阿來東南亞風味 (已結業)

廣華街一向都好多食店，最近同朋友行去搵野食發現一間幾抵食的東南亞菜餐廳，有點大排擋feel得來食物都幾特別！幾欣賞這款泰式鐵板蠔仔蛋，份量十足之餘好多大大粒蠔，蠔蛋比例接近1:1😍，而且炒蛋亦非常香，味道不錯咖哩軟殼蟹火山包椰香味重，入面是滿滿的蛋和流心咖哩蛋絲，加上蒜蓉，滑香得來非常惹味，而且不算好辣，有點在泰國食的感覺，味道不會過份濃郁。海南雞喇沙米線$54這個價錢真係非常抵食，平時普通食碗辣米線都呢個價了，但他的湯底卻頗認真，是甜中帶小辣的喇沙，雞肉有咬口之餘份量亦頗多。最欣賞淋香米線，因為本人最怕食硬米線～在小區有時侯真係會搵到性價比高的食物👍🏼…查看更多

行過見到呢間阿來東南亞風味，見到食物種類幾豐富，有齊我地都想食嘅食物，同埋見呢度唔駛等位，所以就簡左入黎食晚餐。海南雞雞肉嫩滑，唔好睇個湯清清地，其實都濃味，我就鍾意再加埋啲泰式嘅辣椒粉、魚露一齊食，咁就仲更加惹味咖哩軟殻蟹海鮮火山包個汁嘅味道唔錯，不過就稀左少少，可以杰返D就好，軟殻蟹炸得幾酥脆嘅，個包都係。飲品我地叫左椰青同埋凍檸茶，椰青好多水，一打開蓋多到接近滿瀉，椰肉亦好易就刮到出黎食。食泰國嘢又點少得食埋佢嘅椰汁糕，甜甜地為我今晚畫上圓滿嘅。…查看更多

今天帶小米到旺角來個街市旅行團, 順便看模型.       在路上看到這午市餐牌, 才驚覺<肚餓了>. 各款午餐價格合理, 又剛好可以馬上就座, 所以我倆就在此午餐.   就座後, 職員馬上呈上一杯熱水跟餐具.   唔叫另外叫, 夠快, 夠效率! 我喜歡!!   下單後, 先著小米去清潔雙手.  星馬喇沙米線配滷豬脾   小米喜歡辣的食物, 所以選喇沙. 喇沙會配一款食物. 看到鄰枱客人那個大碗米線, 有點擔心小米未能獨自消滅, 於是選了自己喜歡的豬脾, 獨享.  這個雪白的椰汁底LAKSA, 浸著軟綿綿的米線. 自己先把滷豬脾分在小碗裡, 再夾走部份LAKSA米線. 餘下的就留給小米享用.   LAKSA有豆卜和豆芽菜. 小米也照單全食.    泰式蠔仔蛋飯   蠔仔軟綿綿, 蛋又是軟綿綿, 所以看中這款. 在熱油鑊倒入蠔仔及蛋漿. 邊緣位有焦焦脆邊. 而內裡的蠔仔和蛋卻是剛剛好變熟, 總之軟綿綿,, 我咬到囉!!! 蠔仔沾上SIRACHA醬, 更添鮮味.. 而煎蛋跟飯一同享用, 又可感到陣陣蛋香. 慢慢一口一口的, 把蠔仔蛋消滅了. 碟上餘下的白飯配上剛才的滷豬脾, 又變成滷豬脾飯了.  豬皮有豐富的骨膠原, 夠滑夠Q彈, 滷水也很入味呢!  而豬脾肉很鬆化, 用餐匙按壓就可以把脾肉壓碎,  無需太多牙力即可享用......自己不喜歡太硬的食物, 個人覺得 : 豬脾合格了!  椰青   在多款飲品之中, 椰青是最天然的飲品, 加上可能有清潤的功效, 所以一試.  看到椰青表面有保鮮紙保護, 覺得很安心.  椰青水當然美味, 但內裡那層白色椰肉也不能錯過.    以銀匙輕輕撬開, 就可享用原塊椰肉了. 小米看到這個食用方法,,, 又依樣畫葫蘆. 在完成午餐後,, 才發現店門開始有客人在等候.     原來小米喜歡那些SKS, M416, SSR模型有便直, 也有貴至數千! 真滴汗!!! 唯有叫小米努力讀書, 用奬學金來購買吧!!! …查看更多

我一直都幾中意食泰國菜，香口惹味，是日我嘅泰國癮又起了😛阿來金磚豆腐 （$68）呢個真係幾好味，外皮鹹香惹味，有芝麻香，一咬開塊豆腐入面竟然好軟滑嫩口，襯熱食就最滋味啦😌星馬蛋黃雞翼 （$68）佢用單骨雞翼呢點好抵讚，好方便食～ 鹹蛋黃香味濃郁，真係超級邪惡啊😝 但始終佢係油炸，所以係雞翼表面都比較油～泰式酸辣無骨鳳爪沙律 （$58）呢個鳳爪完全去骨，食落啖啖肉～ 鳳爪酸辣味都夠重，又夠爽口，仲要份量好多😂 食極都仲有～椰青 （$35）食泰國菜點可以唔配番個椰青飲下呢～ 椰青水甜度足夠，食完重味嘅食物用嚟解辣解油膩一流啊～ 飲完椰青水仲可以食入面嘅椰青肉，不過就唔係個個椰青嘅肉都容易刮啦，要睇運氣😆😆總結，試左幾款小食都唔錯，可以一試😊…查看更多

最近旺角油麻地周圍都封路😫😫想食晚飯就唯有行入少少去到廣華街 無意中就入左阿來東南亞風味😆😆一入到去店面裝修就同普通茶記差唔多 不過佢就只係食東亞野菜因為收工周圍都封路 行到黎實在真係太攰 諗唔到食咩 於是就隨便叫左個二人餐 點知好驚喜呀！🤩🤩蛋黃雞翼：炸到趣卜卜 仲有濃濃既蛋黃香 因為係單骨雞翼 所以更加入味！😋椰青：勁大個勁清甜 🥥 😋飛天通菜：勁香口 送飯一流 不過有少少辣 🌶 🥵 海南雞：二人入量 岩岩好 隻雞都幾新鮮 冇雪藏味 點埋醬汁好好味 😋二人餐 食到勁飽勁豐富！好滿足😚😚成間店都好平好抵食！強烈推薦👍🏻👍🏻…查看更多

早排朋友約我去泰國玩，但呢排實在太忙，真係冇時間冇心情出外走走～唯有喺香港食泰餐補番🤪——————————🔹金磚豆腐 $68朋友很喜歡食滑滑的豆腐，見到廚師推介有金磚豆腐，就試試～ 果然外脆內軟，外皮沾滿椒鹽粉，豆腐超滑☺️ 但略嫌價錢少貴，多番幾件豆腐會開心啲😍🔸鮮蝦炒金邊粉 $54金邊粉份量很多，外面有一個蛋網，賣相吸引☺️食到有茄汁味，但偏甜～裏面也有不少蝦仔，幾鮮味🥰🔹馬拉盞炒通菜 $58這裏的餸菜又平又大份，馬拉盞炒通菜有不少炸蒜和蝦仔，辣辣地，好惹味🥰🔸薄餅 $25這個薄餅很香牛油味，食落酥脆而不油，好食☺️🔹椰汁西米糕 $48這個椰汁西米糕很濃椰香味，裏面有西米和芋頭粒，但朋友覺得有點太甜😆小編就覺得啱啱好😋🔸椰青 $21每次食泰國菜，都會好想飲椰青😍但通常要30幾蚊，真是有點貴！見呢間只係廿幾蚊，一於叫黎飲下😋真係好抵飲，椰青水超滿，椰子水清甜解渴，果肉也有少少奶香，必叫👍🏼👍🏼👍🏼…查看更多

👁‍🗨 泰式青咖喱雞飯（6.5/10）💲53呢度既青咖喱帶點微辣，感覺有頗香濃既椰奶味，不過啲雞稍為乾身嚡口，而且白飯太硬身🍚👁‍🗨 泰式芒果蟹肉炒飯（7/10）💲58啲芒果粒都幾甜，而且有好多一舊舊既蟹肉同埋蛋絲，唔會話覺得單調，乾濕度岩岩好，炒得有鑊氣夠香口既🥣👁‍🗨 芒果糯米飯（7/10）💲58芒果依然係好甜，再淋上唔少既椰醬，但係個人覺得糯米飯偏軟腍左啲🤔👁‍🗨 椰青（7/10）💲35；跟飯麵 +20椰青水清甜，入面啲肉比較軟滑，好輕易刮到🤗整體黎講，全部都大碟飽肚，價錢合理之餘仲要唔洗加一，服務亦都唔錯可以一戰😋🔛 整體評分（7/10）…查看更多

晚上在油麻地吃泰國菜，這家餐廳裝潢很樸實，類似茶餐廳的格局，設卡位和圓台，由於星期五晚的生活很旺，所以搭檯是常識吧？翻開餐牌，餐廳主要提供星馬泰的菜式，價錢實在，不設加一服務費。⭐️泰式酸辣無骨鳳爪沙律$58加入蘿蔔絲、蔥等配料，再加上調味料，吃起來酸酸辣辣，十分開胃。無骨鳳爪省卻了吮骨頭的麻煩，吃起來非常便利，鳳爪爽脆彈牙的口感很棒，雖然酸甜，但愈吃愈辣呢！⭐️星馬蛋黃雞翼$68蛋黃單骨雞翼炸得香脆，裹了蛋黃醬，咬下去盡是綿軟鹹香的蛋黃。香脆的雞皮和柔嫩的雞肉，多重口感融合在一起，令我欲罷不能，一連吃了好幾隻，如果嫌不夠味，還可以沾碟上的蛋黃醬。⭐️滷豬髀喇沙米線$48看見黃澄澄的湯頭，就流口了！嚐一口湯頭，湯頭香淡，很順口，但沒有想像中那般香濃，豬髀肉質較結實，若果換成雞腿我會更喜歡。⭐️炒芥蘭$58選擇了清炒芥蘭，健康的選擇。⭐️椰青$20清新解渴，很棒喔！…查看更多

旺角行到攰搵間餐廳下午茶泰式未必一定要大班人食嘅自私食都得😛叫左個芒果糯米飯加椰青～🤤🤤椰青先到好清甜！大大個！呢度下午茶只係加$20平時叫一個至少$35抵！仲一早準備了鐵匙俾我食椰肉，細心！芒果糯米飯到了賣相一般啦～襯返呢度嘅茶餐廳格局不過食泰國野從來都唔係好睇環境賣相嘅最緊要好味！驚為天人的好味！好多是呢類甜品都係一早預備好，放喺雪櫃，雪到硬晒，又或者糯米好似未煮開咁硬掘掘😕呢個糯米飯係暖暖軟軟的配上微鹹嘅椰漿，超好味！！！估唔到會有個咁驚喜嘅邂逅☺️☺️☺️好幸福！芒果喺呢個時候，就變左配角不過也夠鮮甜美味！雖然呢度只係一個茶餐廳模式但相信廚師店家都有不少小心思希望將來可以再試試其他菜式！…查看更多

每次去交美戰精品後，我總愛去附近的阿來東南亞風味吃晚餐，今晚亦不例外，這裡不用加一服務費，選擇又多，最適合剛破費不少卻嘴饞的我大吃一番，不用為錢包心痛。今晚「呼叫」泰式鐵板蠔仔蛋絡繹不絕，太受歡迎吧，而我本身是蚵仔蛋的粉絲，當然也有點這。蠔仔蛋軟滑無比，趁熱吃口感更佳，近看鐵板，絕大部份都是肥嫩的蠔仔，鮮美得很，伴隨底下爽脆的芽菜，別有一番鮮味。媽媽超喜歡這道泰式滷豬脾例牌，光是滷汁已很下飯，滷豬脾表皮閃著亮亮光澤，一口咬下，豬皮彈牙富膠質，大大滿足。豬脾肉滷得鹹香入味，媽媽吃得津津有味。豬脾旁邊的酸菜酸香開胃，也解飽膩。脆炸馬來豆卜釀蝦膠全都現點現炸，所以上桌時要注意它的燙熱。看看豆卜釀蝦膠如此飽滿，可見它非常足料。豆卜釀蝦膠外層炸至金黃香脆，內層蝦膠彈性十足，鮮甜的蝦味在口腔洋溢，超讚。辣椒膏蝦頭油海鮮炒飯深得我心，炒飯飯粒粒粒分明，味覺層次豐富，先是微微的香辣，繼而濃厚的蝦油餘韻，這就是炒飯的魅力所在。裡頭的海鮮配料豐盛，頗新鮮好吃，不一會碟子上的炒飯全都扒進嘴裡。我覺得嚐東南亞菜的話，配喝新鮮椰青可謂一流。椰青水自然甜美，十分解渴，喝畢後更可以用匙羹大挖突挖椰青中的椰肉，丁點椰青不浪費，千萬別錯過這天然好飲料。…查看更多

果日約咗朋友影相，一影就影到3點幾...餓到暈...朋友話想食泰國嘢，見哩間阿來唔太貴，所以就入去食。我哋一嚟就即刻嗌咗個椰青先，又餓又渴，椰青幾清甜，不過略嫌有啲貴，我記得平時啲餐廳好似賣廿幾蚊一個，定係我記錯呢?之後就叫咗馬拉盞炒四大天王，有秋葵、芥蘭、臭豆同豆角，正!一次過食4款蔬菜!而且啲菜幾新鮮!泰式鮮蝦炒金邊粉啲蝦幾新鮮，蝦肉結實，金邊粉味道帶點少甜少辣好開胃。由於乜都想試下，所以叫咗個小食拼盤，有蝦餅、蛋黃雞翼、豆卜同春卷，最好食係雞翼，咸蛋味很惹味，仲要係用單骨雞翼，方便入口!蝦餅同豆卜就是正常水準，而春卷就比較特別，裡面竟然有西芹，我就覺得ok, 我朋友就麻麻地。總括嚟講啲嘢食唔錯，價錢合理，而且啲服務員很友善。…查看更多

今晚去到旺角嘅煙廠街附近， 天氣開始轉得較為清涼一點， 我們 四處逛逛附近的小店， 行到近廣華街那裏搵食， 見到有阿萊東南亞泰菜， 之前喺太子試過 幾抵食而且味道唔錯。:) 荔枝梳打$22 次次食泰菜都飲青檸梳打，今次一於試新嘢。非常唔錯， 荔枝梳打好夠氣好夠凍， 飲到最後都 仲有氣而且唔會淡。椰青(+$20)椰青水好清甜， 冇個種酸酸地嘅青澀味。 而且裏面嘅肉更加甜滑。 泰式柚子蝦沙律$68 平時想食有時都大費功夫， 而家可以成盤柚子肉， 仲撈入乾蔥頭，炸蒜，其他香料同好多泰式蝦米仔， 口感豐富惹味。 反而隻蝦冇咩鮮味。海南雞飯$51價錢親民， 預料份量會好細。 竟然有驚喜雞件都算多。 雞皮爽滑雞肉肥美， 估唔到仲啖啖肉， 沾上特製秘製海南雞醬， 係越食越開胃。 仲有個雞油飯， 唔會好油且有好香嘅雞湯味， 軟熟香甜。 馬拉盞炒芥蘭$58芥蘭嫩綠冇苦澀味， 馬拉盞唔會太鹹， 同樣都係有好多泰式蝦米， 風味十足。星馬蛋黃雞翼$68薄薄嘅一層鹹蛋黃漿包著炸雞翼， 非常甘香惹味，唔会好咸或者好乾， 雞翼熱辣辣裏面仲好juicy。 好美味嘅小食。餐廳越夜越多人， 似乎好多都係街坊街里嚟開餐。食物價錢大眾化， 店員也好好招呼， 希望下次再來 試其它菜式。…查看更多

去茶餐廳諗起嘅食物，自然大多數都會想起港式、乜餐物餐、炒粉飯麵。最近，就去咗一家「茶記」，賣嘅喺東南亞菜，名字叫「阿來」，有好食嘅意思。先總結一下，食物唔算超高班，但亦絕不失禮，比起正式賣東南亞嘅菜館，收費大概平兩、三成，收咁嘅價，性價比高，所以，真喺太抵食:)！可能跟你平時去嘅東南亞菜館唔同，無傳統嘅東南亞風裝修，一入去完全喺茶記格局，環境以光猛為先，牆身貼上唔少食物相，水吧位疊起「黑白奶」，唔睇餐牌你就一定覺得入咗間茶記。無豪裝，更唔收加一，換嚟嘅就喺抵食嘅東南亞菜。餐牌就喺底面兩頁A4紙印晒出嚟，小食、沙律、湯品、小菜、海鮮、蔬菜、飯麵……多款星馬泰菜式。另一版就喺啲套餐、特色飲品及甜品。留意，點粉麵飯，都有飲品加配優惠。柚子鮮蝦沙律 $68雖然無講到明喺唔喺金柚，但質素唔差，柚肉拆得大大件、一梳梳，清甜爆汁，而且，份量都唔少；鮮蝦亦唔喺細細隻嗰啲，去晒殼，大隻爽甜；淋上酸酸辣辣嘅醬汁，此外，灑咗唔少炸椰子片，好有泰式風味之外，越食越開胃。馬拉盞炒四大天王 $68老婆喜歡食菜，故一眼就睇中呢道四大天王：秋葵、椰菜苗、臭豆同豆角，不過，臭豆改咗荷蘭豆，因為臭豆都曾經食過，好似蠶豆咁，一啲都唔臭，口感粉粉哋。搵馬拉蝦醬嘅馬拉盞炒，鹹鹹香香，夠晒惹味。香芒蟹肉炒飯 $58本來打算食喇沙，但見有道「香芒蟹肉炒飯」，只賣$58，睇落好抵吓。咪睇飯面都幾粒蟹肉、幾粒芒果，感覺好似好搵笨，但食落就知飯內仲混有蟹肉同芒果粒，雖然整體唔叫好多，但算交足貨；況且，啲飯炒得有水準，爽身，唔油，而且，份量十足，所以，真喺抵食嘅。椰青 +$20由於點咗個炒飯，所以，可以以優惠價加配個椰青，散點要$35架。老婆就最鍾意飲呢一類天然嘢，清甜，涼涼哋，唔會太凍；飲完仲可以刮埋啲椰青飲肉食，軟滑清甜。荔枝梳打 $22因外面都喺持續高溫，所以，一坐低就點杯荔枝梳打爽一爽，大杯得嚟好多冰，爽就爽，但幾快飲完，而荔枝味都只喺沿於荔枝糖漿。收得平，最有誠意嘅小店，我就覺得荃灣嘅「韓閣」喺其中一家，雖然喺罐頭貨，都有幾粒荔枝過你咬吓。咪睇少嗰幾粒罐頭荔枝呀，成本唔會好多，但俾客嘅感覺差好遠。三道菜、兩杯特飲，無加一，都喺二百頭，定價非常親民，食到我兩公婆好飽，連甜品都無點到。嚟得呢度預咗唔喺食環境，但難得服務比預期好，唔會好似某啲茶記咁又惡又串串貢，落單慢啲都好似阻佢趕投胎咁。…查看更多

暑假嘅波鞋街，日日迫爆，鬼叫佢係香港地標，唔去唔得😝，買完鞋，腳軟又肚餓，我出名旺角通，要食好西梗係去廣華街啦，嗰度就腳又多選擇，中西美食樣樣都有，今日就揀咗阿來東南亞風味😋點解揀阿來，就係睇到門口個咖喱軟殼蟹🦀火山🌋包。呢個咖喱軟殼蟹🦀火山🌋包🍞賣相非常吸引，見到真身仲不得了，色香味指數爆燈💡，平時要食風味咖喱，叫隻咖喱蟹至少$300，同一做法，今次選用軟殼蟹🦀，一半價錢就食到。軟殼蟹🦀金黃香脆，內裏軟心，本身已經好好味。加埋風味咖喱汁，🌴椰香咖喱滲着絲絲蛋花，濃稀合度，滿滿的載到麵包盒子🍞，就像火山🌋熔岩般掛在軟殼蟹上，一路傾瀉，一路滲透入麵包之內😋，冇得頂啊薄薄脆漿包着豆腐，炸得非常乾身，灑上淮鹽黑芝麻超級惹味，軟心豆腐白白滑滑，真係好好味東南亞風味🌴點少得食沙嗲，最愛帶花生味的沙爹醬，吃得串燒就要豁出去，越濃厚越杰身才是地道滋味咖哩、脆炸豆腐、BBQ串燒確係惹火🔥，當然要飲番個椰青清心解暑，食埋新鮮椰子肉夠曬環保😝今晚冇骨落地，食到飽飽人均消費都係百零蚊，我哋真係冇揀錯😋😋😋…查看更多

旺角餐廳咩菜式都有，去左尼間食泰菜既餐廳，裝修有d似茶餐廳feel，但係食物質素拍得住泰菜既香辣，以及甜。2個人食叫左咖哩軟殼蟹火山包($138)，泰式鮮蝦炒金邊粉($58)，泰式滷豬脾肉例牌($68)，椰青($35)。食物5分鐘已經送上枱，豬脾肉既豬皮同豬肉比例大約2:3，以為豬皮會好膩，平時我唔會特登食，但尼到既豬皮彈牙，食落口充滿骨膠原，而且炆得入味。而肉方面，豬脾肉質係"林"，唔會煮到"鞋"哂。而且一碟有成10件，底下附送幾條菜心，半隻蛋，酸菜，抵食好味。鍾意辣既朋友，可以醮d酸辣醬，令豬肉味更濃。軟殼蟹有2隻，已經幫你切開成4件。炸粉夠薄，所以唔會膩同濟。而且仲有少少蟹膏添，非常驚喜。而咖哩方面，我個人接受到佢既微辣，佢既辣係一開頭唔覺，但食食下辣味就會出。相對其他餐廳，佢既辣唔算辣，所以尼間餐廳既咖哩愈食愈過癮。加上，佢係咖哩入面加左蛋，所以個咖哩係有蛋漿塊(唔識容易)，唔係單調既稠身咖哩。另外加入洋蔥，西芹煮香咖哩。而炒金邊粉除左有蝦，蛋，另外餐廳加入豆干，紅色蝦仔乾，仲有花生碎，食落口有幾種層次。先係甜甜地既味，然後係甜蝦仔，之後有花生碎就脆脆地香口。蝦夠爽，用油泡一泡就會爽口d。雖然係炒粉，但食落口唔覺油，而且碟底都見唔到油淋淋。如果咖哩覺得辣，食啖炒粉就解哂辣。椰青水裝滿，而且刮出黎既肉甜，食泰菜一定唔少得叫椰青。整體，唔駛加一，而且價錢比其他泰菜餐廳平d，質素唔錯，環境舒服，侍應之間傾計吹水，好有茶記feel，值得再食。特別在於有喇沙，乾撈粗麵。…查看更多