蔡瀾越南粉 (已結業)

其實經過左呢間蔡瀾越南粉好多次，呢日終於有機會去食😙遲落堂既關係，都係要靠朋友排住隊先，佢等左十五分鐘左右，跟住我去到即刻有得入座😌原來係有兩層，對街既上層會細少少，再落去下層原來有更多座位😯▪️ 越南牛肉粉（6.5/10）💲68 (任選兩款自由組合)湯底話係用牛骨熬製，但係感覺比較淡🤔個人鍾意香料既味道，當然唔會走芫茜、洋蔥、蔥花，而係再秒速倒曬額外配上既一杯芽菜、九層塔等等落去，仲有一碟青檸、青紅辣椒🤣呢個任選兩款自由組合，我揀左生牛肉，某啲位都仲保持粉嫩未至於全熟，薄切入口軟腍既🐮牛丸都彈牙既，但比較普通無咩驚喜🤤朋友叫左金錢腱，頗為乾韌身唔太建議🤪河粉稍微嚡口，未算得上係滑溜，但係有嚼勁，而且可以免費添加🍜越南河好難話難食，但呢度既質素相對平凡，加上掛住蔡瀾個名，同期望中點都係叫做有差距🤤勝在價錢係中環區算係親民既▪️ 椰汁雪糕（6.5/10）💲32唔記得叫後上好失敗🤦🏻‍♀️質感係介乎雪芭同雪糕之間，係泰國食過椰子雪糕後，會覺得呢個既椰汁味欠奉，不過都食到有啲椰絲係入面🤗配有士多啤梨、芒果，同埋係成杯野入面最好食既麵包脆粒😅🔎 整體評分（6.5/10）

多年來食家蔡瀾都是香港人的美食指南，最近剛以自己名字開設越南粉麵店「蔡瀾越南粉」，當然要來朝聖一下。餐廳分開兩層，下層面積略見狹窄，但上層位置較多，卡位坐得寬敞舒服。餐牌主打牛肉粉，貴精不貴多，不收加一服務費，越南粉還可以免費續加，這個價錢以中環區來說，可說是相宜親民。枱上放有海鮮醬、辣椒醬及魚露，方便客人調配出適合自己的口味。越南法棍三文治 $28越式法包是最能代表法國殖民地色彩的越南菜，暖暖的麵包烘焗得外脆內軟。餡料內有芫茜、香葉、青瓜、醃牛肉混合豬肉餡再加上微辣醬汁，惹味之餘亦充滿越式風味。黃金蝦扒 $78蝦餅外皮炸得金黃脆卜卜，雖然是炸物，卻沒有過份油膩感。外層炸漿尤其輕薄，蝦膠口感爽口彈牙，蝦鮮味十足。越式炸春卷 $48越式春卷皮採用的是用米粉做的越南米紙，質地特別透薄，炸得金黃酥脆。內裡混合了蔬菜、粉絲和肉碎，加入魚露調味，散發特有的香氣，讓人忍不住一口接一口。越南牛肉粉 $68牛肉粉有七款配料可供選擇，這次我就選了生牛肉和貝殼牛肉丸，配料份量不少，湯頭清澈沒甚麼浮油，味道不會過濃。生牛肉油花較少，肉質夠腍沒渣，口感細嫩，至於牛丸就沒甚麼特別。河粉是店內鮮製，米香十足，輕輕

食神蔡瀾新開既Pho成為城中熱話，能令蔡瀾特意帶澳洲湯底來港，點可以唔試！選擇算多，而且粉可以免費續加，各位大食既男士絕對唔洗擔心！《特別牛肉湯河粉》$128呢碗特別牛肉湯河粉極多配料，基本上全部配料麵有，而且每一款份量都唔少👍 可能係預左會加粉既關係？《生牛肉湯河》$88牛肉薄片入口即溶，兩個湯既湯底都一樣，清甜，就咁飲都絕對唔咸，更加可以突出牛味～至於呢個即制既越南粉，條條晶瑩剔透，有陣陣米香，口感比一般越南粉更有層次，表面唔會多左層粉，果然係有即制既好處！《香茅烤豬頸肉》$58呢個豬頸肉有驚喜！香茅味唔算重，但係表面烤得香重，肉仍然保留番肉汁，肉一啲都唔乾🐖《越南多色冰》$28椰奶加上唔同既粒粒，為椰奶加重甜味同口感《話梅青檸梳打》$32《越南法棍三文治》$28法包外面烤得香脆，入面軟熟，入面夾住辣肉加芫荽，唯獨係涵料較少《椰汁雪糕》$32反而呢個係最驚喜！椰汁味香濃，質感似係雪葩同雪糕之間，下面既麵包脆好香脆，增加口感！成枱都係野食！ 兩個人食左$394飽到捧住個肚走😋