Goobne Chicken (V Point)

营业中

休息中

這間韓國烤雞店一直都很喜歡食，今晚黎到這間位於銅鑼灣的分店，除了食野仲要食景。餐廳位於大廈的25樓，所以可以遠望到維港夜景。餐廳座位都幾多，而且也有不少韓國人在工作。知道餐廳出了一個新的菜式，所以便點來試試。UFO Fondue($258)，這款食款式是有3重芝士係鍋中間，然後熱溶再點雞食!芝士控的我食得好開心，芝士本身味道很足夠，唔會好淡，溶左之後可以做拉絲的效果!烤雞可以選擇兩種味道，而今次就揀選了蜜糖味及BBQ味!蜜糖味味道夠淡，但配上芝士一齊食非常惹味!而BBQ味本身醬汁已經好好食，所以就算唔點芝士醬食也十分出色!鐵板泡菜煎餅($108)，一直都好中意食呢款泡菜煎餅，而這裡的煎餅煎得脆口，唔會好粉，而泡菜令到煎餅味道酸酸辣辣，十分開胃!砂鍋魚蛋/魚片鍋($150)，食完重味野飲返個清清地的湯最好不過。這個湯有很多魚片，還有一些豆卜之類的食物，全部也是吸湯的。湯很清甜，如果可以再多少少胡椒粉會更加惹味!藍橙沙冰($58)、柚子沙冰($58)，藍橙沙冰味道較甜，但也易入口，能解渴。柚子沙冰味道較酸，飲完非常開胃!總括黎講，食物及環境都不錯，會再跟其他朋友黎再食!

這間炸雞店一直也很想試，看到推出了新菜式，今天把心一橫帶家人來到這裡試一試!餐廳佔了全層，坐於近窗的位置還能眺望維港景色，令人心曠神怡! 座位之間的空間感很足，完全不會覺得狹窄，很適合聚會聊天呢! 食物選擇真的很多，花多眼亂；既然推出了新菜式，我們決定一試新推出的菜式，另也點了一些大熱的款式呢! 慢煮雞胸肉沙律($128) 是新推出的冷盤，份量比想像中多呢! 有海蜇，青瓜，蟹柳，蘿蔔等。雖然是雞胸肉，但肉質不會鞋口，加上柚子醋汁酸酸甜甜，清新開胃，作為前菜是一個很不錯的選擇呢!蟹籽沙律醬芝士雞蛋卷($128)相當吸引! 厚厚的雞蛋捲裡包著chedder&mozzarella cheese，一切開就看到半流半稠的芝士，令人垂涎三尺；芝士鹹香與蛋香完美的交融，真的很不錯呢! 芝士迷不要錯過啊!蜜糖香滑烤雞($205)是重點的新菜單! 烤雞份量十足! 外皮燒得香脆又帶點鹹香，雞肉嫰滑多汁；蜜糖醬很香甜，點上雞肉吃更甜美，個人相當喜歡呢!海鮮煎餅($118) 配料有蝦，魷魚，香蔥等，煎得好香口，又脆卜卜! 煎餅的蘿蔔絲很足料，與餅皮融合一起爽口之餘又有煙韌感，很不錯!以上新菜式以外，我們亦點了

自從銅鑼灣嘅 v point 起咗之後多咗好多餐廳選擇，呢日嚟搵朋友食午飯就跟佢嚟食著名嘅烤雞～一嚟到就俾呢度開揚嘅景色吸引住，仲要咁啱有窗口位坐，一路食一路俯瞰成個香港島，真係以為自己食緊高級high tea~雖然只係用最簡單嘅材料都好好味，而且勁多芝士，用嘅 mozarella cheese 較淡味，同時平衡返午餐肉同泡菜味道，只是好快凍咗，同埋食落就較乾。烤雞可以揀 half&half，一次過試兩種味道～比起炸雞，我更加欣賞呢度烤雞嘅做法，較健康之餘又不失脆感。呢度更是貼心噉提供咗手套同夾子，好讓我地可以盡情食雞～即使係 half half 但份量絕對唔少，果味蒜香味嘅味道清香，有陣陣檸檬/橙香；而黑椒都唔錯，但可以再辣啲就會更惹味～我仲叫咗杯柚子沙冰，清甜又涼透，係解暑嘅好飲品～

友人推介呢間餐廳，坐得舒服同食物質素中上入到去環境十分闊落，友人帶住bb連車都好方便安排了坐窗口位，落地玻璃見到出邊觀景，雖然見到好多大廈，但餐廳位於25樓，望到個夜空同海景都幾舒服而且座位都舒適，每張枱的距離唔會好近一坐底當然叫杯野飲解渴先柚子沙冰好重西柚味，味道較酸，但適合食左好多肉之後飲消滯另一款藍橙沙冰(香橙+糖漿)，冇乜橙味，糖漿較多所以較甜，飲得多會有d膩一行4人叫左4款食物加4杯飲品，十分飽，連加一大約$1,000烤雞就叫左果味蒜香拼甜辣烤雞雞肉烤得乾身，肉質嫩口，每一件雞唔會太大舊，外皮脆身，醬汁完全掛起雞上，又唔會好油膩既感覺個人上比較喜歡果味蒜香烤雞，醬汁較濃(本人比較重口味)味道似醬油雞但帶少甜味，但蒜味就欠奉甜辣烤雞，甜味中和辣味所以唔太辣，不過會愈食愈辣(係小辣個隻)之後再叫個芝士BBQ醬燒豬肋骨豬肋骨燒得十分淋身唔會乾，好嫩口Bbq醬好濃郁惹味，甜甜地中帶d辣味底下仲有好多芝士，芝士味香濃，會有拉絲的卷埋豬肋骨一齊食，更有層次感再叫左個芝士泡菜炒飯芝士味濃，伴勻後一齊食好惹味又唔會好膩，泡菜唔太辣，係鐵板上攪拌更乾身入邊有好多菜，十分健康最後再叫左個砂鍋魚糕

同事講開快到韓國旅遊，令我回想上一次去首爾已經5年前。放工後即刻出走香港坐飛機見韓妹，回味一下韓國美食. 網友指這呢間炸雞好味又有靚景，25樓望住維港食炸雞，真係第一次！好relaxing !同太太黎，點左人氣咖哩蜜糖烤雞（with bone)。香噴噴既咖哩香味十足，有d似合味道杯麵咖哩味，有日本咖哩香，有蜜糖既甜，不辣，仲有芥茉漿點。 重點係雞皮烤得很脆很簿，不食雞皮怕肥的太太也豁出去！雞肉仍然細嫩及有豐富肉汁，師傅烤得很有技考另外，點左新推介「芝士烤肉炒飯配豬肋骨」，鐵板上芝士拉C的香濃，火箭菜很香，配上泡菜味烤牛肉炒飯，很惹味！豬肋骨煮很細嫩，yummy 柚子沙冰，不得不叫，酸酸甜甜, 中和油膩感，很醒精開胃！總結，會再返黎食，坐角落位，對住無敵大海景，試食雙拼炸雞，飲鯊魚之淚（好似好得意，未試過，但好多身邊既人都飲緊，有酒精/非酒精），完。

銅鑼灣登龍街 呢幾年可謂經歷左翻天覆地既變化由以前既拉面街 變成多左好多高樓大廈 林林總總既食肆 而今日就搵到係Vpoint 25 樓既韓式烤雞入到去 被安排到近window 位 可以一覽維港餐廳都好新淨好啦 我地嗌左杯野飲消消暑先朋友嗌左杯藍橙沙冰 好冰涼 橙味夠 好好飲我就嗌左柚子沙冰 柚子咪好夠 但飲左藍橙覺得藍橙仲正之後嗌左 牛肉粉絲沙律做前菜正呀 粉絲彈牙煙靭 再拌牛肉 肉味濃郁 粉絲彈牙 係韓國既風味呀最後 梗係主角烤雞啦呢個係芝士蜜糖咖哩烤雞，甜味有蜜糖，咖哩有辣味（少少辣 ) ，加埋芝士 同烤雞，好食到停唔到 我會將芝士食一啖 再食雞 保證啖啖都係芝士蜜糖咖哩烤雞😂第一次食韓式烤雞 冇炸雞既熱氣 有雞既肉味 口感 係一個值得推薦既食物同餐廳👍

知道goobne定期都會推出新食品，夜晚喺銅鑼灣行完街，一於嚟銅鑼灣分店試吓。位於V-point 25樓，坐窗邊可以睇到少少維港景色。柚子沙冰，酸酸甜甜，十分開胃，炎炎夏日飲真係涼透心！韓式炒粉絲雞蛋卷，粉絲炒得幾煙韌夠味，濃郁嘅蛋香包住溶咗嘅芝士、午餐肉、酸蘿蔔等配料，配埋隔離醬汁帶少少微辣，一啖擺落口，味道好豐富！而且層層鬆軟嘅雞蛋卷，食落好有口感。十分推介鐵板芝士泡菜炒飯，餐廳以鐵板上，賣相有啲似火山、芝士似熔岩，幾有創意。我同友人趁熱嘅時候快手撈匀所有材料。芝士做到拉絲嘅效果，已經急不及待要食泡菜帶點酸酸辣辣，好開胃，配埋火箭菜食，更加清新，撈匀香濃嘅芝士，令粒粒飯都掛上而且鐵板可以保持熱度，一路食其他配菜都唔驚凍左。主角蜜糖咖喱烤雞，最欣賞餐廳烹調方法唔係用高溫油炸，而係用烤烘，十分健康！而且烤雞可以保持雞肉細嫩，鎖住肉汁，外皮更十分香脆！味道方面，烤雞有點香辣，灑上香甜蜜糖同杏仁，味道好夾！好惹味！同友人兩個食到滿載而歸好滿足！而且用匯豐信用卡仲有優惠優惠去到6月30號！原本想試呢個新款香港限定菜式(用匯豐咭有七折)，但賣晒唯有下次早啲嚟。

自韓風熱潮在港掘起，相約好姊妹們外出吃飯時，大家總是提議到韓式餐廳。我本身沒有特別喜愛韓式料理，也不看韓劇，每次也本著“順得人”精神應約。這次一位好姊妹帶我來到Goobne Chicken位於銅鑼灣的分店。蒲進餐廳，待應們殷勤地領著我們往餐廳內走。嘩! 我真沒有想過能夠在這樣美麗的維港夜景下進餐! 而且，餐廳內一直播著香港人熟悉的k-pop。這樣的環境很適合與親朋好友於大節日來慶祝，說不定話可以看到煙花呢! 除了餐廳環境令我很驚喜愛，食物的質素和味道也是出乎意料之外的好鐵板軟芝士蜜糖咖哩烤雞: 芝士烤雞常常可以吃到，但跟著熱騰騰的鐵板一起上桌， 我還是第一次品嚐。用專用夾子把烤雞夾起時，一串串拉絲真的很療癒。烤雞味道甜甜的，有淡淡咖喱味。 外層香脆，內嫩滑。好吃，推香辣炒年糕: 這道菜用料很豐富， 包括芽菜、大蔥、 泡菜、年糕、雞蛋、魚糕和年糕。 香辣惹味。柚子沙冰: 以柚子、蜜糖和冰塊攪拌而成，酸酸甜甜的，很醒胃。鯊魚之淚(無酒精): 這款招牌飲品以檸檬、 香桃和冰塊攪拌而成，味道清新，能解辣。 一條搶眼的鯊魚玩具放置杯中， 有趣盞鬼 推原來，Goobne Chicken可以透過網

貴為oppa界一代宗師， 福福郎當然要吃盡 全香港最好的韓食， 這次我早了兩星期訂位， 終於給我訂到了這一張 。。。全港各大飲食雜誌一致推崇， 全間餐廳獨一無二 。。。的180度無遮擋環球馬場 + 維港海景bar檯 繼承者們。 提一提各位福福郎精明眼 的fans， 只有學我一樣，在星期三 晚上來吃雞， 才可以ㄧ面食，一面欣賞到馬照跑、 舞照跳 的香港獨特風景地圖。( 唔知 會唔會見到 城城 拉頭馬呢?)今晚還有幸點到他們的新出品cheese in the city 系列 鐵板 芝士 烤雞， 感覺十分榮幸。 要知道福福郎 好 精明 啊， 要我給200元吃一盤烤雞， 就一定要令我覺得它物有所值 ，除了碟餸 要有新鮮感， 味道好， 我影嗰張美食相可唔可以呃like， 也是我選餐廳 同點菜 的首要條件之一啊！ 而Goobne兩樣都拿了A+。今天天氣呵呵呵！ 烤雞味道好好好!烤焗的雞由於沒有油炸的關係， 感覺上沒有一般坊間炸雞的肥膩感。 雖然配上頗heavy的芝士 ，但整體感覺不膩 、令我吃得很開懷。因為卷了芝士絲的烤雞， 感覺上就好像被一層軟綿綿的 物體 包裹著一樣 ，芝士香氣 撲鼻， 配上熱

早前跟朋友去了食韓國明星烤雞，座落於銅鑼灣銀座商廈裡面，食肆面積敞大，時尚摩登的裝潢，以黑白灰為主調，馬賽克間色地磚，簡約舒適，充滿韓氣。我們被安排坐在近窗邊的高身吧枱，雖然坐得不太舒服，但能透過落地玻璃，看到25樓外的開揚景觀，望著燈光燦爛的香港夜景，以銅鑼灣一帶的鬧市景色及海景送飯，也算不錯。這韓式健康烤雞店由韓國人氣男團 EXO 代言，登陸香港已有一段時間，見到顧客群中不乏青春少艾，可能是男團粉絲來朝聖呢？！打開餐牌，這店的食物選擇不算太多，大都是不同口味的烤雞，就如蘋果檸檬蒜香、蜜糖咖哩、火辣、甜辣、韓式、香酥、照燒、芝士、黑胡椒及原味。除了烤雞外，也有沙律、雞蛋卷、雞串、螺筋麵、炒年糕、豬肋骨、鍋巴湯和魚糕湯等菜式，不吃烤雞的話，還算有點其他搭配。芝士烤雞串，雞塊烤得焦香，味道少甜微辣，雞塊之間的大葱清香爽嫩，配上醬汁頗為開胃，唯一挑剔的是芝士份量不夠，只是薄薄的一層，未能感受到那濃郁奶香滋味。黑胡椒烤雞，這店的烤雞一向以不經油炸馳名，食起來皮脆汁多油少，因大部分脂肪已被迫出，感覺健康。店員將烤雞呈上來，烏卒卒的雞肉大大件份量頗多，足有整隻雞之多，烤得香脆肉嫩，黑胡椒醬汁味道

要遇上一間心儀既餐廳真的不容易，既要食物品質有質數，又要餐廳環境氣氛好，而今日再次黎到銅鑼灣既Goobne Chicken就知道各方面都令我好滿意先會再次光臨上完興趣班，就當然要醫下肚，一想就想到呢度Goobne Chicken，雖然今日天氣麻麻，但係呢個居高臨下既環境，氣氛確實不錯三重芝士烤雞 $208十分重的芝士味，但並不是甚重的鹹味，反而是甜甜的十分開胃，而最重要並不是用油炸出來的雞，是用焗的方式烹調，但效果卻是跟炸的一樣，脆脆的外皮，而肉質非常嫩滑，食雞胸部份也不乾身韓式牛肉炒年糕 $165年糕分量不多，而粉絲也吸收晒牛肉湯底的味道，十分濃郁，而牛肉份量亦不算少，絕對對得起呢個價格柚子沙冰 $58係呢個炎炎夏日，有呢杯透心的柚子沙冰 ，味道十分fresh, 不苦不酸，甚易十口，十分推介

想食依間口碑好好既烤雞店 終於去左新開既cwb店食個tea 同朋友都食得好滿足!芝士烤雞Deep Cheese Chicken $208芝士粉佈滿成隻雞 一咬落去皮薄多汁 一食就食左個髀先 好嫩滑既肉啊 之後食既雞胸都係嫩既 一啲都吾嚡 可能因為佢係烤雞既關係 鎖住晒肉汁 芝士粉甜甜地 又吾會話好膩韓式炒粉絲雞蛋卷 $148睇落平平無奇 但食到好濕潤 不嬲都愛韓國粉絲既我好喜歡啊 淋淋粉絲再加爽口瓜菜既配搭 真係好好食 仲有唧係上面茄汁同黃芥末醬 必點係配襯既千島醬 更醒胃 食多幾舊都吾厭柚子沙冰 $58酸酸地 都有柚子味 岩晒吾好酒精既朋友Hoegaarden $38烤雞配啤酒好爽 甘樣先岩架嘛