得閒飲茶

营业中

休息中

這天到元朗找朋友，一致說想飲茶作晚餐😝記得之前嚐過，這家的太子分店不錯，一於選它! 🍴加一服務費：✖ ✿ 椰香黃金糕 $20 先從這說起，因為就是想念它而來🤣紋路很美，煙韌帶點彈性，帶甜甜椰香仍然是我最愛 ✿ 野菌素粉果 $26 內餡飽滿清爽，放涼少許外皮更煙韌好吃 ✿ 得獎蝦餃之王 $36 中上水準，賣相工整，內餡爽彈皮不算厚，但再薄些可以更凸顯手藝(?🤣 ✿ 沙爹金錢肚 $31 友人最喜歡這個，金錢肚厚身，醬汁惹味 ✿ 蔥花蝦米腸 $27 分量很多😳 如果蝦米和蔥花分量也多點就更好～ ✿ 灌湯小籠包 $28湯汁足，皮較厚 茶位費$6@1

元朗站📍得閒飲茶-呢間點心舖係太子都有食開，今次試下元朗呢間🫖蝦餃之王（$34）名不虛傳既蝦餃，皮薄餡正，平時食蝦餃有時覺得皮太厚/一夾就爛，呢度就完全冇呢個問題，蝦🦐都幾爽口同埋入味。雖然唔係大大粒，不過質量取勝。椰香黃金糕（$20）唔多點心舖有黃金糕，一見到就癮起😋黃金糕一梳梳魚翅狀，煙靭有嚼勁。不過我覺得如果再重d椰汁味更正😍蔥花蝦米腸（$25）腸粉出乎意料細滑，軟糯有米香。一開始睇錯以為係煎蝦米腸😂不過今次錯有錯著，冇煎更食到腸粉細滑。黑金流沙包（$33）流沙包有3隻，汲取咁多次辣親嘴既經驗，今次攤一攤先食。不過可能係攤耐左就冇想像中咁流心。流沙咸香十足👍🏻千島醬脆皮蘿蔔糕（$30）呢個邪惡之選🫢外脆內軟，咬開仲見到蘿蔔絲，真材實料🤤原籠鳳爪排骨飯（$38）老實講兩個人食完點心再食呢個飯真係好飽😰好鬼大籠，如果三個人share就岩岩好。飯底有荷葉，飯有淡淡荷葉香，排骨好嫩滑，鳳爪入味。茶芥每位$5🍵環境方面，裝修同新式點心店有少少分別，木枱櫈有一種舊式茶居感覺。卡位坐得幾舒服，衛生企理。

得閒飲茶早排去元朗果到交收D野，有個Fd 咁岩住附近，話附近有間點心又平又好食，下午茶一流，咁我諗下陪下朋友都好既，就話好喇呀！點知佢同我講得閒飲茶！我話下咩呀，又話下午茶又講得閒飲茶，係咪玩野，點知原來係我誤會左，間野個名就叫做『得閒飲茶』🤣🤣。💛椰香黃金糕唔知大家有冇食過呢一款由印尼傳入嚟嘅黃金糕但係我自己平時就係新年食多。喺度先發現原來黃金糕都可以咁好食椰香味超級出眾之餘口感一定會令到你一下愛上。 最緊要係唔係間間點心鋪都會有呢一個黃金糕以我所知製作係超級嘥時間見得出師父對點心真係有一份要求。必食3之1。。🦐蝦餃之王（四粒）得獎之作~ 真真正正皮薄餡靚， 只需要三十幾蚊就食到係酒店貴好多一品的蝦餃嘅質素！ 超級推薦大家試下~一定唔會後悔！啲皮做得超級好完全係睇到入面嘅餡係用筷子夾都唔會爛 。必食3之1。。🦐韭王鮮蝦腸韭黃味唔算好重不過鮮蝦靚到好似新鮮蝦咁。真係唔知佢點樣可以處理得咁好因為呢個價錢如果用新鮮蝦嘅話真係超誇張， 爽脆甜鮮，必食3之1。。🥟麻辣炒手（五粒）麻辣炒手，雲吞就一般水準以上唔算好特別，辣椒油麻辣酸甜鹹香的平衡到位令雲吞吃起來，不覺膩。一啖一啖食落去又幾好食停唔

早排去「得閒飲茶」飲茶，見呢間點心專門店可以全日免加一，好抵食。同幾個朋友食咗好多點心，埋單每人只係需要俾五十蚊左右，經濟實惠。而且點心味道唔錯，做到價廉物美，性價比幾高。小籠包比想像中大隻，分量有如湯包。灌湯肉餡濕潤鮮香，但外皮略厚，無小籠包應有個種吹彈可破嘅外層。蟲草花冬菇棉花雞入面鬆軟嘅魚肚吸滿雞肉精華，味道濃郁。配上蟲草花、蒸雞，口感、味道更有層次。有別於點心紙上大部分嘅傳統菜式，呢道日式翡翠豆腐更似一款中日crossover嘅自創炸點。麵衣鬆脆透薄，有如天婦羅外層，而內餡則似日式玉子豆腐。豆腐豆味唔突出，反而混入蔬菜嘅炸漿更惹味。排骨嘅油脂同醬汁滲入爽滑煙韌，Q彈可口嘅陳村粉，令原本平平無奇嘅粉皮肉香四溢。而且蒸排骨加咗粉麵後令人易飽肚，可以同盅飯一樣當主食，定價$25一份相當抵。黃金糕金黃奪目，椰香撲鼻。切開見到絲絲蜂窩狀，證明蒸發得宜。入口煙韌柔軟，甜而不膩。但蒸糕溫度稍涼，如果可以熱辣辣上枱就更好味。灌湯餃入面有蟲草花同花膠，用料矜貴。湯餃汁香滿盈，肉餡飽滿味濃。叉燒用料額多，分佈平均，每塊都有肉。腸粉皮軟熟滑溜，但略厚，尤其是粉皮重疊位置，影響口感。流沙包貓咪造型可愛