江南庭敘 (已結業)

去開九龍灣做嘢，知道呢度有間打邊爐好正，食物質素好好同埋裝修好高級，但係但係價錢唔貴，所以就一早book定位。被安排坐卡位，舒舒服服。餐牌係用iPad睇嘅，咁樣幾好，環保唔使曬紙。打邊爐點可以少得配料同醬油，呢度都好齊全。叫咗個鴛鴦鍋，沙嗲配芫荽皮蛋清湯。 個沙嗲好沙嗲湯底好香，好濃郁。安格斯肥牛雪花分佈得好平均，顏色新鮮好靚，入口即溶嘅感覺，質素好高好味。另外呢度先有嘅炸千層腐皮，第一次食，出邊無的，咬完一啖，果然睇到入邊係一層層，好味特別，推介！！另外啲丸，餃子同菜都好新鮮，好味～最後當然唔少得甜品啦，冇諗過火鍋店都有咁多甜品種類選擇，我哋叫咗三樣：楊枝甘露，川貝燉雪梨，燉木瓜雪耳，三個都好真材實料，絕對認真製作，食埋個甜品非常之滿足！！食物質素高，種類又多，坐得又舒服，服務好，值得推介！！

是日看完戲，來到在九龍灣的商廈晚餐。這裡人流不多，客人大都是已預約，多是家庭客。打邊爐最緊要當然是混醬！*醬油香蔥切得細緻企理，第一印象不錯。*香茜皮蛋鍋（$108）因為怕熱氣，所以點了比較清淡的湯底。湯底有很多香茜！*精選牛肉四拼盤（$328）想試多幾款的話，一定是點拼盤，拼盤有牛肩爪、手切肥牛、牛白肉和牛展。牛肩爪和肥牛的肉質都很嫩和淋；牛白肉是筋膜的位置，稍為焯一焯就已經可以食，味道不是肉味，而是帶點脂肪的味，但口感爽口；牛展比較多筋，比較un一點。*鮮蝦丸（$98）手打的鮮蝦丸很有份量感，爽口彈牙，但蝦味不算太濃。*唐生菜（$58）菜很翠綠，沒有一點蟲蛀變黃，又洗得乾淨。*鮮支竹（$58）支竹很重黃豆味！如果配上沙嗲湯底就一流了！*蘿蔔（$58）蘿蔔新鮮沒有苦澀味。*熱豆漿（$14）無糖的豆漿，比較健康。*楊枝甘露（$46）芒果味重，不會太甜，但西米少了一點。*薑茶湯丸（$32）芝麻湯丸皮薄煙un，而中間的芝麻餡亦很多，有流沙效果。

此江南庭敘位於九龍灣高銀國際金融中心，Grade A商業大廈，距離地鐵站約十五分鐘路程，但由於處於商業區內，weekend人流相當稀少。身處如此高級的商業大廈內，已是一享受，裝潢講究，環境一流，十分舒適。招牌鴛鴦鍋，一邊是清湯，另一邊為秘製沙嗲鍋，一濃一淡任君選擇。沙嗲湯底香甜濃郁，為火鍋配料增鮮不少。Asahi啤酒，此為我最喜愛的啤酒品牌，麥味香濃且不澀，邊吃火鍋邊喝冰涼啤酒，幾寫意。羊肉片: 羊肉色澤鮮紅，感覺相當新鮮，肉的質素上乘，肉味特別香濃，而且厚薄適中，爽彈有質感。以爽彈為本的黑牛栢葉也相當新鮮，爽口之餘，亦富牛香。豬腰及雞子均為進補之選，我倒不是想這些，而是其獨有的味道，為火鍋之極品。豬腰爽滑而鮮美不腥，處理得蠻不錯。雞子應該不需多說，愛吃就絕對愛吃，不愛吃/害怕的便不用多解釋。牛白肉: 此肉蠻特別，不是隨處可見。看似脂肪一樣，全身透白，卻是火鍋極品。質感極為爽彈，非常有驚喜。別以為白色便味淡，正正相反，牛肉卻是非常濃郁，很鮮美，無論是質感或是味道，都是意想不到。