公車泰國餐廳

营业中

休息中

今晚和友人來到元朗西菁街一帶，以往都是在千色附近搵食，原來街頭都有一堆餐廳。喜歡吃泰菜的友人二話不說選擇了「公車泰國餐廳」。「公車泰國餐廳」裝潢以綠色為主，店內掛有不少充滿泰國風情的裝飾。拼盤包括了5款小食。豬肉串燒烤得香口，塗上了沙嗲醬，還夾雜着花生粒粒。炸魚餅好特別，混了枝豆令口感增加，而且香茅味頗濃郁。反而炸蝦餅就相對普通，略嫌未夠彈牙感。炸春卷和炸蝦片都十分香脆。優惠價下非常抵食，因為即叫即燒，所以等侯時間較長。燒排骨超大的一條，夾起撕咬好爽。入口好香好惹味，有陣陣冬陰醬的酸辣味。中間部位的肉質比較軟腍，頭尾位置則有點柴，略嫌未夠juicy。本身就很喜歡吃炒通菜！加入馬拉盞醬一同炒香，通菜味道變得更加惹味。金邊粉好大碟！粉麵炒得入味，味道酸甜，而且附有一小塊青檸，榨汁後會令酸味更加突出，好醒胃。配餸分別有鮮蝦、雞肉、雞蛋等，再撈上碟旁的花生碎同吃，每一口的口感都十分豐富。份量好多，有6個。分別由2層組成，上層是椰汁底，下層是粟米和西米。粟米西米層味道偏淡，和椰汁底拌勻就剛剛好。椰香味很濃，甜度適中。和友人一人一杯泰式特飲，分別有泰式椰汁冰，以及泰式珍多冰。2款都不會太甜。

去元朗搵嘢食，教育路跟西菁街一帶好多食市， 特別係泰國菜，見到有間光鮮又有大間泰國菜館就入去試下。店內環境好寬敞，感覺好乾淨衛生。泰式生蝦共有六隻超大隻，冇蝦腸好 乾淨，好新鮮，好彈牙，值得推介。泰式炒金邊粉好夠鑊氣，一上枱熱辣辣香噴噴， 主要有肉絲、 豆干 、 蛋絲、蝦米、花生碎做配料， 炒得好香口，惹味。跟餐椰青半價， 清甜可口。菠蘿雞絲炒飯除咗菠蘿同雞，仲有提子、臘肉同肉鬆，好有泰式風味。串燒泰式香茅雞翼加豬串燒得好惹味， 沙爹醬調得好入味， 層次豐富。椰汁糕下層有大量西米同粟米，上層椰汁， 甜度適中，幾啱我口味。