味！🤤牛肉壽喜燒好大窩好豐富😍 有雞蛋，牛肉，娃娃菜，豆腐，菇，薯粉，鮮冬菇等等😙牛肉肥瘦均勻，啲配料索晒個鹹鹹甜甜既壽喜燒湯底好夾好爆汁，尤其係鮮冬菇，娃娃菜同薯粉😋下次要再試下其他卷物！😆😆選擇太多兼樣樣都好吸引😍

今日行街見到想食壽司，就去左呢間食。橫剛力士龍蝦卷🦞：波士頓龍蝦、鰻魚、蟹柳、芝士、牛油果、青瓜超級超級出色，牛油果配上壽司真係好少見，加埋芝士同其他野口感好豐富同埋味道好有層次。東京爆脆🍙：吞拿魚、蟹柳著巨量餡料唷😍，米飯捲著吞拿魚，吞拿魚又捲著蟹柳，最後吱上芝士醬灸燒，師傅捲卷物的力度得宜，不會令飯粒太過鬆散金龍卷🍘：三文魚、炸蝦、芝士天婦羅炸蝦卷唔會淨係得炸粉🍤三文魚加咗沙律醬放喺面好好食😋牛肉壽喜燒🥘牛肉好大塊，雖然唔係入口即溶，不過就好重牛肉味，而且壽喜燒好入味又好大鍋。配料好多，再加上鍋底有粉絲，相當飽肚。日式豬頸肉串燒🍢咬落爆汁，勁juicy，而且新鮮上枱好香好爽口，肥肉同肉比例唔錯。黑豚荔枝卷串燒🍢荔枝串燒真係比想像中有驚喜，豚肉嘅肥膩感比荔枝嘅甜度中和左，好夾。Overall黎講都幾滿意，價錢都算okay，下次有機會再試下其他野食。

男朋友今晚荃灣打波，心血來潮想食日本嘢，就搵咗呢一間有幾間分店嘅餐廳！（一直聽聞佢既卷物好出名)。職員一放低個餐牌，我足足睇咗15分鐘先揀到食乜嘢～龍捲風沙律見到係餐廳熱門菜式之一，嚟到真係俾佢嚇親，好大份。裏面除咗有好新鮮嘅沙律菜之外仲有蟹柳、蟹、中華沙律、加上少少辣嘅沙律醬，真係好完美嘅配搭。東京爆脆菜單寫餡料係吞拿魚同蟹柳，加上燒溶咗嘅芝士醬，但食落明顯加咗吉列脆片，增加左口感，同埋一件相當大舊！金龍卷 餡料為三文魚同炸蝦配芝士醬，卷物做得相當精緻，大小平均，飯粒仲加咗黑白芝麻，明洞米飯更有麻香。網燒牛舌牛舌燒得恰到好處，有油花既香，仲要有一定嘅厚度，點上餐廳配上嘅醬汁，不失為一道出色嘅燒物。牛肉壽喜鍋牛肉超級大片，湯底就咁飲覺得偏甜咗少少，但滲落去每一樣配料就更加覺得入味，配料多得誇張，有娃娃菜，豆腐，蛋，冬菇，金菇，洋蔥，仲有粉絲添！$138來講算係性價比唔錯。總括而言，星期五收工食到餐好，真係好幸福！