長洲冰室

营业中

休息中

一早聽聞這間網紅甜品店，開業兩年多了，終於出走長洲一試。正所謂，來得長洲，不試一下長洲既「冰室」算來過長洲嗎？專登和友人選擇新年過後的平日，街道上不是很多人，但來到店裡意想不到的多人，果然是網紅店。還好，冰室地方算大，有分室外和室內，而且室內外是透個外放式大窗打通的，空間感十足，感覺更寬敞自在，2月份的天氣還蠻清爽，坐著真的是另一種感覺，悠閒自在，好像去了旅行一樣。長洲冰室主打「芋圓」，😍作為芋圓控的我，絕對要一試！但打開餐牌，我打從心底頭暈了，選擇也太多吧，有剉冰、豆花、仙草、燉奶、中式燉品、奶凍、和糖水，集合了中、日、泰、西既甜品，非常特別既甜品店。椰皇湯圓三色圓燉奶❤️❤️❤️❤️❤️❤️❤️這一個甜品一上台，便聞到濃濃的椰香味（可能熱食關係），起初以為小的一個，結果來到發現椰皇是特大size，而且同一般出面食的有分別，冰室的是糖水燉奶各一半，店員說熱食會甜一點點，但我還是覺甜味很適中，配以湯圓好香芝痳味道。不得不提，這家的芋圓真的很出色，每一粒的味道分明，不會像某些店的一股死死的粉味，口感非常煙韌，配以椰香糖水和燉奶口感好特別，而且份量不小，一碗有10多粒芋圓，心機之作，暫時是我在香港食過

長洲近年開左好多間文青cafe小店，長洲冰室就係其中一間。一開頭都係俾佢個裝修吸引左，白色既牆身加埋雲石枱真係幾靚，岩哂打卡！佢個地點都好方便，係碼頭行過去都係十分鐘內，食完仲可以沿住條路行去沙灘散下步。上次試左個泰式奶茶三色圓剉冰，今次就見天氣凍凍地，叫左個熱既椰皇湯圓三色圓燉奶，奶味好濃，湯圓同芋圓都好q，有咬口，不過整體黎講我就覺得甜左小小啦！奶味太出，有少少搶左其他野既味。不過冰室有最低消費，每個人要點一個甜品或一杯飲品。雖然甜品款式好多，但對於係長洲不斷食既我，真係好難食得囇成個燉奶，食完真係好飽。由於價錢都唔算好平，如果兩個人黎，又靜係想淺嚐既，可以叫一個甜品加杯野飲，食完都可以繼續食其他野。

好多年無入過長洲，一念起長洲都係「大魚蛋，芒果糯米糍 」，講真食到有D悶。前排一直見到好多人介紹長洲開了好多新店，我地專登避開聖誕假期遊長洲。結果，小島都係人流處處。今次，決定同朋友們一試bookmark左好耐既文青小店【長洲冰室】。估唔到，平日27號入去竟然都係爆滿😱！店員一見到我地一大班人，好快手幫我地係店入面搬位比我地坐。 店內設有最低消費，我地決定點唔同既甜品試。① 芒果糯米飯必食：✭✭✭✭✭味道有泰國既level，芒果份量多，係一整個芒果開兩邊切好，又夠新鮮好甜！飯分為原味和綠色班蘭味，糯米飯好煙un，重點係佢地係飯上加脆脆！！！！配埋個椰汁，芒果同飯更加香甜，帶出唔同層次的甜，食落更有不同的口感。店員仲提醒如果食到尾時覺得唔夠椰汁，可以再加添！暫時係香港泥講，我覺得好有水準既【芒果糯米飯】！！朋友食完仲外賣兩盒帶返香港比屋企人分享。② 招牌綜合三色圓必食：✭✭✭✭呢度既招牌係芋圓，梗係要叫返碗！起初睇個甜品比我想像中有d細碗，但料係好足嘅！有仙草、蜜紅豆、薏米、西米、三色圓、黑糖水底。我覺得做得幾出色，三色圓軟硬適中，而且食落去會分得出三隻味😆唔會覺得咬緊無味粉團，仙草好嫩