皇御園 (已結業)

酒樓唔近地鐵站, 若由地鐵站行過嚟，都要15至20分鐘 ，揸車會比較方便。若坐巴士，都要就啱嗰架巴士。酒樓唔算大，大堂座位一眼見曬，十幾張枱， 坐得夠疏，環境舒服，行入去有房間，私隱度十足。酒樓喺商業大廈入面 ，週末來就少D人。枱上的茶會一直用火保暖，很細心。首先力讚佢哋個麻辣醬配牛肉腸，真係好食到不得了，超曬班，好食到我好想買咗佢個醬。問侍應有冇得賣？佢話無，嗰醬係口水雞嘅醬，下次來吃一定會再叫這個牛肉腸，食過返尋味。Xo醬炒蘿蔔糕有點失色，感覺好似煎咗好耐，之後叮返熱或者再翻煎一次上枱咁樣。北菇滑雞煲仔飯，侍應幫我哋分埋飯，佢啲煲仔飯唔算整得好好食，唔算好香，飯焦太多太硬。子薑牛肉球有驚喜,牛肉球吸了子薑的部分甜味，這個幾好味，亦都有啲特別，唔錯！蒜蓉豆苗炒得好香，豆苗好嫩，沒想過索價$198蚊，真係貴，但又真係好食。椰汁糕賣相一流，打卡首選，味道唔錯，唔會太甜。還叫了蛋白杏仁露忘記影相，它的味道不錯，只是唔夠滑，若果能夠用篩過濾一下，口感更佳.還有許多神奇點心好想試下，好想快啲再嚟.

婆婆屋企住九龍灣，所以經常會响附近搵好嘢食！屋企人有次試過嚟呢度飲茶，覺得幾好，就諗住試下晚飯。 因為限聚令仍然生效，我哋一行8人一枱，嗌咗以下小食同小菜。黑松露糖心蛋 (要咗兩客)蜜汁叉燒: 屋企人覺得偏甜冰鎮咕嚕肉: 呢個幾好味，外皮好脆，但份量少啲，每人食得一舊。白玉葡萄: 估唔估到係咩呢？係冬瓜嚟！呢個賣相好靚，食落清清地！慢煮安格斯牛 (1客有3件): 呢個牛食落好諗好似牛腩片皮鴨幾好食！不過我哋8個人好似份量唔係好夠，嗌兩隻又太多！仲有個二食炒鴨鬆無影到相。甜品時間: 椰汁糕~ so pretty 雞仔鳳梨酥 x 特大煎堆，成個月亮咁，好靚好得意！Server 幫我地將個煎堆剪成一塊塊，方便食！

係九龍灣返工，所以都聽過皇御園既叉燒飯。望入去又見環境唔差，趁中秋節就同屋企人黎食飯。總共叫咗兩個前菜，六個餸。入到去環境比一般中菜廳寬敞，而且當日唔算多人，適合一家人傾吓計，又唔會太逼，如果帶小朋友就十分適合，因為放BB凳都唔怕阻到人食物質素都有驚喜。兩個前菜細細份，十分精緻。第一次食話梅汁浸篙筍，爽脆開胃。平時食冰菜都係打邊爐多，今次做涼盤都好好味。值得一讚既係叉燒。本身爸爸見到偏瘦都以為會好柴，好乾身，但食落夠林，打破佢以為半肥瘦先最好食嘅固有想法。另一個十分有特色嘅係炒養米，因為先用紅菜頭汁浸白米，令到白米變成紅色，再加金腿瑤柱炒，唔太油，感覺亦好健康。最後意猶未盡，叫多幾個甜品share。總括而言，屋企人食得開心，亦坐得舒服😌，唔洗好似出面其他中菜廳咁比人趕鴨仔。下次大班人食飯會再考慮過嚟。

呢日放左工, 去左九龍灣JOIN埋D朋友仔們去試新野...(是朋友仔發現這家中菜餐廳的, 所以就約埋一齊柴娃娃去試喇,餐廳的位置雖然唔係近MTR, 但有接駁車去到個道;落完單, 等左一陣, D野都好快就來了,首先來的是涼菜這涼菜都幾爽口;之後呢道最出名的係叉燒, 肉質好軟, 但係個面的邊邊有點太濃;再來係好吸晴的,幾清新配搭, 第一次咁樣食咕嚕肉XD個炸豆腐, 一咬落去, 入面軟綿綿的, 外面有少少脆身, 幾得意;薑汁芥蘭就食得多, 第一次食用酒煮芥蘭...個酥皮的牛油味太勁了, 但鮑魚好好味, HEHE隻雞雞D肉好滑流流;由於我唔食牛, 所以呢個只聽朋友講, 幾好味個炒飯幾好味, 口感好爽;片皮鴨, 另鴨身D肉做了生菜包, 好味個麵幾特別; 跟住到甜品時間, 都話食甜品係另一個胃來架啦XD總括來講, 呢間中菜D食品很好, 雖然位置不算就近鐵路, 但佢地有接駁專車, 都算是方便的, 而且唔洗同人迫及等位