鴻星中菜 (MOKO新世紀廣場)

营业中

休息中

由於已有幾個星期無同Uncle Auntie飲茶，所以我們約好咗今早一齊去旺角新世紀廣場嘅「鴻星海鮮酒家」飲早茶！我們叫咗蛋煎糯米鷄嘅外層煎得好香口脆身，糯米嘅質感非常煙煙韌韌！棉花白兔仔嘅質感相當軟綿綿，味道唔會過甜！錦鯉馬豆糕嘅造型賣相超級精緻，而且擺放到好似一幅錦鯉畫咁，真係極之吸引！蜜汁叉燒包嘅包質極之香滑軟熟，蜜汁嘅味道超香甜！純鮮蝦餃皇嘅餃皮好煙韌薄身，蝦肉相當爽甜彈牙！奶黃得意小鴨子同水泡魚都係非常趣緻可愛，小鴨子入面係香滑奶黃，而水泡魚就係香甜嘅芒果，真係好有創意！刴椒蒸魚雲嘅肉質非常鮮甜嫩滑，醬汁除咗有新鮮剁椒之外，仲有新鮮蒜粒，令到味道更加惹味！羅漢齋湯粗麵嘅麵質都幾爽口彈牙，湯底嘅味道都幾清甜！鹵水掌翼鹵得好入味，但味道唔會好鹹，肉質亦好嫩滑！蛋白瑤柱蝦仁炒飯炒得好乾身同粒粒分明，蝦仁非常大隻同爽脆彈牙！豉油皇煎腸粉煎得都幾香同幾乾身，質感相當煙煙韌韌！

「鴻星」晌小弟心目中一向喺間飲茶、食飯都頗貴嘅酒家，不過，素質唔錯，而且，佢嘅動物創意點心就一直好深刻印象。由於今次茶友嘅組合包括好幾個家庭，有兩個好細個嘅小朋友，所以，負責嘅搞手就揀咗嚟鴻星飲茶。旺角始終喺旺角，就算新世紀依邊亦變得越嚟越多人，尤其大概一年前依度翻新過，就更加墟撼。幸好，店內環境又唔喺太過逼，我哋一行6大2細，被安排咗張大枱，都坐得鬆動舒服，再者，絨面梳化椅，又真喺幾好坐。收費方面，由小點到頂點8個級別，平日定假日，正價定茶市優惠，都一清二楚。茶芥 $10位、酸菜 $5位早茶時段（即喺12:00pm前離座埋單計）免收酸菜，否則平日收$4位，星期六、日、假期就收$5位，酸菜喺乜？炸魚乾仔是也 ！既然多少都為啲動物創意點心而嚟，當然，都揀少少嚟氹吓啲細路仔。睇勻所有點心紙，總共有7款依類點心，分別喺小鹿斑比、獅子王、青蛙王子、小飛象、小企鵝、奶皇小蜜蜂及棉花白兔仔，款款都做得生動別緻 ，最後揀咗後兩者。 棉花白兔仔 $20 一客4件嘅白兔仔棉花糖，唔單只做得維妙維肖，更給人得意可愛之感，無怪乎一上枱，小朋友都搶住要。棉花糖入口非常軟綿，咬落唔黐牙，又沾滿椰絲