雪山冰廳

营业中

休息中

一直都好想食呢開雪山冰廳 平時經過都多人等 今次黎食返個下午茶先☕️佢主要係一啲加入現代元素嘅傳統港式茶餐廳食物 幾特別😗望住餐牌有好多野想試～ 所以叫咗好多野😂▶️ 避風塘生炸雞髀 ($35)生炸雞脾🍗肉質夠鮮嫩又厚肉表皮炸到十分之脆口入味 而且夠乾身 一啲都唔不油膩😋外皮仲好似人哋啲燒乳豬皮咁 配上避風塘炸蒜+鹽粒 味道層次更加分明 係另一個層次！▶️ 榛子流心西多 ($35)呢個係招牌菜 下午茶食返個西多士先 只不過呢個係變奏版🍫一切開就見到好多榛子醬 好均勻足料 唔會食食下唔見晒啲醬🙈只不過係覺得佢唔係好夠流心西多糖漿另外附上 可以自由控制份量 因為原先已經甜 所以都唔洗落好多 夠晒貼心☺️▶️ 海苔薯條 (+8)跟西多士餐只係加$8咋 好抵食！薯條夠脆口🍟正常發揮如果海苔粉再多啲就更好🤤▶️ 火龍果咕嚕肉 ($85)非常之特別嘅配搭 多數外面係菠蘿咕嚕肉 呢度竟然有火龍果咕嚕肉？😲梗係試試火龍果附上半隻火龍果皮做裝飾 令佢賣相吸引 影相都靚啲📸咕嚕肉外脆內軟 生粉適中唔會過多🔥肉質新鮮有咬感 好耐冇食過咁好食嘅咕嚕肉 因為好多時出面嗰啲一係好韌 一係就層粉超厚然後肉得一粒咁火龍果搭配又幾

呢排成日見到好多人都去食雪山冰廳❄️🗻我都唔執輸今日經開就去咗食😗嗌咗最出名嘅避風塘炸雞髀🍗椒鹽豬扒飯🌶海南雞飯🐔熱奶茶☕️同凍檸茶🍋避風塘炸雞髀幾大隻😛炸得都幾香脆👍🏻上面有啲炸蒜同避風塘調味粉🌶食落幾香口又唔會太辣🌶然後隻雞髀唔會腌得好鹹😗配埋啲避風塘蒜食就啱啱好😗不過我覺得啲粉食落有少少好似福字牌麵嘅調味粉味🤣椒鹽豬扒飯佢嘅重點就梗係個炒底啦🤣佢個炒底好特別仲加入左三色椒炒🤣因為我本身鍾意食三色椒所以覺得幾好食😛個椒鹽豬扒就又係唔算好辣😗但由於成個飯同埋豬扒都比較濕🤔所以可能唔係大家expect嘅味道😗不過反而咁樣就冇咁熱氣嘅感覺🤣海南雞飯啲雞都幾靚唔會有腥雞味😗個飯有浸好似係香茅嘅味😗點埋個汁就最好送飯🍚熱奶茶幾好飲不過佢偏多少少奶味😗整體三洋食物都屬於係唔會太鹹但又唔會太淡👍🏻咁樣反而幾好因為通常出街食避風塘同椒鹽豬扒呢啲種類嘅食物都會好鹹🥲但係反而呢度個調味就唔會濃味👍🏻

今日嚟到深水埗做嘢，終於嚟到呢間街坊推薦老字號冰廳：雪山冰廳之前都成日聽過街坊介紹佢嘅炸髀同西多，今日終於有機會來試一試足餡榛子流心西多榛子味好足，一切開就流晒出嚟，西多炸得啱啱好，唔會太油，另外呢間餐廳牛油同糖漿都比你任加，好食😋避風塘炸蒜雞髀雞髀大大隻，蒜味充足，鍾意食蒜頭嘅人士必點，另外避風塘風味都令個雞髀更加錦上添花，必食椒鹽豬扒飯豬扒夠林夠入味，份量又多，差啲食唔晒，另外用用炒飯底，令到成個飯更加好食😋👍🏻👍🏻酸菜魚另外叫咗個輕盈酸菜魚配寬粉，酸菜魚風味十足，好惹味，魚肉夠嫩滑，配料又多，必叫👍🏻👍🏻另外叫左杯樽仔奶茶🥤，奶同茶嘅比例啱啱好，好飲👍🏻👍🏻整體來講，高質又抵食，正

深水埗真係好多茶記，但唯獨呢間「雪山冰廳」，我真係經常encore！基本上我食過佢好多款式都真係有水準！所以有好西我就一定分享！椒鹽豬扒飯：最吸引我嘅係，佢竟然用炒飯底！仲要炒得夠乾身，好有鑊氣！個飯食落辣辣地，好惹味！豬扒仲正，好入味！又唔會炸過火，肉質又夠鬆軟！呢個真係必食！榛子醬西多士：我本身就麻麻地花生醬，所以呢個榛子醬完全係俘虜咗我！甜而不膩，鍾意食甜野嘅絕不能錯過！芝士焗波士頓龍蝦海鮮飯：估唔到茶記都有龍蝦食，仲要係波士頓龍蝦！半隻大大隻龍蝦份量十足！入面仲有青口、魷魚、蟹柳、鮑片同埋魚柳！勁多料，勁滿足！真係樣樣都咁高質！完全唔覺得自己係食緊茶餐廳！未試過嘅朋友仔，真係要去食下！

男友近排嘅星期日終於得閒返❤️可以有全日同我去拍拖食好西🤤仲會好好咁搵定幾間餐廳俾我揀😍唔洗我煩呢日我就選中左雪山冰廳🤤因為俾openrice啲相吸引左，個「#芝士焗波士頓龍蝦海鮮飯」（$108）顏色亮麗🤣睇落好正咁‼️實物其實都同圖片好相符，不過唔知點解個飯一上檯只係暖暖地而唔係熱😅龍蝦都算質素唔錯，多膏之餘啲肉都算爽👍🏻龍蝦膏好香濃，我撩左啲出嚟撈飯，勁正‼️龍蝦鉗都好實肉，不過掛住食唔記得影相🤣 其他海鮮，青口、魷魚都幾好，不過啲蟹柳就真係好舊式嘅紅噹噹蟹柳🤣別有一番風味男友就試左 #椒鹽豬扒飯，睇落幾香口👍🏻而且飯有炒底，值得加分‼️ 由於比較熱氣嘅關係，都叫左 #樽仔奶茶 解解渴🤣茶香奶滑，不過稍為甜左啲，但凍冰冰時都飲得過🤤🤤

偶然之下來到了這家隱藏在深水埗角落的小冰廳，雖然是在打工仔放飯時間前來到，但人數也不少採用開放式廚房的設計令人對食物安全很安心，令環境加了點分數等野食時發現這裡的設計幾有心思，有點老香港的味道，座位亦幾寬敞然後牆上的壁畫吸引了我眼球，沒有藝術天分的我都覺得幾靚幾有特色，主題是雪山（同餐廳名），色彩鮮艷的畫，放在以黑白色為主調的餐廳裡特別搶眼首先是店內的招牌名物樽仔奶茶。比起平時的港式奶茶來說偏甜，茶同奶既比例剛剛好，而且非常幼滑，雖然是預製的，但依然保持水準！同樣是店內招牌的椒鹽豬扒飯，飯底炒得非常好，夠乾、夠散、夠鑊氣，豬扒非常入味，口感上佳，不會太硬不會太淋，有咬口，炒飯配上炸蒜味道更香，沒有令人失望印尼炒飯，雞翼炸得好脆口，而內裡肉質仍保持鮮嫩，配上太陽蛋和蝦非常開胃，再次一提，廚房師傅炒飯功力值得一讚生炸髀非常脆口，如圖所見，咬開外面，內裡肉質非常嫩滑，再配上七味粉是一個非常明智的配搭，推薦整體而言，服務態度不錯，環境不錯，食物味道佳，價錢與一般茶記相若，非常抵食！

雪山冰廳有六十多年歷史前年大革新後由八十後的親戚接手新人事新作風內觀也煥然一新唯店內仍保留著兩幅舊壁畫先點始祖椒鹽豬扒飯炒底豬扒惹味沒有炸過火位炒飯底熱辣辣絕對是誠意之作再點招牌的海南雞飯 配油飯油飯散發著淡淡的椰香味雞肉是雞脾位非常嫩滑配以甜豉油和辣醬兩款五十八元的確非常抵食夾大件招牌之作還有避風塘炸雞脾港式避風塘口味別具風味雞脾生炸肉質仍能保持嫩滑飲品點了自信作樽仔奶茶甜度適中冰凍之餘不會被冰塊沖淡

今日要泥深水埗辦d事，快手食個飯先。我見SSP頭幾名港式餐廳包括呢度，就泥試試。值得一提既係星期日早餐供應時間至2pm，平日就至11:30am，想試早餐既都可以午餐時間先泥。搖勻後飲，整體味道偏淡，微弱茶味、奶味、甜味。各方面濃一點更好。有大量紅豆，過甜，完全蓋過奶茶味。飲到尾有股酸味，怪怪地。奶油牛角酥冇咩特別，炒蛋算滑，但調味方面偏淡。叻沙既豆卜當然最入味，魚片最讚，彈牙爽口。蝦唔知係邊個懶，冇剝殼，冇開邊。湯底有椰味，但唔夠香同熱。整體有3粒⭐️既。椒鹽豬扒重口味，偏咸，幾冧，都唔錯，炸得脆一點更好。炒飯差少少穫氣，調味唔算濃，同塊豬扒balance返。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️