愛文生

营业中

休息中

椒鹽鮮魷拼九肚魚 - 可以雙拼啱哂人少又食到多款, 鮮魷外皮非常酥脆, 肉質彈牙; 相比九肚魚就炸得比較乾身, 唔係魚肉軟嫩果種, 下次再嚟會試埋鮮魷拼炸大腸桂林炒生腸 - 幾有驚喜, 桂林炒比豉椒炒多份辣椒醬味, 生腸爽脆入味, 正過食豉椒炒海鮮咕嚕肉 - 唯一比較失色菜式, 粉漿同肉質比較實, 傳統口味Xinomavro係希臘西北部原生葡萄, 地位彷如意大利酒王葡萄Nebbiolo, 不過Xinomavro香氣更特別, 呢支Kir Yianni Ramnista 2017除咗帶有紅莓果、梅子醬, 仲有花香、蕃茄、煙絲、茴香、胡椒同乾香料味道, 入口唔算霸道, 酒體適中, 單寧同酸度都算高, 個人覺得配中菜大牌檔幾好, 夠鑊氣夠香口惹味, 同Xinomavro特性杷得益彰🤭

愛文生飯店扎根喺深水埗好多年想當年讀緊小學同屋企人已經係到食因為廚房係喺條街嗰度嗰陣細個仲好鍾意望住個廚房喺度拋鑊 啲火鬼咁猛好好睇！由佢擺枱仔喺街邊食到今時今日入晒舖食物質素都保持到桂林炒生腸食咗好多間唔同嘅大排檔都冇呢一道餸所以如果食愛文生就一定會叫基本上生腸非常爽少少辣味非常惹味基本上係必叫！好好食！椒鹽九肚魚唔使多介紹都知道大概咩味呀九肚魚上粉好薄炸起上嚟好脆生九肚魚都好鬆軟又滑份量非常大碟三個人基本上都唔係好食得晒京都肉排我本人最愛甜酸汁非常好食洋蔥好爽甜肉排走油後上芡 鬆軟厚肉唔使多講！淨係想擺入口！椒鹽鴨舌本身對鴨舌冇咩愛但朋友想試就試下啦鴨舌炸得非常乾身！好似食雞腳咁樣慢慢lun 送酒來講都唔錯！

疫情前差不多一個星期食一次，每次都叫4,5個送。疫情後都沒有再去，突然天氣涼了好想食大排檔就去了，每次都唔小得叫佢地既招牌幾款，6點去到已經無剩子，好失望。叫了桂林生腸，炸蠔餅，啫啫雞煲。黎到一啲都唔熱，生腸唔靚，好多膜同黑色野，完全無鑊氣蠔餅個粉浆好硬，凍左更硬蠔仔🦪完全無味，唔知食緊乜。。啫啫雞煲仲差，黎到完全無炸炸聲，又係唔夠熱，豬膶老，雞好鞋。全部質素差晒我諗應該唔會再幫襯。因為太難食所以沒有再叫其他野食。雖然加了價，但質素維持不到

早在週四例會舉行的幾天前, 幾位資深會員已經在討論去那裡吃飯...最後落實來愛文生...原因是曾經幾次說過要來, 但最終沒有...所以大家今次決定怎麼也要來試試....訂位的工作一向拜託資深會員F負責, 就訂好了7點的枱, 在這裡看過店的地址, 再看看地圖, 從深水埗地鐵站開始起步, 對我這個路盲來說, 不停的看地圖, 走了約20分鐘才到達 , 其實位置就近荔枝角多一點, 到達街角就馬上看到1個舊式鐵皮檔口, 幾個師傅在忙碌著, 炒餸的大油鑊不斷晃動著....鐵皮檔後面幾個相連舖位都屬於愛文生, 都幾乎坐滿了客人, 其中1位會員準時到達, 但店主說要超過一半人數才能提供枱...我們到達後再去跟他周旋幾句, 就讓我們先到的坐在靠近門口的一張大枱, 幸好這個晚上氣溫不算熱....可以感受著油鑊發來的炒餸香味, 亦同時吹著自然風...看看餐牌, 他們主要提供小菜及即煮海鮮, 鐵皮檔前面放著不同種類的游水海鮮, 客人可以即叫即煮, 選擇蠻多的, 價錢亦算公道...由於幾位會員仍然在途中, 我們先點了個食評極讚的"黑椒薯仔牛柳粒"...薯仔切成小粒煎得很香脆, 外皮鬆脆, 內裡的薯仔肉剛熟帶點

在佛誕假期下一家人到鑊氣十足既愛文生開餐.每次黎都十分開心,因為小炒實在有質數又抵食又大碟.大吃既我們5 人共叫了6個送桂林炒生 (生腸很脆口, 帶點押味,但個人認為要有少去這些味道才好吃,辣辣的桂林辣醬加鼓椒來炒味道非常薏味,必點之選)生炒骨 (酸度剛好,脆漿不會很厚,排骨沒有一咬下去全是肥肉或骨大過肉,正)炸豬大腸 (一般,稍為乾身了一點)嗜嗜豬潤雞煲 麻辣雞絲 (大家以為是冷盤,點知一上枱時熱辣辣,賣相不吸引,味道一般.感覺是粉絲炒雞柳,辣味一般.沒有麻辣口味)菜心炒魚菘 (魚菘吃下去時有陣陣陳皮清香,沒有魚肉腥味,而且還加了少量蝦肉混製而成,正! )