津津食家

营业中

休息中

當日一位朋友問我哋可唔可以陪佢食大排檔?全部舉手舉腳!!!個個都咁為食，有好嘢食新界都去啦！ 於是朋友提議去火炭歷史悠久又好出名嘅<津津食家> 所有嘅餸菜都係地道大排檔菜式，佢最出名嘅招牌雞粥我居然唔記得影相!但係大家一定要叫呀津津食家嘅環境就係裏面好細，條街度擺咗好多枱同凳。我哋十個人當然要坐街啦！揸車嘅朋友唔使驚不妨拍起隔離，雖然佢話會畀人抄牌，但係我哋當晚係完全冇警察經過，而且亦都冇巴士埋站，係唔會阻住食飯嘅！我哋都晚叫嘅菜式其實全部都水準幾好但係豉油王炒麵就比以前差，唔知係咪佢哋轉咗個麵餅🤔食落怪怪地😑

一行七人特登走到火炭食乳鴿，好日唔去新界吃野，但去到原來火車站行站去都好近！七個人叫左八道餸菜：金牌乳鴿 🐦（$70/隻）即叫即煮，熱辣辣，表皮脆口，肉身唔會老，又多肉汁👍🏻招牌雞粥（大窩$90）粥夠厚身🍚🍚，唔似一般大牌檔得粥水！ 雖然雞肉比例唔算多，但香噴噴雞油味沾滿粥面，香到吃左兩大碗。豉椒炒蜆（$78）同一般大排檔質素差不多，吃到底都係未熟透的蜆，但值得一試⭕️椒鹽鮮魷（$98）鮮魷夠大嚿，表層漿粉少，咬落好彈牙！椒鹽豆腐（忘記價錢）漿粉比鮮魷多，但比例係剛剛好蓋住豆腐，好香口，送酒一流上湯浸時蔬（$72）有喊同菜選舉，我地揀菜心，驚奇係原條菜心煮，大排檔多都係將菜切成幾份，節省成份，所以吃落特別開心！魚香茄子煲（$68）8款菜，呢道較為失色，感覺師父錯手落太多水去煮，成個茄子煲變成茄子湯。 ☹️菠蘿咕嚕肉（大約$90）肉係用金沙骨炒，所以吃落舊舊肉都係骨咁濟，味道係好味，但換番厚身肉會更惹味🤤值得大家特登過黎試下乳鴿！